2024-04-17 14:28
Информагентства
0
Փաստաբան․ ՔՊ-ական պատգամավորին վիրավորած Սամվել Վարդանյանի մեղադրանքը լրացվել է
Հանրային տրանսպորտում ՔՊ–ական պատգամավոր Հակոբ Ասլանյանին վիրավորած, այնուհետև դաժան ծեծի ենթարկված Սամվել Վարդանյանի մեղադրանքը լրացվել է։ Լրագրողների հետ զրույցում տեղեկությունը հայտնեց նրա պաշտպան Ռուբեն Մելիքյանը։
Փաստաբանը նշեց, որ քրեական գործը սկզբում նախաձեռնված է եղել առերևույթ խուլիգանության հատկանիշներով (կալանք չի ենթադրում), իսկ հիմա լրացվել է քաղաքական հիմքով թշնամանք, անհանդուրժողականություն հրահրելու հոդվածով։
«Կարծում եմ` Հայաստանի քաղաքացիների մեծ մասին ցանկացած պահի կարող է առաջադրվել այս մեղադրանքը։ Ես հույս ունեի, որ քննչական կոմիտեն չի ներգրավվի այս խոշտանգման գործընթացի մեջ, բայց ցավոք...»,– ասաց նա։
Մելիքյանը տեղեկացրեց, որ հոդվածով նախատեսվում է 1-4 տարի ազատազրկում։
Նա հավելեց, որ իր պաշտպանյալին ծեծի ենթարկելու մասով հանցագործության մասին հաղորդում է բերել, որը հանձնելու է պատկան մարմիններին։
«Սա սովորական ոստիկանական խոշտանգում չէ, սա քաղաքական պատվերով կատարվող այլանդակություն է բանդայի կողմից, ու որևէ բան չի ձեռնարկվում»,– ասաց նա։
Փաստաբանը տեղեկացրեց, որ այս պահին Սամվելը տեղափոխվել է Շենգավիթի դատարան. նշանակում է, որ միջնորդություն է ներկայացվել, բայց դեռ տեղեկություն չունեն` արդյոք դա կալանքի միջնորդություն է, թե ոչ։
«Ըստ օրենքի` դատարան միջնորդություն կարող է ներկայացվել նաև տնային կալանքի կամ վարչական հսկողության միջնորդություն, որոնք ավելի մեղմ խափանման միջոց են»,– ասաց Մելիքյանը։
Sputnik Արմենիա
ПОСЛЕДНИЕ ОТ АВТОРА
-
New2024-05-02 20:00Группа ученых из Китая провела масштабное исследование и выявила шесть способов проведения свободного времени, которые замедляют ухудшение памяти и уменьшают риск деменции.
-
New2024-05-02 19:50Грузия отказалась от переговоров по стратегическому партнерству с США, заявила американский посол Робин Данниган.
-
New2024-05-02 19:48Сразу несколько статей Конституции Армении были нарушены при блокировке сотрудниками полиции дороги, ведущей к селу Киранц Тавушской области. Об этом координатор инициативы "Айакве" Аветик Чалабян заявил на акции оповещения перед зданием МВД Армении, передает Sputnik Армения.
-
New2024-05-02 19:45Канцлер Германии Олаф Шольц встретится с президентом Франции Эммануэлем Макроном в четверг вечером в Париже на ужине, чтобы обсудить политику Европейского союза и Китая, пишет Politico, передает NEWS.am.
