2023-12-05 09:11
Рубен МАРГАРЯН
ՆԻԿՈԼԸ ՊԱՏՐԱՍՏՎՈՒՄ Է, ԸՆԴԴԻՄՈՒԹՅՈՒՆԸ՝ ՄՏՈՐՈՒՄ
Ո՞րն է Փաշինյանի առավելությունը իրեն դիմակայող քաղաքական դաշտի նկատմամբ։ Նա կիրառում է մրցակցից առաջ անցնելու գործելակերպը։ Նա արդեն այսօր պատրաստվում է արտահերթ ընտրություններին։ Իսկ ի՞նչ է անում ընդդիմությունը։ Առավելապես զբաղված է ներքաղաքական և արտաքին քաղաքական հաշվեպարզումներով. ով, ինչ, երբ ինչ-որ բան սխալ ասաց և սխալ չարեց։ Թռիչքների վերլուծությունն, իհարկե, օգտակար բան է, բայց այսօր բնավ տեղին չէ։
ՎԵՐԱԴԱՌՆԱՆՔ ՓԱՇԻՆՅԱՆԻՆ։ ԻՆՉՈ՞Ւ Է ՆԱ ԵՆԹԱԴՐՈՒՄ, ԹԵ ԲԱՆԸ ՀԱՍՆԵԼՈՒ Է ԸՆՏՐՈՒԹՅՈՒՆՆԵՐԻ։ Ոչ միայն այն պատճառով, որ արդեն նախադրյալներ կան, այլ որ հասկանում է. ամսեամիս, եթե ոչ օրեցօր, այդ նախադրյալներն ավելանալու են։
Վերցնենք թեկուզ խաղաղության պայմանագրի ստորագրումը Հայաստանի և Ադրբեջանի միջև։ Երևանն ասում է, թե կողմերը մոտ են ստորագրմանը։ Բաքուն էլ է արդեն ասում, թե կողմերը մոտ են ստորագրմանը։ Եվրոպական երկրներից ու Վաշինգտոնից լսում ենք նույն տոնայնությունը։ Մոսկվան ասում է, որ պատրաստ է «եռանդագին» նպաստել գործընթացի առաջմղմանը։
Այսպիսով, պայմանագիրը ստորագրվելու է։ Նիկոլն արդեն հոգնել է ասելուց, որ պայմանագրի հիմքում լինելու են խորհրդային Գլխավոր շտաբի վերջին քարտեզները։ Համաձայն այդ քարտեզի՝ մի շարք անկլավներ ներառված էին Ադրբեջանի կազմում։ Այսինքն, համաձայն այդ քարտեզների և պայմանագրի, որը Նիկոլը պատրաստ է ստորագրել, Բաքուն բոլոր հիմքերը կունենա անհապաղ պահանջելու անկլավները…
Այսինքն խոսքն ակնհայտ կանխատեսելի գործընթացի մասին է։ Լսո՞ւմ ենք արդյոք ընդդիմության արձագանքը։ Լսո՞ւմ ենք արդյոք հայտարարություններ, որ Փաշինյանն իրավունք չունի ժողովրդի թիկունքում էլի ինչ-որ բան հանձնել Ալիևին։ Որ այն ծրագրում, որով նա շահեց ընտրությունները, ոչինչ ասված չէր այն մասին, թե 8 գյուղեր պետք է անցնեն Ադրբեջանին, հետևաբար՝ Փաշինյանը մանդատ չունի նման որոշում ընդունելու, միանձնյա տնօրինելու երկրի տարածքները։ Հո պապից չի ժառանգություն ստացել։
Պետք է առնվազն նոր ընտրություններ անցկացվեն, որոնց ժամանակ պարզ կդառնա, թե պատրաստ են քաղաքացիներն իրենց ձայնը տալ Փաշինյանին, իմանալով, որ նա Բաքվին է հանձնելու ևս 8 գյուղ։
Ողջամիտ ընդդիմությունը հարցը պետք դնի հենց այսպես. միայն ընտրությունների արդյունքներով Փաշինյանը կարող է էլի ինչ-որ բան հանձնելու մանդատ ստանալ։ Եթե մարդիկ ձայն տան նրան, հստակ պատկերացնելով հետևանքները, ապա ի՜նչ արած, թող այդպես լինի։ Բայց միայն՝ իմանալով քաղաքացիների կամարտահայտությունը։
Ողջամիտ ընդդիմությունը այդ օրակարգի շուրջ պետք է աշխատանք տանի քաղաքական բոլոր ուժերի հետ։ Ավելի կոնկրետ. խորհրդարանական ընդդիմությունը պետք է դիմի մյուս բոլոր քաղաքական ուժերին կոնկրետ հարցով. համամի՞տ են արդյոք, որ անհնար է նոր զիջումներ անել Ադրբեջանին, չիմանալով մարդկանց կարծիքը, այսինքն՝ ընտրությունների արդյունքները։
ԱՅՍ ՀՈՂԻ ՎՐԱ ՊԵՏՔ Է ՔՆՆԱՐԿՈՒՄՆԵՐ ԸՆԹԱՆԱՆ ՔԱՂԱՔԱԿԱՆ ԱՅՆ ՈՒԺԵՐԻ ՄԻՋԵՎ, որոնք գոնե ինչ-որ կշիռ ունեն։ Նույն հարցը պետք է դնել Փաշինյանի առջև. համաձա՞յն է արդյոք երկրի ամենամեծ ժողովրդավարը, որը սիրում է կրկնել, թե ժողովրդավարությունը Հայաստանի բրենդն է, որ Բաքվին նոր զիջումներ անելն անհնար է, եթե դրանց վերաբերյալ չկան քաղաքացիների կամարտահայտության կոնկրետ տվյալներ։ Իսկ դա կարելի է իմանալ միայն նոր ընտրությունների միջոցով։ Թող Փաշինյանը արտահայտի իր դիրքորոշումը։
