2024-04-24 10:06
Рубен МАРГАРЯН
ՆՐԲԱԳԾԵՐ՝ ՄԱՆԿՈՒՐՏԻ ԴԻՄԱՆԿԱՐԻՆ
Նիկոլ Փաշինյանը հարցազրույց տվեց անգլիացի լրագրողներին: Անգլիացի գործընկերների պրոֆեսիոնալ հարցերի շնորհիվ մի քանի նոր նրբագծեր ավելացան մանկուրտի արդեն հայտնի դիմանկարին։
Անգլիական պարբերականի լրագրողը Փաշինյանին հարցնում է Արցախի հետագա ճակատագրի, հայրենիք վերադառնալու արցախցիների հնարավորության մասին։ Այն մասին, թե մտադի՞ր է արդյոք Երևանը բարձրացնել այդ հարցը Ադրբեջանի հետ բանակցություններում։
Ինչպե՞ս կպատասխաներ Հայաստանի ողջամիտ առաջնորդը։ Նա կխոսեր հայրենիք վերադառնալու արցախցիների անվիճելի իրավունքի մասին։ Միջազգային երաշխիքների անհրաժեշտության մասին: Այն մասին, որ տեղի է ունեցել էթնիկ զտում, որ փաստացի ինքնաձիգի փողի տակ իրականացված բռնի տեղահանման արդյունքում ավարտվել է հայկական Արցախի հազարամյա պատմությունը։ Այն մասին, որ մենք ականատես ենք դարձել Ցեղասպանության ակտի։ Կասեր, որ Երևանը հետևողականորեն բարձրացնելու է արցախցիների վերադարձի հարցը միջազգային ատյաններում և Ադրբեջանի հետ բանակցություններում։ Կխոսեր նաև մասին, որ Երևանը պահանջելու է Բաքվի կողմից ՄԱԿ-ի Միջազգային դատարանի որոշման կատարում... Այսպես կխոսեր ողջամիտ առաջնորդը։
Փաշինյանն ասաց, որ արցախցիների վերադարձի հնարավորություն չի տեսնում… Փաստորեն հաստատեց, որ արցախցիների վերադարձի թեման իր համար փակ է։ Այնքան հանգիստ էր խոսում, ասես հասել է իր նպատակին։ Երևի պետք է շնորհակալություն հայտնել Փաշինյանին թեկուզ այն բանի համար, որ չհայտարարեց, թե էթնիկ զտման մեղավորը հենց արցախցիներն են, ինչի մասին շատ են սիրում խոսել իր թիմի որոշ ներկայացուցիչներ։ Դե, այդքանի համար էլ շնորհակալ ենք:
Անգլիացի մեկ այլ լրագրող հիշեցնում է, որ Հայաստանը հնագույն քրիստոնեական երկիր է, որը հայտնի է քրիստոնեական ճարտարապետության հուշարձաններով: Հարցնում է այդ ճարտարապետական հուշարձանների ոչնչացման նկատմամբ պաշտոնական Երևանի վերաբերմունքի մասին։ Խաչքարների ոչնչացման…
Ինչպե՞ս կպատասխաներ հայ առաջնորդը։ Նա կասեր, որ հարցը Երևանի ուշադրության կենտրոնում է, բարձրացվելու է և բարձրացվում է միջազգային ատյաններում, ՅՈՒՆԵՍԿՕ-ում։ Կասեր, որ հարցը դրվելու է նաև Բաքվի հետ բանակցություններում։ Կնշեր, որ լրագրողը ճիշտ թեմա է բարձրացնում, դրա մասին պետք է ավելի հաճախ ու բարձրաձայն խոսել՝ Արցախի մշակութային, քրիստոնեական ժառանգությունը փրկելու համար. աշխարհը պետք է դատապարտի բարբարոսական գործողությունները: Այսպես կպատասխաներ Հայաստանի առաջնորդը։
Փաշինյանը սկսեց արդարացնել վանդալներին... Իբր՝ ինչո՞ւ են մարդիկ պատերազմում հուշարձանների դեմ։ Որովհետև, պատասխանեց նա իր իսկ հարցին, կա փոխադարձ անվստահություն, փոխադարձ ատելություն։ Այ հենց դա է պատճառը, ասում է Փաշինյանը։ Գնում ենք դեպի սահմանազատում (տարածքներ ենք հանձնում - Խմբ.), առաջարկում ենք «Խաղաղության խաչմերուկ» նախագիծը. այ դրանից հետո արդեն կդադարեն ոչնչացնել հուշարձանները, ճամարտակում է նա։
