Ամերիկացի կոնգրեսականները նախատեսում են Ադրբեջանի դեմ պատժամիջոցների մասին օրինագիծ ներկայացնել
Ամերիկացի կոնգրեսականների խումբը՝ Դինա Տիտուսի գլխավորությամբ, մտադիր է այս շաբաթ ներկայացնել Ադրբեջանի դեմ պատժամիջոցների մասին օրինագիծը։ Այս մասին Turan-ի վաշինգտոնյան թղթակիցը տեղեկացել է Կոնգրեսի աղբյուրներից։
Այս օրինագիծը պատժամիջոցներ է նախատեսում ավելի քան 40 ադրբեջանցի պաշտոնյաների՝ զինվորականների, դատավորների, քննիչների և բարձրաստիճան պաշտոնյաների նկատմամբ, որոնք «ակտիվ դեր են խաղացել երկրում օրենքի գերակայության և մարդու իրավունքների խախտման գործում»։ Նրանց թվում են պաշտպանության նախարարության, գլխավոր դատախազության, Բաքվի ծանր հանցագործությունների դատարանի, ներքին գործերի նախարարության, պետական անվտանգության, քրեակատարողական, պետական սահմանային ծառայությունների և նախագահի աշխատակազմի ներկայացուցիչներ։
Օրինագիծը կոչ է անում Բայդենի վարչակազմին ԱՄՆ օրենսդրության շրջանակում 180 օրվա ընթացքում որոշում կայացնել անձանց այս խմբի դեմ պատժամիջոցների մասին, ներառյալ «Մագնիտսկու օրենքը»:
Նման օրինագծի ընդունումը բացատրվում է իշխանության կողմից «ընդդիմության դաժան ճնշումներով և Ադրբեջանում մարդու իրավունքների խախտումների վերաբերյալ լուրջ մտահոգություններով»։ Մասնավորապես, նշվում է ընդդիմության առաջնորդների, ակտիվիստների և կառավարությանը քննադատողների, այդ թվում՝ Գուբադ Իբադօղլուի ձերբակալությունները, ասվում է օրինագծում։ Հեղինակները նաև ընդգծում են, որ 2024 թվականի մարտի 6-ին Ադրբեջանի իշխանությունները Բաքվում ձերբակալել են վեց լրագրողի և անօրինական կերպով մեղադրել նրանց մաքսանենգության մեջ՝ որպես Ադրբեջանում անկախ լրատվամիջոցների դեմ շարունակվող ճնշումների մաս:
Օրինագիծը վերաբերում է նաև հայ բանտարկյալների իրավունքների ոտնահարմանը։ Սա «լուրջ հարցականի տակ է դնում Ադրբեջանի կառավարության հավատարմությունը մարդու իրավունքներին և արդար և կայուն խաղաղության շուրջ բանակցելու կարողությանը», ասվում է փաստաթղթում։
Հատկապես «աչքի ընկածների» առաջին յոթնյակում են՝ գեներալ-լեյտենանտ Հիքմաթ Իզզաթ օղլու Միրզաևը՝ հատուկ նշանակության ջոկատի հրամանատար, փոխգնդապետ Էլգուն Ալիևը՝ ռազմական ոստիկանության պետ, գնդապետ Էլշան Սանաևը՝ Ադրբեջանի 218-րդ հրամանատարական բրիգադի հրամանատար, գեներալ-լեյտենանտ Անվար Էֆենդիևը՝ Ադրբեջանի ցամաքային զորքերի հրամանատար, գեներալ-մայոր Ջեյհուն Հասանովը՝ Արդարադատության նախարարության քրեակատարողական ծառայության աշխատակից, Ալի Նագիևը՝ պետական անվտանգության ծառայության պետ, Սամիր Նուրիևը՝ նախագահ Ալիևի վարչակազմի ղեկավար։
News.am
ПОСЛЕДНИЕ ОТ АВТОРА
-
2024-05-26 19:34
Посольство РФ в Армении контактирует с МИД Армении на предмет оказания помощи в ликвидации последствий наводнения, говорится в комментарии официального представителя МИД РФ Марии Захаровой, передает Sputnik Армения.
-
2024-05-26 19:32
По предварительным данным, в результате стихийного бедствия погибли 2 человека и 2 получили ранения, сообщил Общественному телевидению министр территориального управления и инфраструктур Армении Гнел Саносян, передает Sputnik Армения.
-
2024-05-26 19:30
Я обращаюсь к Николу Пашиняну. Когда-то ты считал себя народным человеком, катался на велосипеде, собирал мусор с земли, но очень скоро начал летать на вертолете, защищаясь огромным числом полицейских. Об этом заявил сегодня, 26 мая, на митинге на площади Республики глава Тавушской епархии архиепископ Баграт Галстанян, передает News.am.
-
2024-05-26 19:29
Лидер движения "Тавуш во имя Родины" архиепископ Галстанян объявил о возобновлении акций протеста с утра понедельника, передает Sputnik Армения.