Ընդդիմությունը պետք է հստակ հայտարարի Փաշինյանին. անկլավների ոչ մի հանձնում՝ առանց ժողովրդի համաձայնության։ Դա կարելի է ստուգել միայն ընտրությունների միջոցով։ Այլապես երկրի տարածքները հանձնելու քո որոշումը կլինի ոչ լեգիտիմ, քրեորեն պատժելի, և մենք կպայքարենք դրա դեմ բոլոր միջոցներով։ Այսպիսի աշխատանք պիտի տանի այսօր ընդդիմությունը առցանց ռեժիմով, բայց մենք այլ բան ենք տեսնում։ Մենք տեսնում ենք միանգամայն այլ բան. քնած վիճակ։
Ի դեպ, միայն ընտրությունների միջոցով է պետք պարզել մարդկանց վերաբերմունքը ոչ միայն անկլավների հանձնման խնդրին։ Նույնպիսի մոտեցում է պետք նաև Նիկոլի արտաքին քաղաքական թախլաչիությանը։ Նա, ինչ է, իր նախընտրական ծրագրում խոստացել էր խզե՞լ հարաբերությունները ՀԱՊԿ-ի հետ։ Ոչ։ Ուրեմն բարի եղիր հարցնել համաքաղաքացիներիդ. նրանք համաձա՞յն են, որ Հայաստանն անցնի բրիտանական հատուկ ծառայությունների արտաքին կառավարման տակ։
Նիկոլը պարտավոր է գնալ ընտրությունների և հստակ ասել ընտրողին. հաղթելու դեպքում կհանձնի անկլավները, դուրս կգա ՀԱՊԿ-ից, կխզի կապերը Ռուսաստանի հետ։ Միայն այդպես է պարտավոր վարվել «ժողովրդավարության բաստիոնի» առաջնորդը։ Զավեշտալին այն է, որ Փաշինյանը հասկանում է՝ ամեն ինչ դրան է տանում։ Իսկ ընդդիմությունը մտորում է կյանքի իմաստի մասին…
ПОСЛЕДНИЕ ОТ АВТОРА
-
2025-06-06 16:06Хокку Нет виллы, нет покоя. Не плачь, премьер. Нет и любви без разлуки. Премьер-министр Никол Пашинян сильно обиделся на публикацию французского информационного ресурса о том, что его семья приобрела виллу в Марселе. Задело Пашиняна. «Это все «дашнаки-машнаки», - плакался он на заседании кабмина. Откроют, дескать, какой-то сайт сроком на три дня и распространяют небылицы, мол, мы такие же хапуги, как бывшие власти. Сплетни все это.
-
2025-06-06 09:24Неожиданно ставший большим приверженцем Армянской апостольской церкви (ААЦ) Никол Пашинян написал очередной статус, в котором говорит: «Я не могу поверить, что из уст Католикоса всех армян может исходить что-то, кроме истины». Ах, какой молодец! Но тогда почему не следуешь отеческому увещеванию Католикоса и не уходишь в отставку окончательно и бесповоротно?
-
2025-06-05 10:01Встречи с гражданами четы Пашинян-Акопян по программе «модного образования» все более напоминают собрания сект. Проходят закрыто, скудная информация обнародуется после цензуры. Оно и понятно, ведь в ходе этих полусектантских сборищ премьер часто срывается на крик, чтобы не сказать на ритуальные завывания. Судя по всему, мало чем отличалась от предыдущих встреч премьера и его встреча со студентами Ереванского государственного университета. Повторяемые тезисы озвучивались премьером уже не один раз.
-
2025-06-03 13:07Трудно не согласиться с утверждением, что борьба Пашиняна направлена не против отдельных священнослужителей: она направлена на дискредитацию всей Церкви. Понятно также, чем вызван последний всплеск агрессивной риторики сожителей Пашинян - Акопян и обслуживающего их персонала.