2023-11-08 16:20
Информагентства
Դեմկուսի առաջնորդ․ Հայաստանում պետք է ԼՂ-ի վտարանդի կառավարություն գործի
ՀՀ տարածքում անհրաժեշտ է Արցախի վտարանդի կառավարություն ձևավորել։ Այս մասին լրագրողների հետ զրույցում ասաց Դեմոկրատական կուսակցության առաջնորդ Արամ Սարգսյանը։
Քաղաքական գործչի խոսքով` գործող իշխանությունների իներտ, պարտվողական քաղաքականությանը, որը խաղաղության և կայունության չի հանգեցնի, այլընտրանք կա։ Սարգսյանը կարծում է, որ չի կարելի անգործությունն արդարացնել հակառակորդի գերազանցությամբ։
Ավելի վաղ հատուկ հանձնարարություններով ՀՀ դեսպան Էդմոն Մարուքյանը հարցազրույցներից մեկում հայտարարել էր, որ Հայաստանում ԼՂ-ի որևէ պետական ինստիտուտ չպետք է գործի, քանի որ դա հարվածի տակ է դնում երկրի անվտանգությունը։
Նման մոտեցումը Սարգսյանն անվանեց թերի` հավելելով, որ եթե իշխանությունները դեմ են վտարանդի կառավարության գաղափարին, ապա հասարակությունը, քաղաքական ուժերը պետք է նրանց վրա ճնշում գործադրեն։
«Չի կարելի համակերպվել ներկա իրավիճակի հետ։ Եթե հիմա համակերպվենք ԼՂ–ի կորստի հետ, ապա վաղը ստիպված կլինենք համակերպվել Սյունիքի կամ այլ տարածքների կորստի հետ։ Տեսեք` հիմա Ադրբեջանը Հայաստանից 8 գյուղ է պահանջում և բոլորովին հասկանալի չէ, որտեղից այդ գյուղերը վերցրին, ինչ «անկլավներ» են դրանք։ Այդ անկլավները վաղուց չկան, դրանք վերացել են ԽՍՀՄ փլուզումից հետո։ Այդ պարոնը (նկատի ունի վարչապետ Նիկոլ Փաշինյանին – խմբ.) ինքն է հորինել «անկլավների» խնդիրը, ինչպես հորինել է Ալմա Աթայի հռչակագիրը», – ասաց Սարգսյանը։
Ավելի վաղ Ադրբեջանի արտգործնախարարությունը հայտարարություն էր տարածել, որում նշվում էր, որ Հայաստանը պետք է «ազատի ադրբեջանական 8 գյուղերը»։ «Անկլավների» թեման առաջացել է 2020 թվականի 44-օրյա պատերազմից հետո։ ՀՀ իշխանությունները բազմիցս հայտարարել են, որ հարցը պետք է քննարկվի խաղաղության պայմանագրի շուրջ տարվող բանակցությունների ընթացքում։
Sputnik Արմենիա
ПОСЛЕДНИЕ ОТ АВТОРА
-
New2025-05-20 14:07Житель Азербайджана Игбал Абилов приговорен к 18 годам лишения свободы по обвинению в шпионаже в пользу Армении.
-
New2025-05-20 14:04Парламентская комиссия по государственно-правовым вопросам одобрила проект о внесении изменений в Уголовный кодекс Армении, предусматривающих ужесточение наказания за уклонение от службы в армии и от участия в учебных сборах.
-
New2025-05-20 14:02Москва готова взять на себя роль в сделке США и Ирана по иранскому ядерному досье, которую ей отведут страны, подписавшие соглашение, заявил РИА Новости замглавы МИД России Андрей Руденко.
-
New2025-05-20 12:41Азербайджан продвигал идею проведения встречи с участием президента Ильхама Алиева, премьер-министра Израиля Нетаньяху и президента Турции Реджепа Тайипа Эрдогана, однако решение последнего не допустить пролета израильского самолета через воздушное пространство Турции в этом месяце привело не только к отмене саммита, но и к переносу визита Нетаньяху. Об этом пишет Globes.