2024-05-06 19:43
Информагентства
Գառնիկ Դանիելյան․ Մեծ քանակությամբ կարմիրբերետավորներ են բերվել Հրազդանի մոտ
ՀՀ Կոտայքի մարզի Հրազդան քաղաքի հատվածում մեծ քանակությամբ կարմիրբերետավորներ են բերվել։ Այս մասին Sputnik Արմենիային ասաց ԱԺ «Հայաստան» խմբակցության պատգամավոր, «Տավուշը հանուն հայրենիքի» շարժման առաջնորդներից Գառնիկ Դանիելյանը։
Ավելի վաղ հայտնել էինք, որ սահմանազատման դեմ պայքարողները Տավուշի թեմի առաջնորդ Բագրատ արքեպիսկոպոս Գալստանյանի գլխավորությամբ Կիրանցից քայլերթով գալիս են Երևան` միակողմանի սահմանազատման գործընթացը կասեցնելու նպատակով։ Նրանք նախատեսում են Երևան հասնել մայիսի 9-ին։
«Լուրեր ունենք, որ ոստիկանական ուժերը Հրազդանի հատվածում են կենտրոնացել։ Չգիտեմ` ինչ են պլանավորել, բայց ով փորձի մեր խաղաղ երթի դեմ ուժ գործադրել, ապա օրենքի ողջ խստությամբ կենթարկվի պատասխանատվության։ Սա խաղաղ երթ է, ու այստեղ մայրեր, կանայք, մեծահասակներ, երեխաներ կան։ Մեզ քայլերթի ամբողջ ընթացքում միանում են, գալիս ու ողջունում են Գավառից, Մարտունիից, Սևանից, հիմա էլ Հրազդանում են սպասում»,– ասաց Դանիելյանը։
Նա վստահեցրեց, որ ժողովրդի մոտ վախի մթնոլորտ սերմանելու փորձերն այլևս չեն ազդում, քանի որ մարդիկ հստակ հայտնում են իրենց դիրքորոշումը։ Պատգամավորի խոսքով `շարժումը համաժողովրդական ու համազգային է, և որքան էլ ապօրինի մեթոդների դիմեն, այն ավելի կհզորանա։
Հարցին, թե ինչու մինչ օրս ոստիկանական ուժերը չէին փակում ճանապարհները, Դանիելյանը պատասխանեց` շարժումն ամեն օր մեծ թափ է հավաքում, քաղաքական դաշտում էլ մեծ համախմբում կա։
Sputnik Արմենիա
ПОСЛЕДНИЕ ОТ АВТОРА
-
New2025-05-14 14:34Между депутатами от правящей фракции и оппозиции произошел жаркий спор в парламенте Армении.
-
New2025-05-14 13:38Два из пяти уголовных производств в отношении журналистки из Гюмри Лилит Агекян находятся на стадии предварительного расследования, сообщает пресс-служба Следственного комитета (СК).
-
New2025-05-14 13:33Президент США Дональд Трамп провел встречу с президентом переходного периода Сирии аш-Шараа в Саудовской Аравии, это первая встреча лидеров двух стран за 25 лет, передает РИА Новости со ссылкой на газету Washington Post.
-
New2025-05-14 13:30Скандал разразился в школе села Мердзаван общины Паракар Армавирской области между учениками и учителем истории. Ученики обвинили учителя во лжи и освистали.