2024-01-11 09:21
Информагентства
Մահեր հայկական բանակում. պատգամավորը նշել է խնդրի պատճառը և լուծման ուղիները
Հայկական բանակում տեղի ունեցած հերթական ողբերգական միջադեպերը ստիպում են նորից կենտրոնանալ զինված ուժերում առկա կարգապահական խնդիրների վրա։ Հատկապես մտահոգիչ է այն փաստը, որ երկու դեպքում էլ ոչ կանոնադրական հարաբերությունների արդյունքում մահացածները սպաներ են։ Sputnik Արմենիայի հետ զրույցում նման կարծիք հայտնեց ԱԺ պատգամավոր, պաշտպանության և անվտանգության հանձնաժողովի ներկայացուցիչ Տիգրան Աբրահամյանը։
«Իհարկե բանակում մահվան յուրաքանչյուր դեպք ծանր կորուստ է, սակայն այս դեպքում առավել մտահոգիչ է ժամկետային զինծառայողի կողմից սպայի սպանության փաստը։ Այժմ քննություն է ընթանում, իրավապահ մարմինները պետք է բացահայտեն ողբերգության հանգամանքները, սակայն այս իրավավիճակում արդեն իսկ կարելի է ասել, որ առաջին հերթին սա կարգապահական խնդիրներից է բխում, սա հետևանք է այդ տեղում առկա ոչ առողջ հարաբերությունների»,–ասաց պատգամավորը։
Աբրահամյանը կարծում է, որ միայն պաշտոնանկություններով կամ զորամասի հրամանատարության նկատմամբ կարգապահական միջոցներով խնդիրը չի լուծվի:
«Նմանատիպ դեպքերն անհրաժեշտ է կանխարգելիչ միջոցառումներով վերացնել, որպեսզի չհասնի այդ վերջին քայլին, երբ արդեն պատժում են կոնկրետ օղակի պատասխանատուներին։ Դրանով իրավիճակը որևէ ձևով չես կարող շտկել, որովհետև արդեն միջադեպը տեղի է ունեցել` մահվան ելքով։ Դրա համար ՊՆ-ում տարիներ շարունակ ներդրվել են տարբեր միջոցառումներ, որոնց նպատակը եղել է այսպիսի միջադեպերի կանխարգելումը շատ ավելի վաղ փուլերում»,–ընդգծեց նա։
Իհարկե, նման միջադեպերն ու խնդիրները, ըստ Աբրահամյանի, լիովին բացառել հնարավոր չէ։ Բանակը բարդ կառույց է, և ժամանակ առ ժամանակ կարող են լինել տարբեր տեսակի արտակարգ պատահարներ։ Բանակային հրամանատարության և ռազմաքաղաքական ղեկավարության խնդիրը դրանք նվազագույնի հասցնելն է։
Բանակում մթնոլորտի առողջացման համար անհրաժեշտ է մշտական և երկար աշխատանք անձնակազմի հետ, անհրաժեշտ է տարբեր օղակների փոխգործակցություն։ Օղակներից մեկի ձախողումը կարող է հանգեցնել նման հետևանքների։
Հիշեցնենք, որ հունվարի 9–ին զորամասի պահպանության տեղամասում հայտնաբերվել է ավագ լեյտենանտ Միքայել Սամվելի Դանիելյանի դին՝ հրազենային վերքով: Քննչական կոմիտեն հայտնեց, որ զինծառայողը մահացու վնասվածքը ստացել է իրեն ամրակցված ինքնաձիգից կզակին արձակած կրակոցի հետևանքով։ Նույն օրը, հունվարի 9-ի առավոտյան պահպանության տեղամասի մարտական դիրքում հայտնաբերվել էր զինծառայող Կարեն Արայիկի Կարապետյանի դին՝ դարձյալ հրազենային վերքով։ Պարզվեց, որ զինծառայողի վրա կրակել էր նույն դիրքում գտնվող ժամկետային զինծառայողը։
ПОСЛЕДНИЕ ОТ АВТОРА
-
2025-05-17 15:28Министр образования, науки, культуры и спорта Жанна Андреасян посетила школы сел Мердзаван и Мхчян, в которых на днях произошли скандальные инциденты. Об этом сообщает пресс-служба армянского ведомства.
-
2025-05-17 15:27«С точки зрения комплектования Вооруженных сил и эффективного использования имеющегося потенциала нужно делать платной не возможность освобождения от армии или сокращение срока службы. Можно использовать уже существующие законодательные возможности – при внесении одной-двух поправок», – написал секретарь фракции «Честь имею» Национального Собрания Армении Тигран Абрамян на своей странице в социальной сети Facebook.
-
2025-05-17 15:26Поэт, член Союза писателей Армении Карен Хуршудян стал Кавалером ордена «За заслуги» Франции.
-
2025-05-17 15:25Рубен Варданян стал дедушкой, находясь в азербайджанском СИЗО, а семья лишена возможности сообщить ему радостную новость. Об этом сообщил его сын Давид в интервью GB News. Давид подчеркнул, что его дочь родилась уже после ареста Рубена.