2023-12-23 12:01
Информагентства
Եղիսաբեթ ՉՈՒԼՋՅԱՆ․ ԱՄԵՐԻԿԱՅԻ ՀԱՅ ԴԱՏԸ ՍԵՆԱՏԻՆ և ԿՈՆԳՐԵՍԻՆ ԿՈՉ Է ԱՐԵԼ ՌԱԶՄԱԿԱՆ ՕԳՆՈՒԹՅՈՒՆ ՏՐԱՄԱԴՐԵԼ ՀԱՅԱՍՏԱՆԻՆ
Այն ամենը, ինչ արեց Ադրբեջանը Արցախի ժողովրդի նկատմամբ, պետք է անպայման պատժվի։ Այս մասին Alpha News-ի հետ զրույցում ասաց ANCA հասարակայնության հետ կապերի պատասխանատու Եղիսաբեթ Չուլջյանը:
«2023թ-ի ամենակարևոր հարցը Արցախի պաշտպանության հարցն է, Արցախի ցեղասպանության և ամիսներ շարունակ տևած շրջափակման հարցը։ Ամերիկայի Հայ դատի հանձնախումբը ամեն ինչ արել է, որ առաջնային Ադրբեջանի դեմ պատժամիջոցներ կիրառվեն։ Այն ամենն, ինչ արեց Ադրբեջանը Արցախի ժողովրդի նկատմամբ, պետք է անպայման պատժվի, և նրա հետ միասին նաև Թուրքիան։
Մենք ամբողջ տարի աշխատել ենք Արցախի ուղղությամբ, արցախցիների համար կազմակերպել ենք մարդասիրական օգնություն, աշխատել ենք գերիների ուղղությամբ, որ նրանք ինչքան հնարավոր է շուտ ետ վերադառնան, դա վերաբերում է նաև Արցախի ղեկավարությանը»,- նշեց Չուլջյանը։
Նա ընդգծեց, որ Հայ դատի և հայկական համայնքի կոչը հստակ է եղել՝ դադարեցնել ռազմական աջակցությունը դեպի Ադրբեջան։
«Մենք այս ամենի ուղղությամբ աշխատել ենք թե՛ Սպիտակ տան հետ, թե՛ Կոնգրեսի հետ, ինչպես նաև 2020-2024թթ-ի նախագահական և կոնգրեսի ընտրապայքարի մակարդակի վրա։ Հայ դատի և հայկական համայնքի կոչը հստակ եղել է մեկը՝ դադարեցնել ռազմական աջակցությունը դեպի Ադրբեջան։ Ռազմական աջակցություն ցուցաբերելով՝ ԱՄՆ-ը կանաչ լույս էր ցույց տալիս Ադրբեջանին։ Նման վարքով ԱՄՆ-ը կարծես ասեր՝ շարունակեք շրջափակումը, շարունակեք սովի ենթարկել 120 000 արցախցու։ Մենք տեսանք այդ ամենի հետևանքը։ Արդյունքում, մեր հայրենակիցները ենթարկվեցին ցեղասպանության, էթնիկ զտման և ստիպված լքեցին իրենց հողերը»,- նշեց Չուլջյանը։
Նրա խոսքով՝ Հայ դատի հանձնախումբը Կոնգրեսին և Սենատին կոչ է արել մարդասիրական օգնություն տրամադրել արցախահայությանը և ռազմական օժանդակություն՝ Հայաստանին։
«Ամիսներ տևած աշխատանքները ի վերջո արդյունք տվեցին և ԱՄՆ-ի ԱԳՆ-ն հայտարարեց, որ կդադարեցնեն ռազմական օգնություն ցուցաբերել Ադրբեջանին։ Սենատը, կարծելով, որ խոստումները բավարար չեն, որոշեց կոչ ուղղել Բայդենին և պահանջել, որ գործի դրվի ռազմական աջակցության դադարեցման օրենքը։ Այս ամենը նախնական քայլեր են պատժամիջոցների կիրառման համար։
Այս պահին էլ Ամերիկայի Հայ դատի հանձնախումբը շարունակում է աշխատել։ Արդեն հինգ տարբեր բանաձևեր են ներկայացվել Կոնգրեսին և Սենատին՝ կոչ անելով մարդասիրական օգնություն տրամադրել արցախահայությանը և ռազմական օժանդակություն՝ Հայաստանին»,- եզրափակեց Չուլջյանը։
ПОСЛЕДНИЕ ОТ АВТОРА
-
New2025-06-13 14:56Офис Совета безопасности Армении опроверг информацию одного из армянских СМИ о планируемой передаче Азербайджану части территории РА в результате делимитации границы.
-
New2025-06-13 14:54Представитель Иранского общества Красного Полумесяца Моджтаба Халиди сообщил агентству Tasnim, что операции по оказанию помощи и спасению продолжаются в 12 провинциях страны, и в результате израильских ударов сегодня утром 95 человек получили ранения и были доставлены в медицинские центры.
-
New2025-06-13 14:53Поступающие с Ближнего Востока сообщения вызывают глубокую тревогу, заявила в соцсети Х глава Еврокомиссии Урсула фон дер Ляйен.
-
New2025-06-13 14:51Взрыв произошел в аэропорту иранского Тебриза. Об этом сообщают иранские СМИ.