2023-11-08 17:16
Информагентства
Հունաստանում ՀՀ դեսպան․ Հայաստանի դեմ Ադրբեջանի ագրեսիայի վտանգն ամենևին էլ չեզոքացված չէ
Հայաստանի նկատմամբ Ադրբեջանի ագրեսիայի վտանգն ամենևին էլ չեզոքացված չէ։ Այս մասին «Diplomatic Life of Greece» ամսագիրին տված հարցազրույցում ասել է Հունաստանում Հայաստանի դեսպան Տիգրան Մկրտչյանը։ Հարցազրույցից որոշ հատվածներ հրապարակվել են Հունաստանում Հայաստանի դեսպանության ֆեյսբուքյան էջում:
«Այսօր ադրբեջանական բանակը օկուպացնում է Հայաստանի ինքնիշխան տարածքների մի մասը՝ շարունակելով ուժի սպառնալիքների ու շանտաժի քաղաքականությունը։ Ադրբեջանը նոր պահանջներ է ներկայացնում Հայաստանին, իսկ միջազգային հստակ պատասխանի բացակայության պայմաններում նոր ագրեսիայի վտանգը բավականին մեծ է»,–ասել է նա։
Մկրտչյանն ընդգծել է, որ միջազգային հանրությունը կարևոր առաքելություն ունի Ադրբեջանին կառուցողական դաշտ բերելու համար:
«Հնարավոր կլինի կանխել նոր արյունահեղությունը տարածաշրջանում, ստիպել Ադրբեջանին հրաժարվել ուժի սպառնալիքից և վերադառնալ երկխոսության միայն այն դեպքում, եթե միջազգային դերակատարներն ունենան միասնական կամք և համապատասխան ճնշում գործադրեն»,–ասել է Մկրտչյանը։
Դեսպանը հայտարարել է, որ Ադրբեջանի քայլերի` միջազգային իրավունքին չհամապատասխանելը պետք է հանգեցնի լուրջ հետևանքների:
«Տարածաշրջանային խնդիրների խաղաղ կարգավորումն այլընտրանք չունի միջազգային իրավունքի սկզբունքների, այդ թվում՝ Բաքվի ստանձնած միջազգային պարտավորությունների շրջանակներում»,–ասել է դեսպանը։
Նա նաև ընդգծել է Արցախում հայկական պատմամշակութային ժառանգության պահպանման խնդիրը։
«Այստեղ են գտնվում վաղ քրիստոնեական մշակույթի բազմաթիվ հուշարձաններ, ինչպիսիք են ամենատպավորիչ Ամարասը, Դադիվանքը, Գանձասարի վանքերը։ Մի շարք վայրերում գրանցվել են եկեղեցիների ավերման կամ վերակառուցման փորձեր, որոնցում մաքրվել են հայկական հետքերը»,–ասել է նա։ Դեսպանը շեշտել է, որ եթե շտապ և անհրաժեշտ միջոցներ չձեռնարկվեն, կկրկնվի Նախիջևանի օրինակը` հայկական տարածաշրջան, որտեղ մեկ դարից էլ պակաս ժամանակահատվածում հայկական գոյության հետք չի մնացել։
Sputnik Արմենիա
ПОСЛЕДНИЕ ОТ АВТОРА
-
New2025-05-20 19:38Госсекретарь США Марко Рубио во время выступления в Сенате предупредил, что правительство Сирии во главе с президентом Ахмед аш-Шараа сталкивается с серьезными проблемами, сообщает Al Arabiya.
-
New2025-05-20 19:36Армянская сторона попросила Евросоюз не только воздействовать на Баку, но и помощи через Европейский фонд мира, следует из выступления главы МИД Армении Арарата Мирзояна в ходе регионального семинара послов стран ЕС в Восточной Европе и Центральной Азии.
-
New2025-05-20 19:34Глава общественной организации «Право на здоровье» Ануш Погосян накануне сообщила о вспышке бруцеллёза в селе Чкаловка Гегаркуникской области.
-
New2025-05-20 19:29Союз армян России (САР) обратился в Следственный комитет РФ с призывом возбудить уголовное дело в связи со сносом и осквернением памятников героям Великой Отечественной войны на территории Нагорного Карабаха. Организация расценивает происходящее как оскорбление памяти защитников Отечества и осквернение символов воинской славы России.