2023-10-20 14:43
Информагентства
Հրանտ ՄԻՔԱՅԵԼՅԱՆ․ ԻՇԽԱՆԱԿԱՆ ՔԱՐՈԶԻՉՆԵՐԸ ՀԱԿԱԱՐՑԱԽՅԱՆ ՏՐԱՄԱԴՐՈՒԹՅՈՒՆՆԵՐ ԵՆ ՏԱՐԱԾՈՒՄ (ՏԵՍԱՆՅՈՒԹ)
Եթե արցախցիներն իմանային, որ Հայաստանում հետագայում հաստատվելու հնարավորություններ ունեն, հաստատ արտագաղթի ուղին չէին բռնի։ Այս մասին Alpha News-ի ուղիղ եթերում ասաց քաղաքագետ, տնտեսագետ Հրանտ Միքայելյանը՝ ներկայացնելով արցախցիների արտագաղթման պատճառները։
«Պատշաճ պայմաններ չկան արցախցիների համար։ Դա անհնար էր, որ լիներ, քանի որ մեծ հոսք է եկել Արցախից, ոչ մի նախապատրաստական աշխատանք չի կատարվել, մարդկանց մի մասին տեղավորել են դպրոցների մարզադահլիճներում, բնականաբար, ընտանիքների համար դրանք հարմար պայմաններ չեն։ Եթե արցախցիներն իմանային, որ ունեն հետագայում հաստատվելու հնարավորություններ, հաստատ արտագաղթի ուղին չէին բռնի։
Այստեղ խնդիրը նրանում է, որ նրանք հեռանկար չէին տեսնում այստեղ, հաճախ իշխանամետ քարոզիչները արցախցիներին մեղադրում են ինչ-որ բաներում, հակաարցախյան տրամադրություններ են տարածում։ Ստացվում է արցախցիները մի կողմից հայերից ստանում են դրական վերաբերմունք, մյուս կողմից՝ դժգոհություն, մեղադրանքներ և նույնիսկ ատելություն»,- ասաց Միքայելյանը։
Քաղաքագետի կարծիքով՝ արցախցիները հասկանում են, որ Ադրբեջանը չի ուզում դադարեցնել ագրեսիան Հայաստանի նկատմամբ և վտանգի տակ են նաև Հայաստանում։
«Մեկ այլ հանգամանք է, որ ընդհանուր բնակեցում, ռազմավարություն և այլն, չի մշակվել և չի մշակվում։ Կառավարությունը այս մարդկանց փորձում է ընդամենը սոցիալապես ապահովել, բայց խնդիրը չլուծել։ Կառավարությունը կարող է քայլեր ձեռնարկել, որ մարդիկ ինտեգրվեն, այլ ոչ թե իրենց միգրանտ զգան և այդպես ապրեն։ Արցախցիները հասկանում են, որ Ադրբեջանը չի ուզում դադարեցնել ագրեսիան Հայաստանի նկատմամբ, և իրենք վախենում են, որ Հայաստանում էլ կարող են ապահով չլինել՝ հատկապես Սյունիքում։ Ըստ այդմ՝ միայն կոչերով հանդես գալը լուծում չէ, պետք է հստակ քայլեր ձեռնարկել արցախցիների արտագաղթը դադարեցնելու համար»,- եզրափակեց Միքայելյանը։
ПОСЛЕДНИЕ ОТ АВТОРА
-
2025-07-27 16:07В День Преображения Господня сегодня, 27 июля, в Первопрестольном Святом Эчмиадзине состоялась церемония открытия Католикосской усыпальницы и молитвенного зала для зажигания свечей, построенных во дворе Кафедрального Собора под председательством Католикоса Всех Армян Гарегина Второго.
-
2025-07-27 10:00В Армении сегодня отмечают праздник Преображения Господня — Вардавар. Это один из пяти больших праздников Армянской Апостольской церкви и один из самых любимых в народе.
-
2025-07-27 09:53Священник отец Мхитар Алоян опубликовал публикацию под названием «От семинарских лет до католикосата: свидетельство из сердца».
-
2025-07-27 09:48В программе «Есть вопросы» Aysor.am политический деятель Давид Шахназарян прокомментировал распространяемые сообщения о том, что Армения согласилась делегировать контроль над дорогой в Сюнике американской компании. Премьер-министр Армении не опроверг эту информацию, отметив, что не возражает против такого шага.