2024-03-30 08:31
Информагентства
Բենիամին ՄԱԹԵՎՈՍՅԱՆ․ ՄՈՍԿՎԱՅԻ ԳՆԱՀԱՏԱԿԱՆՆԵՐՆ ՀԱՅԱՍՏԱՆՈՒՄ ՆԱՏՕ-Ի ԱՄՐԱՊՆԴՄԱՆ ՄԱՍԻՆ ԱՐԴԱՐԱՑՎԱԾ ԵՆ
ՌԴ պաշտոնյաները Հայաստանում ԵՄ դիտորդական առաքելության վերաբերյալ իրենց գնահատականներում միանգամայն օրինաչափ հետևություններ են անում, և այդ գնահատականները մեծապես արտացոլում են իրական վիճակը։ Sputnik Արմենիայի հետ զրույցում այս տեսակետը հայտնեց քաղաքագետ Բենիամին Մաթևոսյանը։
Ավելի վաղ ՌԴ ԱԳ նախարար Սերգեյ Լավրովը «Известия»–ին տված հարցազրույցում ասել էր, որ այժմ Հայաստան զինծառայողներ են ուղարկվում Կանադայից, Նորվեգիայից և ԱՄՆ–ից` ՀՀ–ն վերածելով Հյուսիսատլանտյան դաշինքի առաքելության։ Նա նաև հայտարարել էր, որ Հայաստանի ղեկավարությունը հրաժարվել է 2022 թվականին երկրի տարածքում ՀԱՊԿ առաքելություն տեղակայել, որը կարող էր նպաստել սահմանին էսկալացիայի մակարդակի նվազմանը։
Մաթևոսյանը կարծում է, որ Հայաստանում տեղակայված ԵՄ առաքելությունը վաղուց արդեն այն առաքելությունը չէ, որի մասին ի սկզբանե հայտարարվում էր։ Պետք է հաշվի առնել, որ Եվրամիությունը ոչ թե անվտանգություն գեներացնող, այլ սպառող կառույց է։ ԵՄ-ն տվյալ դեպքում սպառում է այն անվտանգությունը, որը գեներացնում է ՆԱՏՕ-ն։ Եվ հենց սկզբից տրամաբանական էր, որ դիտորդներն այստեղ կգան որպես ՆԱՏՕ-ի ներկայացուցիչներ։
Փորձագետի խոսքով` արևմտյան էլիտաները հիմա փորձում են Հայաստանն օգտագործել հակառուսական գործընթացներ գեներացնելու համար։ Այս համատեքստում սիմպտոմատիկ է ՆԱՏՕ-ի նախկին գլխավոր քարտուղար Անդերս Ֆոգ Ռասմուսենի հիմնադրած «Հայաստանի բարեկամների ցանցի» վերջին զեկույցը։ Հեղինակները Եվրամիությանը կոչ են արել Հայաստանին տրամադրել ԵՄ անդամի թեկնածուի կարգավիճակ, ռազմական օգնություն հատկացնել Հայաստանին, երկրի անվտանգության ամրապնդման համար կազմակերպել համատեղ դասընթացներ և զորավարժություններ, առաջարկել Հայաստանին դառնալ եվրոպական էներգետիկ համայնքի անդամ, սկսել վիզային ռեժիմի ազատականացման շուրջ երկխոսություն: Ռասմուսենը և ԵՄ մի քանի նախկին բարձրաստիճան պաշտոնյաներ նաև մեղադրել են Ռուսաստանին Հարավային Կովկասում ապակառուցողական դերակատարություն ունենալու մեջ` հայտարարելով, որ Ուկրաինայում Ռուսաստանի գործողությունները ԵՄ–ին ստիպում են շատ ավելին անել հարևան երկրներում ժողովրդավարությունը պաշտպանելու համար:
«Ռասմուսեն & Co–ն համատեղում է հաճելին օգտակարի հետ։ Նրանց համար օգտակարն այն է, որ ի դեմս Հայաստանի նրանք տարածաշրջանում գործընկեր են գտել, որի օգնությամբ կարելի է Ռուսաստանի և Իրանի դեմ գործընթացներ նախաձեռնել։ Օգտակար է այն, որ Հայաստանը, ինչպես գիտենք, օգտվում է Ռասմուսենի կառուցի վճարովի խորհրդատվական ծառայություններից։ Պարզ է, որ Հայաստանի հետ կնքված պայմանագիրը հաշվի առնելով` ՆԱՏՕ–ի նախկին գլխավոր քարտուղարը պետք է որոշակի հայանպաստ դիրքորոշում հայտներ»,– նշեց Մաթևոսյանը։
Նրա խոսքով` պայմանագրի բովանդակությունն ամբողջությամբ համապատասխանում է ՆԱՏՕ–ի գործողություններին, մասնավորապես` տարածաշրջանում Ռուսաստանին ճնշելը։ Քաղաքագետի կարծիքով` այս հարցում Նիկոլ Փաշինյանին հսկայական աջակցություն է ցուցաբերել և շարունակում է ցուցաբերել Ադրբեջանը, որն ինքն է հարթակ տրամադրել տարածաշրջանում ՆԱՏՕ–ի «օպերատոր» Թուրքիային։ Մաթևոսյանը նշեց, որ երբ ասվում է Հայաստանը դառնում է Ռուսաստանի և Արևմուտքի աշխարհաքաղաքական դիմակայության թատերաբեմ, ապա պետք է հաշվի առնել այն, որ նույնպիսի թատերաբեմ է դարձել նաև Ադրբեջանը։
ПОСЛЕДНИЕ ОТ АВТОРА
-
New2025-05-16 19:48Только что прослушал последнюю беседу Никола Пашиняна с азербайджанским журналистом относительно мирного соглашения между Арменией и Азербайджаном. Пашинян также встретился с президентом Азербайджана в Тиране (Албания). Не сомневаюсь, что и эта встреча прошла в том же духе, с позиции покорного просителя, лишенного достоинства, национальной гордости и даже самой элементарной дипломатической решимости. Об этом написал на своей странице в Facebook экс-министр иностранных дел Армении Вардан Осканян.
-
New2025-05-16 19:46По предварительным данным, в результате аварии с участием автобуса маршрута №23 пострадали 8 граждан. Министерство здравоохранения сообщает, что 6 взрослых были доставлены в медицинский центр и в настоящее время проходят обследование.
-
New2025-05-16 19:39Католикос Арам I провел встречу с делегацией высокопоставленных священнослужителей, представляющих Патриарха Московского и всея Руси Кирилла. Об этом сообщает католикосат Великого Дома Киликийского
-
New2025-05-16 19:38Мировой порядок сегодня превратился в глобальный беспорядок, а история, которую считали закончившейся, «снова возобновилась». Такое мнение высказала глава Еврокомиссии Урсула фон дер Ляйен, выступая с речью на шестом саммите Европейского политического сообщества в Тиране.