Մահացել է պրոֆեսոր Միխայիլ Աղաջանովը
Մահացել է ԵՊԲՀ կենսաքիմիայի ամբիոնի վարիչ, պրոֆեսոր Միխայիլ Աղաջանովը։ Ֆեյսբուքյան էջում տեղեկությունը հայտնել է համալսարանի ռեկտոր Արմեն Մուրադյանը։ Նշենք, որ Միխայիլ Աղաջանովը Իոսիֆ Աղաջանովի հայրն է, որի սպանության համար ցմահ բանտարկված է Մհեր Ենոքյանը։
«Շատ ու շատ գործընկերների, ապագա բժիշկների համար նրա օրինակը, կենսասիրությունը վարակիչ էին: Միխայիլ Աղաջանովն ավարտել էր բժշկական բուհը 1963 թվականին` վեց տասնամյակ առաջ, և որևէ օր չէր կորցրել կապը հարազատ կրթօջախի հետ` կրթելով սերունդներ, զարգացնելով հայրենի բժշկագիտությունը: ԵՊԲՀ կենսաքիմիայի ամբիոնի՝ երկար տարիների ղեկավարը ողջ կյանքը նվիրել էր գիտությանը, մասնավորապես՝ նեյրոդեգեներատիվ հիվանդությունների կանխարգելմանն ու բուժմանը»,- գրել է Մուրադյանը:
Միխայիլ Աղաջանովը ծնվել է Թիֆլիսում։ Նրա պապը եղել է Ալեքսանդր Մանթաշովի բժիշկը։
85-ամյա Աղաջանովն ուսումնասիրել է Ալցհեյմերի հիվանդությունը և մշակել դրա բուժման և կանխարգելման ուղիները։
Տարիներ շարունակ Աղաջանովն ընտանիքի հետ պայքարել է, որպեսզի Մհեր Ենոքյանն ազատ չարձակվի համաներումով։
Հիշեցնենք, որ Իոսիֆ Աղաջանովը սպանվել էր 1996 թվականին։ Երկու մեղադրյալները՝ Մհեր Ենոքյանը և Արամ Հարությունյանը, դատապարտվել էին որպես համախոհներ։ Հարությունյանին դատապարտել էին 15 տարվա ազատազրկման, իսկ Ենոքյանին՝ գնդակահարության, որն այնուհետև փոխարինվեց ցմահ բանտարկությամբ։ 2022 թվականից նա պատիժը կրում է բաց ռեժիմով։
Քրեական գործի համաձայն` 1996թ. հուլիսի 12-ին Երևան քաղաքի բնակիչ Ենոքյանը, հանցավոր համաձայնության գալով Հարությունյանի հետ, համակուրսեցի Իոսիֆ Աղաջանովին սպանելու և դիակի տեղը հայտնելու համար, վերջինիս ծնողներից 20 000 ԱՄՆ դոլար գումար պահանջելու նպատակով, Աղաջանովին տարել են Արամ Հարությունյանի բնակարան, որտեղ շահադիտական նպատակներով և առանձին դաժանությամբ սպանել են Իոսիֆ Աղաջանովին:
Դատաքննության ընթացքում Մհեր Ենոքյանն իրեն մեղավոր չի ճանաչել և այսօր էլ պնդում է, որ մեղավոր չէ։ Դատարանում հայտարարել է, թե փորձել է կանխել հանցագործությունը, բայց չի հաջողվել: Թեև համացանցում հրապարակված տեսանյութում Ենոքյանն իրավապահներին ասում է` մարդ ենք սպանել, հետո նաև որոշ մանրամասներ է պատմում այդ սպանությունից։
Sputnik Արմենիա
ПОСЛЕДНИЕ ОТ АВТОРА
-
2024-04-29 12:02
Жители областного центра Армавирской области Армении – Армавира утром 29 апреля вышли на акцию против односторонних уступок руководства страны в рамках процесса делимитации государственной границы с Азербайджаном.
-
2024-04-29 12:01
Значительная часть общественности с негодованием и недоверием относится к навязанной Азербайджаном «корректировке границ», а по сути, односторонним уступкам. Однако, несмотря на это, власть активно продолжает свое темное дело. Об этом пишет секретарь фракции НС «Честь имею» Тигран Абрамян.
-
2024-04-29 11:57
В связи с инцидентом в Ноемберяне с наездом автомобиля «УАЗ» на толпу протестующих арестованы пятеро…протестующих.
-
2024-04-29 11:57
Такого игнорирования права и закона, свидетелем которого я стал вчера при обсуждении ходатайства об аресте Ваагна Махсудяна, я давно не видел. Об этом на своей странице в Facebook написал адвокат Вараздат Арутюнян.