2024-03-02 09:07
Информагентства
Հրայր ԿԱՐԱՊԵՏՅԱՆ․ ԱԴՐԲԵՋԱՆԻ ԴԵՄ ՊԱՏԺԱՄԻՋՈՑՆԵՐ ՉԵՆ ԼԻՆԻ
Ադրբեջանի դեմ Եվրախորհրդարանի ընդունած բանաձևերն այդպես էլ կմնան թղթի վրա։ Sputnik Արմենիայի հետ զրույցում այս տեսակետը հայտնեց Սանկտ Պետերբուրգում ՀՀ նախկին գլխավոր հյուպատոս, ՀՅԴ ներկայացուցիչ Հրայր Կարապետյանը։
Փետրվարի 29-ին հայտնի դարձավ, որ Եվրախորհրդարանն ընդունել է արտաքին քաղաքականության ու ԵՄ անվտանգության և պաշտպանության քաղաքականության վերաբերյալ 2 բանաձև, որոնցից յուրաքանչյուրում ԵՄ-ին կոչ է անում անհապաղ պատժամիջոցներ կիրառել Ադրբեջանի դեմ և կասեցնել ռազմավարական էներգետիկ գործընկերության մասին փոխըմբռնման հուշագիրը: Բանաձևերի հեղինակները կոչ են արել նաև ընդլայնել և երկարաձգել հայ–ադրբեջանական սահմանին դիտորդական առաքելության գործողության ժամկետը, ինչպես նաև դիտորդներ տեղակայել Թուրքիայի հետ սահմանին:
Կարապետյանը կասկածում է, որ ԵՄ–ն պատրաստ է պատժամիջոցներ կիրառել Բաքվի դեմ, իսկ Երևանի նկատմամբ ռևերանսները, ըստ նրա, ամենայն հավանականությամբ, Հարավային Կովկասում ամրապնդվելու նպատակ ունեն:
«Մեր հիշողության մեջ դեռ թարմ են եվրոպացի և ամերիկացի քաղաքական գործիչների հավաստիացումներն այն մասին, որ նրանք թույլ չեն տա էթնիկ զտումներ Լեռնային Ղարաբաղում և ագրեսիա նրա դեմ։ Մենք հիշում ենք նաև Լաչինի միջանցքի ապաշրջափակման հետ կապված բազմաթիվ կոչերն ու պահանջները։ Ժամանակը ցույց տվեց, որ դրանք դատարկ հայտարարություններ են, որոնք ոչ մի գործնական նշանակություն չունեցան և մնացել են ընդամենը թղթի վրա։ Հիմա էլ, կարծում եմ, նույն իրավիճակն է»,– ասաց քաղաքական գործիչը։
Ըստ նրա` Ադրբեջանի դեմ պատժիչ գործնական քայլերը կարևոր կլինեին ՀՀ անվտանգության տեսանկյունից, բայց այդ բանաձևերն ու հայտարարություններն ընդամենը խորհուրդներ և խոսակցություններ են, այլ ոչ թե հրամայական փաստաթղթեր։
Կարապետյանը նաև կասկածում է, որ Եվրամիությունը երբևիցե կհրաժարվի ադրբեջանական էներգակիրներից. ԵՄ–ն ամեն կերպ փորձում է այլընտրանքներ գտնել ռուսական գազին և նավթին, և այդ այլընտրանքներից մեկը Ադրբեջանն է։
«Ի դեպ, Բաքուն այս ամենը լավ հասկանում է, ուստի կարող է իրեն թույլ տալ անտեսել եվրոպական կառույցների շատ որոշումներ»,– ասաց նա։
Քաղաքական գործչի խոսքով` Ադրբեջանի կողմից նման արհամարհական վերաբերմունքը կշարունակվի այնքան ժամանակ, քանի դեռ եվրոպական կառույցների կողմից չեն ձեռնարկվել իրական պատժամիջոցներ։
Ինչ վերաբերում է Հայաստանում ԵՄ դիտորդական առաքելության ընդլայնմանը և Թուրքիայի հետ սահմանի երկայնքով դիտորդներ տեղակայելու հնարավորությանը, ապա Կարապետյանի կարծիքով` դա լիովին տեղավորվում է Հարավային Կովկասում և մասնավորապես ՀՀ–ում իր ներկայության ուժեղացման բրյուսելյան քաղաքականության մեջ:
«Եվրամիությունն ավելի ու ավելի է փորձում Հայաստանին ներքաշել իր ազդեցության ուղեծրում և զուգահեռաբար թուլացնել ռուսական ազդեցությունը տարածաշրջանում։ Հաշվի առնելով նաև այն, որ հայ–թուրքական սահմանին կանգնած են ռուս սահմանապահներ, դիտորդներ տեղակայելու մասին Եվրախորհրդարանի բանաձևը հակասում է հայ–ռուսական համապատասխան պայմանագրին»,– ընդգծեց Կարապետյանը։
Նրա համոզմամբ` այս տեսանկյունից բանաձևը որոշակի տարակուսանք է առաջացնում. չեն կարող նույն տեղում գտնվել երկու լրիվ տարբեր ուժային կենտրոնների ներկայացուցիչներ։
ПОСЛЕДНИЕ ОТ АВТОРА
-
New2025-05-17 15:28Министр образования, науки, культуры и спорта Жанна Андреасян посетила школы сел Мердзаван и Мхчян, в которых на днях произошли скандальные инциденты. Об этом сообщает пресс-служба армянского ведомства.
-
New2025-05-17 15:27«С точки зрения комплектования Вооруженных сил и эффективного использования имеющегося потенциала нужно делать платной не возможность освобождения от армии или сокращение срока службы. Можно использовать уже существующие законодательные возможности – при внесении одной-двух поправок», – написал секретарь фракции «Честь имею» Национального Собрания Армении Тигран Абрамян на своей странице в социальной сети Facebook.
-
New2025-05-17 15:26Поэт, член Союза писателей Армении Карен Хуршудян стал Кавалером ордена «За заслуги» Франции.
-
New2025-05-17 15:25Рубен Варданян стал дедушкой, находясь в азербайджанском СИЗО, а семья лишена возможности сообщить ему радостную новость. Об этом сообщил его сын Давид в интервью GB News. Давид подчеркнул, что его дочь родилась уже после ареста Рубена.