2024-01-13 12:54
Информагентства
ՀԱՅԱՍՏԱՆԻ ԻՇԽԱՆՈՒԹՅՈՒՆՆԵՐԸ ՓՈՐՁՈՒՄ ԵՆ ՄՈԼՈՐՈՒԹՅԱՆ ՄԵՋ ԳՑԵԼ ԻՐԵՆՑ ՀԱՆՐՈՒԹՅԱՆԸ․ Անդրեյ ԱՐԵՇև
Ռուս քաղաքագետ, Ռազմավարական մշակույթի հիմնադրամի փորձագետ Անդրեյ Արեշևը Alpha News-ին մեկնաբանել է Ալիևի վերջնագիրը և Հայաստանի նկատմամբ տարածքային հավակնությունները:
«Իլհամ Ալիևի հայտարարությունների կոշտ երանգը կապել նախագահական քարոզարշավի հետ և ամեն ինչ բացատրել ինչ-որ քաղաքական միավորներ հավաքելու ձգտումով, դա փոքր-ինչ անլուրջ մոտեցում է։ Մենք հասկանում ենք, որ այս ընտրությունների հաղթողը նախապես հայտնի է։ Ինչ վերաբերում է բանակցային գործընթացին, ապա պաշտոնական Բաքուն այն վարում է բավականին կոշտ դիրքերից, ինչը նրանք չեն էլ թաքցնում։
Ինձ թվում է, որ բանակցություններում հակառակորդին թերագնահատելը և նրա բավականին լուրջ ու կոշտ հայտարարությունները պատեհապաշտական դրդապատճառի վերագրելը խոսում է բանակցություններին ոչ բավարար գրագետ մոտեցման մասին։ Միգուցե Հայաստանի իշխանությունները պարզապես փորձում են այս կերպ մոլորեցնել հայ հանրությանը։ Չեմ կարծում, որ սա լավ մոտեցում է։
Մենք ստանում ենք բավականին հակասական տեղեկատվություն այն մասին, թե ինչ է տեղի ունենում, և ինչ վիճակում է գտնվում այդ փաստաթղթի համաձայնեցման գործընթացը։ Մենք կասկած չունենք, որ յուրովի լուծելով Ղարաբաղի հարցը՝ Բաքուն կշարունակի հասնել իր նպատակներին ցանկացած միջոցներով։ Կարծում եմ, որ հիմա խոսքը հիմնականում տեղեկատվական-քարոզչական ճնշման հաջորդ փուլի մասին է։ Բայց եթե իրավիճակը երկարաձգվի, պարզ է, որ Բաքուն կարող է խնդրի լուծման այլ ուղիների դիմել:
Բայց ինձ թվում է, որ առաջին հերթին հիմա խոսքը անկլավների մասին է, և դրա մասին խոսում են նաև հարցազրույցներում։ Բոլոր հիմնական նիզակներն այժմ կոտրվում են անկլավների շուրջ, որոնք Ադրբեջանը համարում է իրենը և հենվում, ի թիվս այլ բաների, հայկական կողմի հայտարարության վրա, որը բազմիցս հայտարարել է նախկին Ադրբեջանական ԽՍՀ տարածքի չափը։
Հայաստանի իշխանությունները հայտարարեցին, որ ճանաչում են 86600 քառակուսի կիլոմետրը, որտեղ ներառված են նաև այդ անկլավները։ Ինչպես կզարգանա այս իրավիճակը, իհարկե, ես կցանկանայի, որ այն զարգանար բանակցությունների միջոցով։ Մենք գիտենք, թե որքան կարևոր են այդ տարածքները Հայաստանի համար, բայց Բաքվում, ինչպես տեսնում ենք, նույնպես մտադիր չեն նահանջել»,- նշել է փորձագետը։
Alpha News
ПОСЛЕДНИЕ ОТ АВТОРА
-
New2025-06-12 14:26С 8 по 11 июня 2025 года на Армянской атомной электростанции (ААЭС) состоялся предварительный визит Корпоративной партнерской проверки с участием экспертов Всемирной ассоциации организаций, эксплуатирующих атомные электростанции (ВАО АЭС).
-
New2025-06-12 14:24Помимо участия в переговорах с Баку о делимитации и демаркации государственной границы, а также лоббирования интересов банковской системы в правительстве РА, вице-премьер Мгер Григорян выполняет и другие функции. В частности, накануне стало известно, что Григорян представит Армению на Петербургском международном экономическом форуме (ПМЭФ).
-
New2025-06-12 14:06Глава иранской Организации по атомной энергии (ОАЭИ) Мохаммад Эслами распорядился запустить новый центр по обогащению урана в безопасном месте и заменить центрифуги на более современные. Об этом, как передает РИА Новости, говорится в совместном заявлении МИД и ОАЭИ Ирана.
-
New2025-06-12 14:03Пассажирский самолет разбился недалеко от аэропорта города Ахмедабад (провинция Гуджарат) на западе Индии, сообщает телеканал NDTV. Отмечается, что на борту находились 130 пассажиров.