2023-10-17 18:09
Информагентства
«Հայաստան» հիմնադրամը 1000 ընտանիքի համար նախատեսված 40 տոննա օգնություն է տրամադրել բռնի տեղահանվածներին
«Հայաստան» համահայկական հիմնադրամը ԱՄՆ «Հայաստան» հիմնադրամի ֆինանսավորմամբ, տասնյակ բեռնատարներով մարդասիրական օգնություն է բաշխել տեղահանված մեր հայրենակիցներին՝ մարզերում գործող իր գործընկեր հասարակական կազմակերպություններիների միջոցով։
Հիմնադրամից NEWS.am-ին հայտնում են, որ հրատապ աջակցությունը ներառում է 1000 ընտանիքի համար նախատեսված 40 տոննա պարեն (բրինձ, մակարոն, հնդկաձավար, ձեթ, թխվածքաբլիթ, կարտոֆիլ, թեյ, սուրճ և այլն), մանկական սնունդ, տնտեսական ապրանքներ, հագուստ և հիգիենայի պարագաներ։ Արարատի մարզում աջակցությունից օգտվել է 220, Վայոց Ձորում՝ 100, Սյունիքում՝ 320, իսկ Գեղարքունիքում 340 տեղահանված ընտանիք։
Հիմնադրամը նախատեսում է ընդլայնել հումանիտար աջակցության տրամադրման աշխարհագրությունը՝ ընդգրկելով ՀՀ գրեթե բոլոր մարզերը: Շուրջ 400 մլն դրամ արժողությամբ հումանիտար օգնության երկրորդ փուլը կներառի կենցաղավարման համար առաջնային անհրաժեշտության պարագաներ՝ մահճակալներ, տաքացուցիչներ, տաք հագուստ, սնունդ, անկողնային և հիգիենայի պարագաներ: Հիմնադրամի աջակցությունից առաջիկա շաբաթներին կօգտվի ավելի քան 2000 ընտանիք:
Շնորհակալություն ենք հայտնում Եղեգնաձորի «Դու մենակ չես» կանանց աջակցման կենտրոնին, «Վիննեթ Գորիս» զարգացման հիմնադրամին, «Մարտունու կանանց համայնքային խորհուրդ» ՀԿ-ին և «Ժողովրդավարության և անվտանգության հայկական կենտրոն» հիմնադրամին՝ իրենց անխոջ կամավոր աշխատանքի համար։
Ձեր նվիրատվությունները կօգնեն տեղահանված մեր հայրենակիցների համար նախատեսված շարունակական աջակցության հրատապ ծրագրերի իրականացմանը։ Առցանց նվիրատվությունների և բանկային փոխանցումների համար այցելեք «Հայաստան» համահայկական հիմնադրամի կայք հետևյալ հղումով։
Աջակցության վերաբերյալ վերաբերյալ տեսանյութը հետևյալ հղումով՝
https://www.himnadram.org/hy/donate։
News.am
ПОСЛЕДНИЕ ОТ АВТОРА
-
2025-06-22 11:45Иран заранее эвакуировал три ядерных объекта, удары по которым нанесли США, сообщает персидская служба Би-би-си со ссылкой на заместителя директора Иранского радио и телевидения Хасана Абедини.
-
2025-06-22 11:35День, когда каждый по-своему должен защитить свою Церковь. Этот день может стать и днём великого примирения, днём совместного действия.
-
2025-06-22 10:04Система наблюдения NASA зафиксировала мощный выброс тепла в районе иранского ядерного объекта у Фордо незадолго до объявления США об авиаударе. Об этом сообщает газета The New York Times.
-
2025-06-22 10:02США готовы в случае необходимости в течение считаных минут уничтожать дополнительные цели в Иране. Об этом заявил американский лидер Дональд Трамп, выступая в Белом доме с телеобращением к согражданам в связи с нанесением ударов по Ирану.