2024-03-20 10:01
Информагентства
ՆԱՏՕ–ն միջնորդ չէ. Ստոլտենբերգը` Երևանի և Բաքվի միջև խաղաղության հեռանկարի մասին
ՆԱՏՕ–ն միջնորդ չէ Երևանի և Բաքվի միջև ու չի կարող բանակցային սեղան առաջարկներ բերել։ Այս մասին Հանրային հեռուստաընկերությանը տված հարցազրույցի ժամանակ ասել է ՆԱՏՕ-ի գլխավոր քարտուղար Յենս Ստոլտենբերգը։
«Ես խորապես հավատացած եմ, որ խաղաղության հասնել հնարավոր է, այսինքն՝ այո, դա իրատեսական է, քանի որ ընթացիկ բանակցությունների շրջանակում որոշ հիմնարար սկզբունքների շուրջ արդեն իսկ համաձայնություն է ձեռք բերվել: Դրանց շարքում է, օրինակ, հարգանքը միմյանց տարածքային ամբողջականության նկատմամբ: Այնուամենայնիվ, ցանկանում եմ նշել, որ ՆԱՏՕ-ն միջնորդ չէ, այսինքն՝ այն չի կարող առաջարկներ բերել բանակցային սեղան»,– ասել է Ստոլտենբերգը։
Նա ընդգծել է, որ ՆԱՏՕ–ն աջակցում է այդ սկզբունքներին, նաև հավատում, որ հնարավոր է հաղթահարել, լուծել առկա տարաձայնությունները:
Նա անդրադարձել է նաև Նորվեգիայի օրինակին ու շեշտել, որ սկանդինավյան տարածաշրջանում դարեր շարունակ պայքար է ընթացել նորվեգացիների, շվեդների և դանիացիների միջև, բայց այժմ նրանք խաղաղ են ապրում: ՆԱՏՕ–ի գլխավոր քարտուղարը նշել է, որ, իհարկե, սահմանի հետ կապված հարցեր դեռ կան, բայց դա անցյալում է ու բոլորը, որպես անկախ ինքնիշխան պետություններ, հարգում են իրար:
«Նույնը կարող ենք տեսնել եվրոպական այլ երկրների դեպքում՝ Ֆրանսիայի, Գերմանիայի, Միացյալ Թագավորության, որոնք պատերազմների մեջ են եղել հարյուրավոր տարիների ընթացքում, բայց այսօր այդ երկրները կայուն խաղաղության մեջ են ապրում»,- ասել է Ստոլտենբերգը:
Նա ընդգծել է, որ իր ուղերձը Երևանին նույնն է, ինչ Բաքվին: Շեշտել է` երկու կողմն էլ պետք է տեսնեն այդ հնարավորությունը, հաղթահարեն հակասությունները և համաձայնության գան տևական խաղաղության շուրջ:
Sputnik Արմենիա
ПОСЛЕДНИЕ ОТ АВТОРА
-
New2025-05-17 15:28Министр образования, науки, культуры и спорта Жанна Андреасян посетила школы сел Мердзаван и Мхчян, в которых на днях произошли скандальные инциденты. Об этом сообщает пресс-служба армянского ведомства.
-
New2025-05-17 15:27«С точки зрения комплектования Вооруженных сил и эффективного использования имеющегося потенциала нужно делать платной не возможность освобождения от армии или сокращение срока службы. Можно использовать уже существующие законодательные возможности – при внесении одной-двух поправок», – написал секретарь фракции «Честь имею» Национального Собрания Армении Тигран Абрамян на своей странице в социальной сети Facebook.
-
New2025-05-17 15:26Поэт, член Союза писателей Армении Карен Хуршудян стал Кавалером ордена «За заслуги» Франции.
-
New2025-05-17 15:25Рубен Варданян стал дедушкой, находясь в азербайджанском СИЗО, а семья лишена возможности сообщить ему радостную новость. Об этом сообщил его сын Давид в интервью GB News. Давид подчеркнул, что его дочь родилась уже после ареста Рубена.