2024-01-11 09:13
Информагентства
ԵՄ-Ն ԱՆՎՏԱՆԳՈՒԹՅԱՆ ՈԼՈՐՏՈՒՄ ԱՅԴՔԱՆ ԷԼ ՀԱՋՈՂ ԳՈՐԾԸՆԿԵՐ ՉԷ ՀԱՅԱՍՏԱՆԻ ՀԱՄԱՐ․ ՓՈՐՁԱԳԵՏ
ԵՄ-ն անվտանգության ոլորտում այդքան էլ հաջող գործընկեր չէ Հայաստանի համար, քանի որ առանց այդ էլ սահմանափփակ իր ռեսուրսները նա այս պահին կենտրոնացրել է Ուկրաինայի վրա։ Sputnik Արմենիան զրուցում այս կարծիքն է հայտնել անվտանգության ոլորտի փորձագետ Դավիթ Հարությունովը։
Նա վստահ է, որ ԵՄ-ն Հայաստանի համար անվտանգության առումով առավել մեծ դեր, քան ունի հիմա, չի խաղա։
«ԵՄ-ի հետ հարաբերություններն ավելի շատ դեկլարատիվ բնույթ են կրում։ Հայաստանի գործողությունները ավելի շատ դիվերսիֆիկացիա են հիշեցնում, այլ ոչ թե ՌԴ-ին փոխարինելու քայլեր։ Ուրիշ հարց է, որ դա կոպիտ է արվում՝ լարելով հարաբերությունները ՌԴ-ի հետ»,- նշում է Հարությունովը։
Նա կարծում է, որ դեպի Արևմուտք ձգտելու հռետորաբանությունից ՀՀ-ն պետք է խուսափեր ու ավելի անաղմուկ աներ դիվերսիֆիկացիան։ Այս ամենը, Դավիթ Հարությունովը, համարում է որոշակի ճգնաժամի հետևանք, որն ապրեց Հայաստանի անվտանգային համակարգը 2020-ից 2022 թվականներին։ Ու չնայած այս իրողությանը՝ փորձագետը պնդում է, որ ՌԴ-ի հետ ՀՀ հարաբերությունները այնքան էլ վատ վիճակում չեն, ինչքան դա ներկայացվում է։
«Մենք տեսնում ենք, որ ռուսական ռազմաբազայի հետ կապված ռեալ գործընթաց չկա, ավելին՝ հայկական կողմը վերջերս հաստատեց ռազմական ուղղությամբ բանակցությունների շարունակության մասին»։
Իսկ ԵՄ-ի մեծ ցանկությունը՝ համագործակցել Հայաստանի հետ, փորձագետի կարծիքով, ՌԴ-ի հետ մրցակցության արդյունք է, բայց այստեղ նա մի խնդիր է տեսնում՝ որքա՞ն հեռուն կարող է գնալ ԵՄ-ն։
«Նույն վիզաների ազատականացման հարցը, որին այդքան ձգտում է Հայաստանը, դեռ միայն բանակցությունների փուլում են։ Ինչ-որ կետեր կան, որտեղ ԵՄ-ն կարող է դեկլարատիվ հայտարարություններ անել , բայց ոչ մի լուրջ առաջընթաց չլինի դրանից՝ իրենց քաղաքական մոտեցումներից ելնելով»,- ասում է փորձագետը։
ԵՄ-ն փորձել է Երևանին և Բաքվին ներքաշել իր պատժամիջոցային ջանքերի մեջ. Զախարովա
Նա հիշեցնում է նաև, որ ԵՄ-ն միատարր կառույց չէ, կազմում կան երկրներ, որոնք ակտիվ համագործակցում են Ադրբեջանի հետ, ու դա զսպող և արգելակող դեր կարող է խաղալ հետագա գործընթացների համար։
Հիշեցնենք, որ այսօր Արտաքին գործողությունների եվրոպական ծառայության վարչության պետ Ռորի Դոմմը ՀՀ պաշտպանության նախարար Սուրեն Պապիկյանի հետ քննարկել է ԵՄ-ի համագործակցության հեռանկարները։
Իսկ երեկ Ռորի Դոմմին անվտանգության ոլորտում ՀՀ-ԵՄ համագործակցության մասին քննարկում է ունեցել ՀՀ անվտանգության խորհրդի քարտուղար Արմեն Գրիգորյանի հետ։
ПОСЛЕДНИЕ ОТ АВТОРА
-
New2025-06-12 14:26С 8 по 11 июня 2025 года на Армянской атомной электростанции (ААЭС) состоялся предварительный визит Корпоративной партнерской проверки с участием экспертов Всемирной ассоциации организаций, эксплуатирующих атомные электростанции (ВАО АЭС).
-
New2025-06-12 14:24Помимо участия в переговорах с Баку о делимитации и демаркации государственной границы, а также лоббирования интересов банковской системы в правительстве РА, вице-премьер Мгер Григорян выполняет и другие функции. В частности, накануне стало известно, что Григорян представит Армению на Петербургском международном экономическом форуме (ПМЭФ).
-
New2025-06-12 14:06Глава иранской Организации по атомной энергии (ОАЭИ) Мохаммад Эслами распорядился запустить новый центр по обогащению урана в безопасном месте и заменить центрифуги на более современные. Об этом, как передает РИА Новости, говорится в совместном заявлении МИД и ОАЭИ Ирана.
-
New2025-06-12 14:03Пассажирский самолет разбился недалеко от аэропорта города Ахмедабад (провинция Гуджарат) на западе Индии, сообщает телеканал NDTV. Отмечается, что на борту находились 130 пассажиров.