2024-03-20 13:26
Информагентства
Կուլեբա․ Խոսելով զորք ուղարկելու մասին՝ Մակրոնը նկատի ուներ միայն ուսուցանող հրահանգիչներին
Ուկրաինայի արտաքին գործերի նախարար Դմիտրի Կուլեբան միջազգային ԶԼՄ-ների հարցազրույցում հայտնել է, որ Ֆրանսիայի նախագահ Էմանուել Մակրոնը, որը հնարավոր էր համարել Ուկրաինա զորքեր ուղարկելը, խոսել է ուկրաինացի զինվորներին արևմտյան մասնագետների պատրաստելու մասին։ Կուլեբայի խոսքերը մեջբերել է La Stampa իտալական թերթը։
«Երբ Մակրոնը խոսեց Ուկրաինա զորքեր ուղարկելու մասին, եվրոպացի առաջնորդները խուճապի մատնվեցին։ Մակրոնն ընդամենը նկատի ուներ, որ կա ուկրաինացի զինվորներին սովորեցնելու հնարավորություն անմիջապես Ուկրաինայում, այլ ոչ թե նրա սահմաններից դուրս, ինչպես դա տեղի է ունենում այժմ»,- ասել է Կուլեբան։
Նա ավելացրել է, որ Կիևը երբեք չի խնդրել Արևմուտքին զորքեր ուղարկել Ուկրաինա։ Ուկրաինական բանակին անհրաժեշտ են ՀՕՊ միջոցներ, զինամթերքներ, անօդաչուներ, հեռահար հթրիռներ, որպեսզի «ոչնչացնեն ռուսական լոգիստիկան և հրամանատարությունն օկուպացված տարածքներում», ինչպես նաև հարվածներ հասցնեն ռուսական տարածքին»։
Ֆրանսիայի նախագահ Էմանուել Մակրոնը Փարիզում փետրվարի վերջին Ուկրաինայի դաշնակիցների հետ հանդիպումից հետո հայտնել էր, որ չի բացառում զորքերի ուղարկումն Ուկրաինա, բայց եվրոպական երկրներում այս հարցում կոնսենսուս չկա։ Արևմտյան երկրները, այդ թվում Գերմանիան և ԱՄՆ-ն, ինչպես նաև ՆԱՏՕ-ն, ի պատասխան հայտնել են, որ չեն դիտարկում նման հնարավորությունը։
Կրեմլում հայտնել են, որ արևմտյան զորքերի ուղարկումն Ուկրաինա կհանգեցնի ուղիղ հակամարտության ՆԱՏՕ-ի հետ։ ՌԴ նախագահ Վլադիմիր Պուտինը նախազգուշացրել է «հնարավոր ինտերվենտներին» «ողբերգական հետևանքների» մասին։
News.am
ПОСЛЕДНИЕ ОТ АВТОРА
-
New2025-06-22 09:57Адвокатская команда бизнесмена, владельца группы компаний «Ташир» и мецената Самвела Карапетяна опубликовала вторую часть его заявления, в которой он изложил анализ настоящего и планы на будущее.
-
2025-06-21 16:55Интервью с доктором юридических наук Артуром Гамбаряном.
-
2025-06-21 15:34Городской совет Алькасера (провинция Валенсия, Испания) единогласно осудил геноцид османской Турцией, политику отрицания нынешних турецких властей и принял предложение о признании Геноцида армян, став 42-м испанским городом Испании, сделавшим это.
-
2025-06-21 15:32Министр иностранных дел Ирана Аббас Арагчи в интервью NBC News заявил, что если Трамп решит, что США нанесут удар по Ирану, его правительство оставляет за собой право нанести ответный удар, как оно это сделало в отношении Израиля.