2024-02-16 09:42
Информагентства
Ադրբեջանը ջնջում է Հադրութ քաղաքի հայկական դիմագիծը
Ադրբեջանը փոխում է Հադրութ քաղաքի հայկական դիմագիծը, հայտնում է «Հայքի մշակույթի Օմբուդսմեն» ՀԿ-ն: Կազմակերպությունը դեռևս 2023 թվականի դեկտեմբերի 8-ին էր ահազանգել, որ Ադրբեջանը բռնազավթված Հադրութում շինարարական աշխատանքների պատրվակի տակ քանդելու է տարբեր շինություններ, այդ թվում՝ նաև պատմական նշանակության կառույցներ։
«Վանդալիզմի այս քաղաքականությամբ խախտվում է Հադրութ քաղաքի պատմական տեսքը։ Այս ամենն Ադրբեջանի պետական մակարդակով իրականացվող մշակութային ցեղասպանության քաղաքականության անբաժանելի մաս է կազմում։ Ոչնչացնելով և յուրացնելով հայկական մշակութային ժառանգությունը՝ Ադրբեջան արհեստածին պետությունը նպատակ է հետապնդում տարածաշրջանում ջնջել հայկական հետքը»,- մանրամասնում է կազմակերպությունը։
Արցախի մշակութային ժառանգության պաշտպանության պետական խորհուրդն էլ տեղեկացրել է, որ Ադրբեջանի վարչախումբը ոչնչացրել է Ստեփանակերտի Վերին զբոսայգում դեռ խորհրդային ժամանակաշրջանում կառուցված և ստեփանակերտցիների մանկության խորհրդանիշը հանդիսացող Արծվի հուշարձանը:
2020 թվականի սեպտեմբերի 27-ին Ադրբեջանը ռազմական գործողություններ էր սկսել Լեռնային Ղարաբաղի տարածքում։ Այդ ժամանակից ի վեր հանրապետությունում ավերվել են տասնյակ եկեղեցիներ, գերեզմանոցներ, տաճարներ և այլ ճարտարապետական հուշարձաններ։ 2020 թվականի դեկտեմբերին ոչնչացվել էին Թալիշի և Մատաղիսի հայկական հուշարձանները։ 2021 թվականին Ադրբեջանի իշխանությունները ավերել էին Շուշիի «Կանաչ ժամ» եկեղեցին, Հադրութի շրջանի Մեծ Թաղեր գյուղի Մանկավարժների պուրակը, Մակուն կամուրջը, դպրոցներ, հուշարձաններ, Հադրութի շրջանի 18-19-րդ դարերի Սուրբ Սարգիս եկեղեցին, Ասկերանի շրջանի Մադաթաշեն գյուղի դպրոցը, վնասել Ս․ Աստվածածին եկեղեցին, ինչպես նաև հայկական գերեզմանոցներ Հադրութի շրջանի Սղնախ և Հին Թաղեր գյուղերում։ 2021 թվականից մինչև 2023 թվականը քանդել էին Իշխանագետի 1835 թվականի Հալիվոր կամուրջը, պղծել Հադրութի եկեղեցին։ Monument Watch-ը հունվարի 4-ին հայտնել էր նաև Արցախի Քաշաթաղի շրջանում Ադրբեջանի կողմից խաչքար-հուշաղբյուրի ոչնչացման, իսկ հունվարի 17-ին՝ Հաթերք գյուղի եղբայրական գերեզմանատան պղծման մասին։
Հոկտեմբերին ամերիկյան Time ամսագիրը հայտարարել էր Լեռնային Ղարաբաղում հայկական ժառանգության ոչնչացման և մշակութային ցեղասպանության սպառնալիքի մասին՝ ի դեմս միջազգային հանրության անգործության: Նոյեմբերի 9-ին Հայաստանի արտգործնախարար Արարատ Միրզոյանը ՅՈՒՆԵՍԿՕ-ին կոչ էր արել առաքելություն ուղարկել Լեռնային Ղարաբաղ՝ պաշտպանելու հայկական մշակութային ժառանգությունը։
Armenia Today
ПОСЛЕДНИЕ ОТ АВТОРА
-
New2025-06-23 16:28Сошлись два события, и случайности в этом нет. Пашинян поехал к Эрдогану обсуждать открытие «Зангезурского коридора». А Иран, в числе прочих мусульманских стран, включая и партнеров Армении по «замороженному» ею ОДКБ, проголосовал на саммите Организации исламского сотрудничества за резолюцию, написанную в Баку, - о возвращении «западных азербайджанцев» на родину.
-
New2025-06-23 16:26Российская сторона будет консультироваться с руководством Армении с целью совместных действий по нейтрализации рисков, связанных с ирано-израильской эскалацией. Об этом заявил советник-посланник посольства России в Армении Дмитрий Лицкай в ходе научной конференции в Ереване, организованной представительством Россотрудничества.
-
New2025-06-23 16:24Греческие силы правопорядка задержали в минувшее воскресенье 26‑летнего мужчину по подозрению в шпионаже, пишет газета Kathimerini.
-
New2025-06-23 16:21Израильские военные нанесли удар по окрестностям иранского ядерного объекта в Фордо. Об этом сообщила армейская пресс-служба.