2024-01-10 19:42
Информагентства
ԳՇ պետը կրկին հանդիպել է 2-րդ բանակային կորպուսի սպայակազմի հետ և կարգադրություններ արել
ՀՀ պաշտպանության նախարարի առաջին տեղակալ, ԶՈւ ԳՇ պետ, գեներալ-լեյտենանտ Էդվարդ Ասրյանը կրկին հանդիպել է 2-րդ բանակային կորպուսի սպայակազմի հետ։ Տեղեկությունը հայտնում է ՀՀ պաշտպանության նախարարությունը։
Նշենք, որ այդ կորպուսի զորամասերում երեկ` հունվարի 9-ին, զինծառայողների մահվան 2 դեպք էր գրանցվել, որից հետո Ասրյանը հանդիպել էր ՀՀ արևելյան սահմանագոտու պաշտպանությունն իրականացնող զորամասերի սպայական կազմերի հետ։
Ըստ ՊՆ–ի` այսօրվա հանդիպման ժամանակ Էդվարդ Ասրյանն անդրադարձել է զորամասերի մարտական պատրաստականությանն ու մարտական հերթապահության կազմակերպմանը, ընդգծել առկա խնդիրները և տվել համապատասխան հանձնարարականներ՝ առաջիկա աշխատանքների կատարման վերաբերյալ։
«ԳՇ պետը կարգադրել է մարտական ծառայության ընթացքում խստագույնս հետևել կանոնադրային հարաբերություններին, անվտանգության կանոններին, պայքարել բանակ ներթափանցող արատավոր երևույթների դեմ»,– ասված է հաղորդագրությունում։
Հիշեցնենք՝ հունվարի 9-ին՝ ժամը 06:20-ի սահմաններում, ՊՆ N զորամասի պահպանության տեղամասի N մարտական դիրքում հայտնաբերվել է զինծառայող Կարեն Արայիկի Կարապետյանի դին՝ հրազենային վնասվածքով։ ԶԼՄ–ներում լուր տարածվեց, որ դեպքը տեղի է ունեցել ՀՀ Գեղարքունիքի մարզի մարտական դիրքերից մեկում։ Նշվում էր, որ զինծառայողի վրա կրակել է նույն դիրքում գտնվող ժամկետային զինծառայողը։ Ավելի ուշ ՀՀ քննչական կոմիտեն հաղորդագրություն տարածեց, ըստ որի՝ մարտական դիրքում պայմանագրային զինծառայող Կարեն Կարապետյանի սպանության դեպքի առթիվ քրեական վարույթ է նախաձեռնվել, 1 անձ ձերբակալվել է։
Ավելի ուշ հայտնի դարձավ, որ ժամը 11:30-ի սահմաններում ՊՆ N զորամասի պահպանության տեղամասում հայտնաբերվել է ավագ լեյտենանտ Միքայել Սամվելի Դանիելյանի դին՝ հրազենային վնասվածքով: Նշենք, որ լրատվամիջոցների տեղեկություններով՝ այս դեպքը ևս տեղի է ունեցել Գեղարքունիքի մարզում՝ Վարդենիսի զորամասերից մեկում։
ПОСЛЕДНИЕ ОТ АВТОРА
-
New2025-07-08 14:30Премьер-министр Армении Никол Пашинян отжег по полной. В своей борьбе с Армянской Апостольской церковью (ААЦ) он дошел до стадии открытой войны и снова оскорбил и католикоса всех армян Гарегина II вместе с другими церковными иерархами, пообещав лично возглавить борьбу против них.
-
New2025-07-08 14:14Правоохранители изъяли 37 рабочих документов из главного офиса ЗАО "Электрические сети Армении". Об этом журналистам заявил председатель совета директоров компании, племянник Самвела Карапетяна Нарек Карапетян.
-
New2025-07-08 14:13Общественно-политического деятеля Гагика Царукяна пригласили в Антикоррупционный комитет. Об этом сообщили источники Armenia Today.
-
New2025-07-08 14:12То, что пишет и делает нынешний правитель, является настоящим терроризмом против собственной страны и ее граждан.