2024-04-08 13:20
Информагентства
ԵԽ-ի պատգամավորները ԵՀ ղեկավարին և ԱՄՆ պետքարտուղարին կոչ են անում ապահովել ՀՀ-ի անվտանգությունը
Եվրախորհրդարանի տարբեր խմբակցությունների 24 պատգամավորներ Եվրահանձնաժողովի ղեկավար Ուրսուլա ֆոն դեր Լյայենին և ԱՄՆ պետքարտուղար Էնթոնի Բլինքենին կոչ են արել ապահովել Հայաստանի անվտանգությունը։
«Այն պահին, երբ Եվրամիությունը և Միացյալ Նահանգները հայտնում են իրենց աջակցությունը Երևանին, մենք՝ 24 եվրոպացի պատգամավորներ, խնդրում ենք Ուրսուլա ֆոն դեր Լյայենին և Էնթոնի Բլինքենին ապահովել Հայաստանի անվտանգությունը, որին սպառնում է Ադրբեջանը»,- գրել է Եվրախորհրդարանի անվտանգության և պաշտպանության հարցերի ենթակոմիտեի նախագահ Նատալի Լուազոն (Ֆրանսիա) X սոցցանցում։
«Մենք ողջունում ենք ապրիլի 5-ին Բրյուսելում կայացած եռակողմ հանդիպումը, որը սկիզբ դրեց Եվրամիության և ԱՄՆ կոնկրետ ներգրավվածությանը Հայաստանի, նրա դեմոկրատիայի, անվտանգության և տարածքային ամբողջականության աջակցությանը»,- նշվել է նամակում։
Փաստաթղթում ասված է, որ միջազգային հանրությունը պասիվ հետևել է Ղարաբաղի պատերազմին 2020թ., Ադրբեջանի դաժանությանը Ղարաբաղի նկատմամբ և Հայաստանի տարածքի մի մասի փաստացի օկուպացմանն Ադրբեջանի կողմից։
«Ադրբեջանը չի դադարում ռազմաշունչ հռետորաբանություն օգտագործել Հայաստանի հանդեպ՝ նրան մեղադրելով թվացյալ սադրանքներում։ Միևնույն ժամանակ, Ռուսաստանը պատրվակ է փնտրում Հայաստանին պատժելու համար դեպի Եվրոպա իր կողմնորոշման համար։ Մենք չենք կարող անտարբեր մնալ դեմոկրատիայի սպառնալիքներին և համոզված ենք, որ Հայաստանը հարևանների հետ խաղաղ ապրելուց և իր սեփական ուղին ընտրելուց բացի այլ բան չի փնտրում»,- նշված է նամակում։
Եվրախորհրդարանի պատգամավորները ֆոն դեր Լյայենին և Բլինքենին կոչ են արել հասարակ ժեստ անել՝ գնալ Հայաստան և հավաստիացնել հայ ժողովրդին, որ նա միայնակ չէ գոյատևելու և ազատության համար իր պայքարում։
News.am
ПОСЛЕДНИЕ ОТ АВТОРА
-
New2025-07-21 15:25Премьер Армении Никол Пашинян намерен до 27 июля - Дня Преображения Господня (Вардавар) - сместить Католикоса всех армян Гарегина II. Об этом написал на своей странице в соцсети член Исполнительного органа Республиканской партии Армении Эдуард Шармазанов.
-
New2025-07-21 15:23Турция рассчитывает на достижение консенсуса между Азербайджаном и Арменией по вопросу Зангезурского коридора, считая, что реализация этого проекта принесет пользу всем странам региона. Об этом заявил президент республики Реджеп Тайип Эрдоган, передает TRT Haber.
-
New2025-07-21 15:22Никто не может отнять у арцахцев право на возвращение, никакая власть не может закрыть Арцахский вопрос. Об этом заявил спикер Национального Собрания Республики Арцах Ашот Даниелян.
-
New2025-07-21 15:20Отношения Москвы и Баку имеют прочную основу, но сейчас переживают сложный период. Об этом заявил журналистам пресс-секретарь президента РФ Дмитрий Песков.