Եվս մեկ անգլիացի լրագրող խոսում է Ադրբեջանի կողմից զենքի բազմամիլիարդանոց գնումների մասին։ Այն մասին, որ այդ գնումներն իրականացվում են հիմնականում նավթի վաճառքից ստացված եկամուտների հաշվին, իսկ այդտեղ առանցքային դեր է կատարում British Petroleum-ը։ Հարցնում է Փաշինյանի վերաբերմունքի մասին։
Հայաստանի ղեկավարը կասեր, որ այո՛, փաստացի ադրբեջանական նավթի հարցում շահագրգռվածության պատճառով Արևմուտքը աչք է փակում Ալիևի ոճրեգործությունների վրա, չի կիրառում պատժամիջոցներ, որոնք կարող են ազդել Ադրբեջանի նախագահի դիրքորոշման վրա, և դրանով իսկ խրախուսում է Բաքվին նոր հանցագործությունների:
Իսկ ի՞նչ է ասում Փաշինյանը։ Արդարանում է, որ Հայաստանը նույնպես մի քիչ զենք է գնում, իբր՝ Իլհամ Ալիևը պետք է հասկանա, որ մենք նույնպես ունենք դրա իրավունքը, մենք էլ ենք ինքնիշխան երկիր, չէ՞…
Իլհամ Ալիևը պիտի որ հրճված լինի Փաշինյանի հարցազրույցով։ Դժվար թե Ադրբեջանի նախագահը կարողանար ավելի համոզիչ արդարացնել Բաքվի քաղաքականությունը։
ПОСЛЕДНИЕ ОТ АВТОРА
-
2025-05-28 09:36Много слышим ласковых слов в адрес официального Еревана со стороны европейцев. Представители Еревана - желанные гости в Европе, европейские политики, разные самые, - желанные гости официального Еревана. Только вот странность: давно уже не слышно от европейских политиков не только слова, даже намека на осуждение этнической чистки, которую провел в Арцахе Алиев…
-
2025-05-27 09:24Обеспокоенный негативными процессами в отношениях между Москвой и Баку главный «евразиец» Александр Дугин написал открытое письмо президенту Азербайджана Ильхаму Алиеву. Непосредственным поводом послужило то, что лидер Евразийского движения Азербайджана Ибрагим Гасанов и его товарищ Ибрагим Гумбатов приговорены в Азербайджане «за шпионаж в пользу России» к тюремному заключению на срок 14 и 13 лет. Сообщается, что недавно был арестован еще один «евразиец».
-
2025-05-26 10:00Правительство одобрило законопроект о том, как откосить от службы в рядах ВС Армении, заплатив взятку правительству. Ну да, формально законопроект называется несколько иначе, но суть в этом. Законопроект представлен депутатом от «Гражданского договора» Айком Саргсяном, одобрен министром обороны Суреном Папикяном и, как нельзя лучше, характеризует содержание нынешней власти. О законопроекте много еще будут говорить, многое уже сказано, но это тот случай, когда об этом позоре, направленном на ломку ВС, надо говорить громко, много и часто.
-
2025-05-24 11:57От главы МИД России Сергея Лаврова узнали, что в 2026 году Армения намерена принять очередной саммит Европейского политического сообщества - форума, задуманного как площадка общеевропейского политического диалога на уровне лидеров, за исключением России и Беларуси. А уж после Лаврова от Пашиняна узнали, что пройдет форум весной 2026 года: впритык к очередным парламентским выборам.