2024-04-09 15:55
Информагентства
Մտահոգիչ է «զուգընկեր» հասկացությունը․ Մայր աթոռը՝ ընտանեկան բռնության նախագծի մասին
Մայր աթոռ սուրբ Էջմիածնի իրավախորհրդատվական հանձնախումբը վստահ է՝ ընտանեկան բռնության մասին խնդրահարույց նախագծում որոշ ձևակերպումներ խիստ անընդունելի են։
Այս մասին տարածած հայտարարության մեջ նշվում է, որ ողջունում են յուրաքանչյուր նախաձեռնություն, այդ թվում և իրավական փաստաթուղթ, կոչված բացառելու բռնությունն ինչպես ընտանիքում, այնպես և սոցիալական որևէ այլ միջավայրում:
«Անընդունելի են նախագծում առկա որոշ ձևակերպումներ և հասկացություններ: «Կենցաղային բռնություն» հասկացությունն անորոշ է ու տարածական, հակասում է ընտանիքի ներսում բռնությունների կանխարգելման նպատակին և արհեստականորեն ընդլայնում է օրենքի կարգավորման տիրույթը»,- ասված է հաղորդագրությունում:
Մայր աթոռը առավել քան մտահոգիչ է համարում նախագծում «զուգընկեր» հասկացության նորամուծությունը։
Համաձայն նախագծի զուգընկեր է համարվում այն անձը, որի հետ առկա են հարաբերություններ, որոնց հատուկ է սիրային կապը՝ անկախ համատեղ բնակության կամ միմյանց հետ սեռական հարաբերություններ ունենալու հանգամանքից: Եկեղեցին անհանգստացած և մտահոգված է, որ նախագծում որևէ ձևով չի բացառվում, որ զուգընկեր կարող են համարվել նաև նույնասեռ անձինք, որոնց միությունը, ըստ էության, հավասարեցվելու է ընտանիք հասկացությանը:
Մայր աթոռից ընդգծում են՝ ընտանիքը տղամարդու և կնոջ սիրո միությունն է` Աստծո կամքով միավորված և սերնդագործությամբ օրհնված։ Հայ ազգի համար ընտանիքը գոյաբանական նշանակություն ունի, հետևաբար, բռնության կանխարգելումը չպիտի ծառայեցվի որպես առիթ ընտանիքի ավանդական ընկալման ձևախեղման համար։
Մայր աթոռ սուրբ Էջմիածնի իրավախորհրդատվական հանձնախումբն անընդունելի է համարում նմանօրինակ նախաձեռնությունը և հորդորում է ԱԺ խմբակցություններին և պատգամավորներին մերժել նախագծի ընդունումը:
Նշենք, որ փետրվարի 7–ին ՀՀ Ազգային ժողովն առաջին ընթերցմամբ ընդունեց «Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» ՀՀ օրենքում փոփոխություններ և լրացումներ կատարելու մասին նախագիծը։
Օրինագիծը մեծ աղմուկ է բարձրացրել, քանի որ փաթեթում կետ կա կուսության ստուգումն արգելելու մասին։ Պատգամավոր կանայք նաև առաջարկում են փաթեթում ներմուծել «զուգընկեր» հասկացությունը, որով, ըստ որոշ քաղաքացիների, քողարկված պաշտպանության տակ են առնում նույնասեռականներին։
Ընդդիմությունը պահանջում է հստակ ձևակերպել, որ զուգընկերները կինն ու տղամարդն են, իշխանության ներկայացուցիչները հակադրվում են` ՀՀ օրենքներով ու Սահմանադրությամբ նման հստակ ձևակերպում չկա։
Sputnik Արմենիա
ПОСЛЕДНИЕ ОТ АВТОРА
-
2025-05-07 19:47Уголовный суд общей юрисдикции Еревана признал виновным Тиграна Дрмеяна по делу об оскорблении жены премьер-министра Никола Пашиняна Анны Акопян у мемориального комплекса «Цицернакаберд» 24 апреля 2024 года.
-
2025-05-07 19:45Управление аэропортов Индии, правительственное учреждение, сообщает, что 18 из 137 аэропортов, которыми оно управляет, остаются закрытыми.
-
2025-05-07 19:43Директору Театра юного зрителя Эмину Торосяну направлено уведомление об одностороннем расторжении трудового договора. В интервью Новости Армении - NEWS.am Эмин Торосян сообщил, что в уведомлении говорится, что в отчете за первый квартал возникла проблема с предоставлением 1200 приглашений или бесплатных входных билетов.
-
2025-05-07 19:41Церковь в приграничном селе Воскепар была огорожена в связи с подготовкой к разминированию территории. Об этом заявил премьер-министр Армении Никол Пашинян во время правительственного часа в парламенте, отвечая на вопрос депутата от блока "Айастан" Гарника Даниеляна о ходе делимитации границы.