2024-03-01 09:28
Рубен МАРГАРЯН
0
ՍՈՎՈՐԱԿԱՆ ԴԱՏԱՐԿԱԽՈՍ
ՌԴ ԱԳՆ-ի մի ամբողջ խոսնակ՝ Մարիա Զախարովան, ձեռնամուխ եղավ հերքելու Նիկոլ Փաշինյանին։ Այդ թվում նաև նրա հայտարարությունը Փարիզում՝ առ այն, թե իբր Ռուսաստանի պաշտոնական անձինք վերջերս բացահայտ կոչ են արել Հայաստանի ժողովրդին ելնել փողոց ու տապալել իր՝ Նիկոլ Փաշինյանի իշխանությունը։ Զախարովան պատասխանեց, որ ռուսաստանյան պաշտոնական անձանց կողմից նման կոչեր չեն եղել ո՛չ Փաշինյանի, ո՛չ Հայաստանի նախկին իշխանությունների, ո՛չ էլ որևէ այլ երկրի ընտրված իշխանությունների նկատմամբ։
«ՌՈՒՍԱՍՏԱՆՅԱՆ ՊԱՇՏՈՆԱԿԱՆ ԱՆՁԻՆՔ ԵՐԲԵՔ ԹՈՒՅԼ ՉԵՆ ՏՎԵԼ որևէ երկրի օրինական ընտրված իշխանությունների տապալման կոչերի նույնիսկ ակնարկ»,- հայտարարեց նա։ Ինչպես նաև հավելեց, որ Հայաստանի ներկայիս իշխանությունները չպետք է ուրիշներին վերագրեն սեփական մեղքերը, նկատի ունենալով Փաշինյանի նախկին կոչերը՝ բռնի ճանապարհով տապալելու օրինական իշխանությունը, լիներ դա Ռոբերտ Քոչարյանի, թե Սերժ Սարգսյանի նախագահման տարիներին։ Ասել է թե՝ երբեմն օգտակար է հայելում նայել սեփական պատկերին։
Մարիա, Մարիա… Համա թե մարդ գտաք հերքելու։ Դատարկախոսից ախր էլ ի՞նչ կարելի է սպասել։ Առանց հերքումների էլ պարզ է, որ նման կոչեր չեն եղել։ Այդ առնչությամբ լռում է նույնիսկ համաշխարհային ցանցը։ Պարզապես մեր սիրասուն առաջնորդը ոգևորված էր փարիզյան շքեղ ընդունելությունից, դե, և լեզուն բացվեց… Ախր դա հենց տիպիկ Նիկոլն է՝ միշտ գոհ ինքն իրենից, իր ճաշից ու իր կնոջից։ Դրա համար էլ սկզբում բարբաջում է, հետո նոր՝ մտածում։ Վերջինը՝ ոչ միշտ։
Ի՜նչ արած, 6 տարի շարունակ իշխանավարելուց հետո նա այդպես էլ չհասկացավ, որ երկրի առաջին դեմքին վայել չէ ստել։ Թքած, որ դրանից տուժում է նրա հեղինակությունը։ Բայց չէ՞ որ տուժում է նաև երկրի հեղինակությունը, որի ղեկին կանգնած է այ այսպիսի ոչ սիրասուն ստախոս։ Առհասարակ Փաշինյանը մեծ հաշվով պետք է ներողություն խնդրի իր ստերի համար, կամ ապացուցի սեփական իրավացիությունը ինչը, ինչպես արդեն ասացինք, անհնար է։
Նիկոլը չի հասկանում նույնիսկ այն, որ յուրաքանչյուր նոր բարբաջանքից հետո կորցնում է իր կողմնակիցների ևս մի որոշ թվաքանակ։ Դրա համար էլ շարքային քաղաքացիների միջավայրում արդեն դժվար է հանդիպել վարչապետի կողմնակիցների։ Իշխող թիմում՝ բնականաբար կան։ Կառավարական ինչ-որ աշխատասենյակներում՝ այո, ուժային կառույցներում՝ ամենայն հավանականությամբ։ Գրանտակերների միջավայրում էլ դեռ մնացել են։ Իսկ այդպիսի առանձնաշնորհներով չծանրաբեռնված մարդկանց մեջ՝ գործնականում չկան։
Հայաստանի իշխանություններն ապրում են իրենց հորինած աշխարհում։ Նիկոլ Փաշինյանի հորինած աշխարհում, որտեղ ռուսաստանյան իշխանությունը կոչ է անում հայ ժողովրդին տապալել իրեն, իսկ ինքը հերոսաբար պաշտպանվում է։ Ալեն Սիմոնյանի հորինած աշխարհում, որտեղ Հայաստանի բոլոր քաղաքացիներն ատում են ՀԱՊԿ-ը… Մի աշխարհում, որտեղ Հայաստանում կոռուպցիա չկա, որտեղ չեն արգելում քաղաքական ընդդիմախոսների մուտքը երկիր և բանտերում չեն հասցնում մահվան դուռը։ Որտեղ վարչապետի ավտոշքախումբը անիվների տակ չի ճզմում հղի կնոջը և չի շարունակում նույն արագությամբ սուրալ առաջ…
Որտեղ Հայաստանի ուժային կառույցները պաշտպանում են մարդու իրավունքները, այլ ոչ թե տեսախցիկների առջև հինգ հոգով ծեծում մեկին, իսկ հետո բողոքներ գրում, թե ամեն ինչ հակառակն է եղել, ծիծաղի առարկա դարձնելով ոչ միայն իրենց, այլև կրկին իսկ ողջ երկիրը։ Հորինված աշխարհում, որտեղ դատավոր Ֆարխոյանը ազնիվ ու արդար է դատում…
Հ.Գ.- Անեկդոտ՝ համացանցից. Փաշինյանը դեռևս հարկման չի ենթարկել այն կանանց, որոնք բարձրակրունկ կոշիկներ են հագնում ու փչացնում ասֆալտը։
ПОСЛЕДНИЕ ОТ АВТОРА
-
2024-04-27 10:30Надо признать, что сдачу Азербайджану приграничных территорий Тавуша Алиев с Пашиняном провернули успешно. При полной поддержке западного мира. Что дальше? Алиев с Эрдоганом уже озвучили дальнейшие запросы: села-анклавы, Конституция Армении, "Зангезурский коридор". Пока Пашинян у власти процесс сдачи Армении будет продолжаться.
-
2024-04-26 10:12Трудно как-то комментировать, чем запомнился день 24 апреля 2024 года в Армении. День 109-й годовщины Геноцида армян. Обычно это день единения, когда люди молча отдают дань памяти жертвам Геноцида. На этот раз день запомнился атмосферой истерии, которую в очередной раз создала действующая власть. Собственно, эта атмосфера периодически сопровождает шаги власти, начиная с апреля 2018-го года…
-
2024-04-23 13:56Никол Пашинян дал интервью английским журналистам. Благодаря профессиональным вопросам английских коллег добавилось несколько новых штрихов к уже известному портрету манкурта.
-
2024-04-22 11:58Правительство Пашиняна официально обязалось передать в ближайшее время Азербайджану территории, требуемые Баку на севере Армении. Вооруженные силы Азербайджана без каких-либо усилий займут позиции, позволяющие им контролировать северные области Армении у армяно-грузинской границы. Эти решения "бастионом демократии" приняты, не считаясь с мнением жителей приграничных сел и всей Армении.
