2023-12-20 18:02
Информагентства
Զախարովա․ ԵՄ-ն փորձել է Երևանին և Բաքվին ներքաշել իր պատժամիջոցային ջանքերի մեջ
Ռուսաստանի ԱԳՆ պաշտոնական ներկայացուցիչ Մարիա Զախարովան եվրոպացի պաշտոնյաներին աճպարարներ է անվանել այն բանից հետո, երբ Հայաստանն ու Ադրբեջանը հայտնվել են երրորդ երկրների ցանկում, որոնք պաշտպանել են այսպես կոչված «Մագնիտսկու եվրոպական ակտը»:
«Մենք տեսել ենք մի շարք երրորդ երկրների միանալու վերաբերյալ ԵՄ-ի կողմից հայտարարության տեքստի որոշակի լրամշակման փաստ։ Ըստ դրա՝ նրանք աջակցում են ԵՄ-ի, այսպես կոչված, իրավամարդկային պատժամիջոցներին։ Դրա սկզբնական տարբերակում Հայաստանն ու Ադրբեջանը հայտնվեցին, հետո հրաշքով անհետացան։ Իհարկե, այս հարցը պետք է ուղղել բրյուսելյան աճպարարներին։ Դա ինչ-որ մոգություն է, փաստաթղթերի տարբերակների ձեռնածություն»,- ասել է Զախարովան ճեպազրույցի ժամանակ։
Նա կարծում է, որ Բրյուսելի բոլոր ջանքերը՝ իր հակառուսական սահմանափակումներին միջազգային իրավական նորմերին համապատասխանության տեսք տալու համար ներքաշել նաև երրորդ երկրներին, սոսկ դատարկ և ոչ կառուցողական միջոցներ են, որոնք ձեռնարկվում են միջազգային իրավունքի նորմերի կոպիտ խախտմամբ։
Նրա կարծիքով՝ Հայաստանի և Ադրբեջանի հայտնվելու, ապա անհետանալու պատմությունը Բրյուսելի նեոգաղութատիրական մտածողության վառ օրինակ է։
Նա նաև մեղադրել է ԵՄ-ին Հայաստանի և Ադրբեջանի հարաբերություններին միջամտելու մեջ: ԵՄ-ի նպատակն ու խնդիրները, ըստ Զախարովայի, կապված չեն հարաբերությունների կարգավորման, ճգնաժամի լուծման հետ, դա միայն հակառուսական ևս մեկ բարձունք գրավելու ցանկություն է, այսպես ասած, հակառուսական դիրքերում ամրապնդվելու համար, նաև խանգարելու այն դրականին, որը մշակվել է ՌԴ միջնորդությամբ։
«Փորձելով ստիպել հարևաններին հետևել պատժամիջոցային հակառուսական կուրսին՝ ԵՄ-ն դիմում է հնարավոր ամեն ինչի, ներառյալ ուղղակի կեղծիքի։ Սա պատահականություն կամ տառասխալ չէ, ուղղակի կեղծիք է։ Սա պետք է դաս լինի բոլորի համար, թե ինչպես պետք է զգոն լինել ՆԱՏՕ-ի և ԵՄ-ի երկվության հարցում»,- հավելել է նա։
Ավելի վաղ ԵՄ արտաքին քաղաքական ծառայությունը հրապարակել էր Եվրամիության դիվանագիտության ղեկավար Ժոզեպ Բորելի հայտարարությունը «Մագնիտսկու եվրոպական ակտին» մի շարք երկրների միանալու մասին, պետությունների թվում էին Հայաստանն ու Ադրբեջանը: Սակայն ավելի ուշ տեքստը խմբագրվել է, և երկու երկրները հանվել են ցանկից։
Հիշեցնենք, որ դեկտեմբերի 4–ին Եվրամիությունը հայտարարել էր Եվրոպական միության կողմից սահմանված պատժամիջոցները (այսպես կոչված «Մագնիտսկու եվրոպական ցուցակը») մեկ տարով երկարաձգելու մասին, որոնք սահմանվել են աշխարհի տարբեր երկրներում, այդ թվում՝ Ռուսաստանում մարդու իրավունքների լուրջ խախտումների համար:
Ցուցակում ներառվածներին արգելվում է մուտք գործել ԵՄ, իսկ նրանց ակտիվները Եվրոպայում սառեցված են։ Բացի այդ, Եվրամիությունում ֆիզիկական և իրավաբանական անձանց արգելվում է միջոցներ տրամադրել այդ մարդկանց և ընկերություններին։
Այս ցուցակում ընդգրկված են նաև ՌԴ քննչական կոմիտեի նախագահ Ալեքսանդր Բաստրիկինը, ՌԴ գլխավոր դատախազ Իգոր Կրասնովը և Ռոսգվարդիայի տնօրեն Վիկտոր Զոլոտովը:
Sputnik Արմենիա
ПОСЛЕДНИЕ ОТ АВТОРА
-
New2025-06-24 09:57Премьер-министр Армении Никол Пашинян пытается натравить на бизнесмена Самвела Карапетяна всех недовольных экономическим положением страны. Об этом заявил в интервью РИА Новости первый зампред комитета Госдумы по делам СНГ Константин Затулин.
-
New2025-06-24 09:32Удары по ядерным объектам Ирана не несут радиационной угрозы для Армении на данном этапе. Опасен сам прецедент, сказал Sputnik Армения эксперт по вопросам энергетики Ара Марджанян.
-
New2025-06-24 09:26Премьер-министр Никол Пашинян призвал Католикоса всех армян Гарегина II как можно скорее отказаться от титула и покинуть патриаршие покои. Вновь повторив обвинения в адрес Католикоса и назвав его мирским именем Ктрич Нерсисян, Пашинян также призвал последователей Армянской Апостольской церкви и духовенство потребовать отставки Католикоса.
-
New2025-06-24 09:24Руководство ереванского торгового центра "Далма Гарден Молл" (Dalma Garden Mall) выразило поддержку арестованному предпринимателю Самвелу Карапетяну — основателю комплекса.