2023-10-11 13:43
Информагентства
ՌԴ ԱԴԾ․ ԱՄՆ-ն դաշնակիցների հետ մեծ աշխատանք է տանում ԱՊՀ-ում իրավիճակը խարխլելու համար
ԱՄՆ–ն իր դաշնակիցների հետ լայնածավալ աշխատանք է սկսել ԱՊՀ երկրներում իրավիճակը խարխլելու ուղղությամբ։ Նրանք փորձում են քաղաքական ճգնաժամերի նախադրյալներ և «գունավոր հեղափոխությունների» սցենարների իրագործման համար անհրաժեշտ պայմաններ ստեղծել։ Այս մասին հայտարարել է ԱՊՀ անդամ երկրների անվտանգության մարմինների և հատուկ ծառայությունների ղեկավարների խորհրդի նախագահ, ՌԴ ԱԴԾ տնօրեն Ալեքսանդր Բորտնիկովը։
ԱՄՆ–ի և Մեծ Բրիտանիայի հատուկ ծառայությունները կենտրոնացրել են ուժերը ԱՊՀ հարավային սահմաններում իրավիճակը խարխլելու համար, այդ նպատակով ծրագրում են օգտագործել Իրաքում, Սիրիայում և ասիական և աֆրիկյան մի շարք այլ երկրներում գործող միջազգային ահաբեկչական կազմակերպությունների զինյալներին, ինչպես նաև նրանց տեղափոխել Աֆղանստանի հյուսիս։
Նրանց նպատակը, ՌԴ ԱԴԾ ղեկավարի խոսքով, նախևառաջ Տաջիկստանում, Ուզբեկստանում և Թուրքմենստանում իշխանությունը զավթելն է, դրանք այսպես կոչված «Համաշխարհային խալիֆայության» մեջ ներառելը։
«Տեղեկություն ունենք, որ միջազգային ահաբեկչական կազմակերպությունների շարքերը համալրած Կենտրոնական Ասիայի հանրապետությունների քաղաքացիները սահմանային գոտու տեղազննում են իրականացնում և պարզում խոցելի հատվածները` այնտեղ դիվերսիոն խմբեր և ահաբեկչության միջոցներ տեղափոխելու համար», – հավելել է նա։
Բացի այդ, ըստ Բորտնիկովի, ԱՄՆ–ն և ՆԱՏՕ–ն «աֆղանական սպառնալիքի» դեմ պայքարի պատրվակով Կենտրոնական Ասիայի երկրներին ակտիվորեն ռազմատեխնիկական համագործակցության և սահմանային անվտանգության գծով ծառայություններ են պարտադրում, որպեսզի ռազմական ճանապարհով «յուրացնեն» ԱՊՀ տարածքը։
Նրա խոսքով` հավաքական Արևմուտքը, անտեսելով միջազգային իրավունքի հաստատված նորմերը` վախեցնելու առավել արդյունավետ ձևեր է փնտրում, սեպ խրում ԱՊՀ երկրների և նրանց հարևանների միջև գոյություն ունեցող բարեկամական հարաբերություններում։
«Արևմուտքի ներկայացուցիչների հատուկ ջանքերն ուղղված են վերահսկողությունից դուրս գտնվող միջպետական միավորումների խարխլմանը և դրանց մասնակիցների բաշխմանը այլընտրանքային ձևաչափերով, ինչը խզում է կայացած առևտրատնտեսական, քաղաքական և պատմամշակութային կապերը։ Հիմնական թիրախներից են Եվրասիայի տարածքի ինտեգրացիոն նախագծերը. ԱՊՀ, ԵԱՏՄ, ՀԱՊԿ և ՇՀԿ», – նշել է Բորտնիկովը։
Նա նշել է, Արևմուտքն իր հատուկ ծառայությունների, ինչպես նաև կառավարվող հասարակական կազմակերպությունների և ԶԼՄ–ների միջոցով աշխատանք է տանում ԱՊՀ երկրներում ազգամիջյան և միջկրոնական պառակտում, ռազմական հակամարտություններ հրահրելու ուղղությամբ` այդպիսով քաղաքական ճգնաժամերի նախադրյալներ և «գունավոր հեղափոխությունների» սցենարների իրագործման համար անհրաժեշտ պայմաններ ստեղծելով։
Sputnik Արմենիա
ПОСЛЕДНИЕ ОТ АВТОРА
-
New2025-05-20 05:59Франция решительно осуждает приговор к пяти годам тюремного заключения, вынесенный российским судьей сопредседателю неправительственной организации по наблюдению за выборами «ГОЛОС» Григорию Мельконянцу. Об этом говорится в заявлении МИД Франции.
-
New2025-05-20 05:56Всеиндийский внутренний совет по драгоценным камням и ювелирным изделиям (GJC), высший орган, представляющий отечественную отрасль драгоценных камней и ювелирных изделий Индии, обратился к членам отрасли с просьбой прекратить деловые операции с Турцией и Азербайджаном. Об этом сообщает индийское издание The Hindu.
-
New2025-05-20 05:52Артисты Большого театра (Москва) и Мариинского театра (Санкт-Петербург) выступят в парке имени Туманяна в Ереване. Об этом сообщает мэрия столицы.
-
New2025-05-20 05:48«Зангезурский коридор соединит Турцию и страны тюркского мира». Об этом заявил министр транспорта и инфраструктуры Турции Абдулкадир Уралоглу.