2023-11-14 19:11
Информагентства
ԱԺ պատգամավոր․ ԵԱՏՄ ոչ մի երկրում դիզվառելիքի գինն այնքան բարձր չէ, որքան Հայաստանում
ԵԱՏՄ ոչ մի երկրում դիզվառելիքի գինն այնքան բարձր չէ, որքան Հայաստանում։ Այս մասին, այսօր՝ նոյեմբերի 14-ին, ՀՀ ԱԺ հայտարարությունների ժամին ասաց ՀՀ ԱԺ «Հայաստան» խմբակցության պատգամավոր Գառնիկ Դանիելյանը։
Ըստ նրա` իշխանությունների անգործության արդյունքում ուղիղ վնաս է հասցվում քաղաքացու գրպանին։
«Վերջին ամիսներին առանց տնտեսագիտական հիմնավորումների թանկանում է դիզվառելիքը։ Հեղուկ գազի արժեքը 160 դրամից դարձել է 220 դրամ, իսկ բենզինի պրեմիում տեսակի 1 լիտրը հատել է 570 դրամի սահմանը։ Սա վկայում է ոլորտում վերահսկողության լիակատար բացակայության մասին։ Հարցով նախևառաջ պետք է զբաղվեր Մրցակցության պաշտպանության հանձնաժողովը, մինչդեռ ոչ միայն չի ուսումնասիրվում գնաճի պատճառները, այլև հանձնաժողովի նախագահը հայտարարում է, որ իրենց պատկերացմամբ` ՀՀ-ում բենզինի գները դեռ մի բան էլ ցածր են»,– ընդգծեց նա։
Պատգամավորը չի բացառում, որ ՄՊՀ նախագահի այս արտահայտությունն էլ առիթ է տվել բենզինի ներկրմամբ ու վաճառքով զբաղվող տնտեսվարողներին էլ ավելի բարձրացնել բենզինի արժեքը. «Ի դեպ, խնդրահարույց է նաև դիզվառելիքի և բենզինի ոչ միայն գինը, այլև որակը, ինչը վկայում է ոլորտի բարձիթողի վիճակի մասին: Կան մտավախություններ, որ առաջիկայում կբարձրանա նաև գազի գինը: Այս իրավիճակը ոչ թե օբյեկտիվ գործոններով է պայմանավորված, այլ իշխանությունների անգործության հետևանքով»,-ասաց ընդդիմադիր պատգամավորը:
Նա հիշեցրեց ժամանակին ընդդիմադիր պատգամավոր Նիկոլ Փաշինյանի ելույթը. «Ժամանակին ընդդիմադիր պատգամավոր Նիկոլ Փաշինյանն ԱԺ ամբիոնից ասում էր` եթե բենզինի գինը բարձրանում է, եկեք բրդեք մեքենաները, կարագը թանկացել է, եկեք խառը կանաչի ուտենք: Ելույթի վերջում հեգնական տոնով շնորհակալություն էր հայտնում նախորդ իշխանություններից անհոգ և երջանիկ իրականության համար:
Եվ սա ասում է մի մարդ, որի օրոք անկում են ապրում գրեթե բոլոր ոլորտները ու կանգնել ենք անվտանգային նոր մարտահրավերների առաջ»,– հայտարարեց Գառնիկ Դանիելյանը։
News.am
ПОСЛЕДНИЕ ОТ АВТОРА
-
New2025-05-20 05:48«Зангезурский коридор соединит Турцию и страны тюркского мира». Об этом заявил министр транспорта и инфраструктуры Турции Абдулкадир Уралоглу.
-
New2025-05-20 05:42В Баку прошло очередное заседание так называемого "суда" над пленными лидерами Нагорного Карабаха. В рамках процесса был допрошен бывший президент Арцаха Бако Саакян.
-
New2025-05-20 05:39Последние "баталии" в Национальном собрании Армении – включая нецензурные оскорбления и рукоприкладство – укладываются в логику предвыборной борьбы. Об этом в беседе со Sputnik Армения заявил политтехнолог Виген Акопян, комментируя инцидент между депутатами правящей фракции и оппозиционного блока "Айастан" на прошлой неделе.
-
New2025-05-20 05:30После телефонного разговора с Трампом президент России Владимир Путин вышел к журналистам и сообщил, что разговор длился более 2 часов. Он назвал разговор с Трампом содержательным, откровенным и весьма полезным. Трамп отметил, что Россия выступает за мирное урегулирование кризиса на Украине, добавил Путин.