2024-04-16 11:40
Информагентства
0
Հայ դատի հանձնախումբը դատապարտել է Ֆրեզնոյի «Արարատ Մասիս» գերեզմանատան հրկիզումը
ԱՄՆ Արևմտյան շրջանի Հայ դատի հանձնախումբն իր վրդովմունքն է հայտնել ԱՄՆ Կալիֆորնիա նահանգի Ֆրեզնո քաղաքի «Արարատ Մասիս» հայկական գերեզմանատան հրկիզման կապակցությամբ:
1885 թվականին հիմնադրված Ֆրեզնոյի գերեզմանատունը Միացյալ Նահանգների ամենահին հայկական գերեզմանատնն է։ Այնտեղ թաղված են հայ նշանավոր հերոսներ և հասարակական գործիչներ՝ Սողոմոն Թեհլերյանը, Վիկտոր Մաղաքյանը, Վիլյամ Սարոյանը և այլք։
Գերեզմանատան ղեկավարության խոսքով՝ շաբաթ օրը առավոտյան ժամը 3-ին հրկիզվել է մոտ ութ ծառ։ Սա թվով 6-րդ նման միջադեպն է 2024 թվականի սկզբից ի վեր։ Ընդհանուր առմամբ, գերեզմանատանը ոչնչացվել է ավելի քան 19 ծառ, ինչը վկայում է այն մասին, որ այդ միջադեպերը պոտենցիալ հանցագործություններ են, որոնք կատարվում են հայերի նկատմամբ ատելության հողի վրա։
Հրկիզումը տեղի է ունեցել գերեզմանատան նոր հատվածում նախատեսված Հայոց ցեղասպանության զոհերի հիշատակին նվիրված արարողությունից և Սողոմոն Թեհլերյանի արձանի մոտ դրոշի բարձրացումից 11 օր առաջ:
«Հայկական գերեզմանատան վրա այս հրեշավոր հարձակումները հստակ վկայում են այն մասին, որ հակահայկական տրամադրությունները անթաքույց սպառնալիք են ներկայացնում հասարակական անվտանգության համար, հատկապես Ֆրեզնոյի հայ-ամերիկյան համայնքում», — հայտարարել է Հայ Դատի հանձնախմբի տնօրենների խորհրդի նախագահ Օշին Հարությունյանը:
«Տեղական իշխանությունները պետք է հետաքննեն 2024 թվականի սկզբից ի վեր տեղի ունեցած 6 միջադեպերը և ապահովեն այդ հանցագործությունների արդյունավետ կասեցումը, հանցագործներին պատասխանատվության ենթարկելը և պատճառված վնասի դիմաց հայ-ամերիկյան համայնքին փոխհատուցելը»:
«Կենտրոնական Կալիֆոռնիայի Հայ Դատի հանձնախմբի անդամները սերտորեն համագործակցում են «Արարատ Մասիս» հայկական գերեզմանատան ղեկավարության և տեղի իշխանությունների հետ, որպեսզի բացահայտեն հրկիզումների շարքի պատճառը ևապահովեն Ֆրեզնոյի մեր համայնքի անվտանգությունը», — հայտնել է Կենտրոնական Կալիֆոռնիայում հանձնախմբի ներկայացուցիչ Րաֆֆի Չեքերդեմյանը:
«Հայ համայնքն ակնկալում է տեղի իշխանություններից և ոստիկանության վարչությունից ձեռնարկել բոլոր հնարավոր միջոցները՝ կանխելու հետագա հրկիզումները այս սուրբ գերեզմանատանը», — հավելել է նա:
AlphaNews.am
ПОСЛЕДНИЕ ОТ АВТОРА
-
2024-04-30 19:31В пригороде Парижа Арнувиле 28 апреля состоялось мероприятие, посвященное памяти невинных жертв Геноцида армян, передает Alfanews.am.
-
2024-04-30 19:30Президент Грузии Саломе Зурабишвили является предателем страны, которая напрямую предает национальные интересы Грузии, заявил премьер-министр Грузии Ираклий Кобахидзе. Его слова приводит Sputnik Грузия, передает Aysor.am.
-
2024-04-30 19:27Работы по разминированию на участке Беркабера завершены, работы по делимитации и демаркации - пока нет. Об этом "ФактИнфо" сообщил глава общины Беркабер Тавушской области Армении Тигран Арутюнян, отметив, что сегодня никакой работы не ведется.
-
2024-04-30 19:26Кризис в армяно-российских отношениях неприемлем, проблемы, безусловно, есть, но их нужно решать. Об этом заявил экс-замминистра иностранных дел Армении Авет Адонц, передает Verelq.am.
