2023-12-19 09:07
Информагентства
Սերգեյ ՄԱՐԿԵԴՈՆՈՎ. ԻՍԿ Ո՞Վ ԱՍԱՑ, ՈՐ ԱԴՐԲԵՋԱՆԸ ՂԱՐԱԲԱՂԻ ՀԱՐՑՈՒՄ ՄԻՇՏ ԼՈՅԱԼ Է ԼԻՆԵԼՈՒ ՄՈՍԿՎԱՅԻՆ (ՏԵՍԱՆՅՈՒԹ)
Սա առաջին դեպքը չէ, երբ ռուս-հայկական հարաբերություններն ամրության փորձության են ենթարկվում։ Այս մասին «Ուժ գործոն» հաղորդաշարի եթերում News.am-ի թղթակցի հետ զրույցում ասաց ՌԴ ԱԳՆ Միջազգային հարաբերությունների Մոսկվայի պետական ինստիտուտի Միջազգային հետազոտությունների ինստիտուտի Եվրատլանտյան անվտանգության կենտրոնի առաջատար գիտաշխատող Սերգեյ Մարկեդոնովը։
«Կարելի է հիշել 1920-1921 թվականների պատմությունը, այն ժամանակ հարաբերությունները ոչ թե ավարտվեցին, այլ երկարեցին: Կարելի է հիշել Խորհրդային Միության վերջին տարիների պատմությունը, ղարաբաղյան փորձությունը, արտակարգ դրություն մտցնելը և շատ ավելին, որոնք ձևավորեցին ռուս-հայկական բավականին բարդ հարաբերությունները։ Սակայն դրանք ոչ թե ավարտվեցին, այլ ստացան նոր տեսք՝ մեծ համաձայնագրի տեսքով։
Հիմա նույնն ենք տեսնում, կողմերը պատրաստ չեն վճռական խզման։ Ո՛չ մեկը, ո՛չ մյուսը չեն ցանկանում մակարդակը բարձրացնել։ Սա ճիշտ է, որովհետև եթե խզեն, դրա դիմաց ի՞նչ կլինի»,- նկատեց փորձագետը։
Նա համոզված է, որ Ռուսաստանին Հայաստանը պետք է, այն կարևոր դարպաս է դեպի Իրան, կարևոր դարպաս դեպի Մերձավոր Արևելք և այլն։ Եվրասիական մեծ նախագծի համատեքստում, որը Մոսկվան առաջ է տանում, Հայաստանը կարևոր է:
«Ո՞վ ասաց, որ Ադրբեջանը միշտ ռուսամետ է լինելու և լոյալ է լինելու Մոսկվային Ղարաբաղի հարցում։ Բաքուն պարզապես կարծում է, որ Մոսկվան վերջապես ճիշտ դիրքորոշում է որդեգրել։
Հայաստանի մասով նույնպես հարց է առաջանում՝ ֆրանսիական զենքը կօգնի՞ վերադարձնել Ղարաբաղը կամ Արևմուտքը կարո՞ղ է որոշակի երաշխիքներ տալ։ Արևմուտքը ցույց տվեց, որ այնքան էլ պատրաստ չէ ընտրություն կատարել, և չի էլ անելու այս ընտրությունը։
Եթե հույս կար, որ Մոսկվան Արևմուտքի հետ կոնֆլիկտի պատճառով ավելի շատ կշրջվի դեպի Թուրքիա և Ադրբեջան, ուստի Արևմուտքը միշտ կանցնի Հայաստանի կողմը, ապա դա նույնպես չի լինի։
Հավանաբար, ռուս-հայկական հարաբերությունները նախկինի պես չեն լինի, հավանաբար այդ մակարդակի ուռճացված սպասումները չեն լինի, խորհրդային իներցիա չի լինի։ Դրանք ավելի պրագմատիկ կլինեն, բայց կլինեն»,- ընդգծել է Մարկեդոնովը։
ПОСЛЕДНИЕ ОТ АВТОРА
-
2025-06-09 19:53Заместитель председателя Республиканской партии Армении и политзаключённый Армен Ашотян заявил, что кампания премьер-министра Никола Пашиняна против Армянской Апостольской Церкви носит заказной характер и осуществляется «в тесной координации с Азербайджаном».
-
2025-06-09 19:52Генпрокурор Анна Вардапетян направила в парламент ходатайство о возбуждении уголовного дела в отношении руководителя оппозиционной фракции «Армения» Сейрана Оганяна и секретаря той же фракции Арцвика Минасяна.
-
2025-06-09 19:50Зампреду РПА Армену Ашотяну продлили домашний арест на 2 месяца.
-
2025-06-09 19:49Министр территориального управления и инфраструктур Давид Худатян выразил надежду, что воздушная линия электропередачи между Арменией и Ираном будет запущена уже в 2026 году. Об этом он заявил во время отчета о выполнении бюджета за 2024 год.