2023-12-20 15:42
Информагентства
Օնիշչենկո․ Հայաստանն ու Ռուսաստանը փոխանակում են կենսանվտանգության ոլորտի տվյալները
Կենսանվտանգության ոլորտում հայ-ռուսական համագործակցությունն առաջին հերթին ուղղված է Հայաստանի տարածքում գտնվող լաբորատորիաներում կենսաբանական փորձեր իրականացնելու ամերիկյան զինվորականների փորձերի կանխմանը: Ռուսաստանի գիտությունների ակադեմիայի ակադեմիկոս, Ռուսաստանի կրթության ակադեմիայի փոխնախագահ Գենադի Օնիշչենկոն այս հայտարարությունն արեց «Կենսանվտանգությունը ԵԱՏՄ երկրներում» խորագրով Մոսկվա-Աստանա-Բիշքեկ-Երևան-Մինսկ-Տաշքենդ տեսակամրջի ժամանակ, որին միացել էր Sputnik Արմենիա մամուլի կենտրոնը։
Նրա խոսքով՝ 2021 թվականի մայիսին երկու երկրների արտգործնախարարների կողմից կենսաբանական անվտանգության մասին ստորագրված հուշագիրը նախառաջ վերաբերում է ԱՄՆ պաշտպանության նախարարության կողմից հետխորհրդային հանրապետությունների կենսալաբորատորիաների հանդեպ հետաքրքրվածությանը։
«Հուշագրի շրջանակում լուծվում են վարակիչ հիվանդությունների հարուցիչների առանձնացման միևնույն մեթոդների, հետազոտությունների ներդաշնակեցման, կադրերի պատրաստման, սարքավորումների փոխանակման հետ կապված հարցերը։ Աշխատանքները տարվում են, իրականացվում է տվյալների փոխանակում: Ամենակարևորը վարակիչ անվտանգության վիճակի մասին ժամանակին տեղեկացնելն է։ Բայց կա նաև երկրորդ մասը՝ կախված նրանից, թե ինչ կենսանվտանգության մասին ենք խոսում։ ԱՄՆ պաշտպանության նախարարությունը սկսել է հետաքրքրվել Հայաստանի լաբորատորիաներով։ Եվ ահա հուշագիրը վերաբերում է նաև այս՝ երկրորդ մասին», - նշեց Օնիշչենկոն։
Ակադեմիկոսն ընդգծեց, որ վարակը սահմաններ չի ճանաչում, չի տարբերակում քաղաքական համոզմունքներն ու էթնիկ գործոնները, իր ճանապարհին քանդում է ամեն ինչ։ Այս առումով նա կարևորեց պատվաստումների հարցում երկու երկրների համատեղ աշխատանքը՝ որպես բոլոր վարակների դեմ հավաքական իմունիտետների ստեղծման հիմք:
Հայաստանի բոլոր մարզերում գործում է 12 կենսալաբորատորիա, այդ թվում՝ ԱՄՆ-ի աջակցությամբ ստեղծված, դրանցից երեքը՝ Երևանում։ Ավելի վաղ ՀՀ վարչապետը հայտարարել էր, որ Հայաստանի տարածքում գործող կենսալաբորատորիաները հանրապետության սեփականությունն են, թեև ստեղծվել են ԱՄՆ աջակցությամբ:
ПОСЛЕДНИЕ ОТ АВТОРА
-
2025-06-23 19:56Главы патриархатов и предводители церквей Иерусалима решительно осудили теракт в православной церкви Св. Ильи в Дамаске, выразили поддержку верующим, подтвердили солидарность с патриархом Антиохийским Иоанном X (храм принадлежит указанному патриархату).
-
2025-06-23 19:54Армения и Грузия договорились о правилах транзита армянского коньяка через территорию Грузии в третьи страны. Об этом сообщил в соцсети министр экономики Армении Геворк Папоян по итогам визита армянской делегации в Тбилиси.
-
2025-06-23 19:52Решением премьер-министра Никола Пашиняна от 23 июня Ваан Акопян освобожден от должности таможенного атташе посольства Республики Армения в Российской Федерации.
-
2025-06-23 19:51Высший судебный совет (ВСС) отклонил ходатайство министра юстиции Србуи Галян о привлечении к дисциплинарной ответственности трёх судей. Об этом сообщает пресс-служба ВСС.