2024-05-16 19:20
Информагентства
Նազարյանի հնչեցրած արտահայտությունը չի հանդիսանում «Հայաստան» խմբակցության դիրքորոշումը
ՀՀ ԱԺ «Հայաստան» խմբակցության պատգամավոր Գեղամ Նազարյանի հնչեցրած արտահայտությունները չեն հանդիսանում տվյալ խմբակցության դիրքորոշումը։ Այս մասին գրել է «Հայաստան» խմբակցության պատգամավոր, ՀՅԴ Հայաստանի ԳՄ ներկայացուցիչ Իշխան Սաղաթելյանը։
Նշենք, որ այսօր Գեղամ Նազարյանն այսօր այցելել է Տավուշի մարզի Կիրանց գյուղ, որտեղ տավուշցիները փակել են միջպետական ճանապարհը։ Պատգամավորի և գյուղացիների միջև թեժ խոսակցություն էր ծավալվել, խոսակցությանը մասնակցում էր նաև գնդապետ Միհրան Մախսուդյանը։ Այդ ամենը լուսաբանում էր լրագրող Անի Գևորգյանը։ Նազարյանը նկատելով տեսախցիկը` բարկացել է և կոպիտ կերպով պահանջել Գևորգյանից անջատել այն, ինչից հետո լեզվակռիվ է սկսվել։ ԱԺ պատգամավորը նշել է, որ լավ ճանաչում է Անի Գևորգյանի սեփականատերերին (հավանաբար նկատի է ունեցել լրատվամիջոցի – խմբ.) ու անձամբ իրեն։ Նազարյանը նաև մեղադրել է լրագրողին մանիպուլյացիաներ անելու մեջ, ապա հեռացել։ Մի փոքր անց, Անի Գևորգյանը կրկին մոտեցել է պատգամավորին ու սկսել նկարել, ինչը կրկին բարկացրել է Նազարյանին։
«Գեղամ Նազարյանի հնչեցրած հուզական արտահայտությունները չեն հանդիսանում «Հայաստան» խմբակցության դիրքորոշումը և չեն արտահայտում խմբակցության պատգամավորների տեսակետը: Հուսամ` պարոն Նազարյանը դեպքի հետ կապված լրացուցիչ պարզաբանումներ կներկայացնի: Հավելեմ նաև, որ մեզ համար անընդունելի է ԶԼՄ որևէ ներկայացուցչի նկատմամբ անհարգալից վերաբերմունքը կամ վիրավորանքը»,– գրել է Սաղաթելյանը։
Նշենք, որ երեկ ՀՀ ԱԳՆ–ն մայիսի 15-ին հայտնեց, որ Հայաստանի և Ադրբեջանի սահմանազատման հանձնաժողովները նոր պայմանավորվածություններ են ձեռք բերել։ ՀՀ վարչապետի աշխատակազմը պարզաբանեց, որ, ըստ այդ պայմանավորվածությունների, Կիրանցում ճանապարհի տեղափոխման ու գույքային խնդիր է առաջանալու, և կառավարության ներկայացուցիչները առավոտից գույքագրելու են հնարավոր խնդիրները, որպեսզի փոխհատուցեն քաղաքացիների կրած վնասները։ Կիրանցի բնակիչները դեմ են Հայաստանի և Ադրբեջանի սահմանազատման հանձնաժողովների պայմանավորվածություններին։ Նրանք փակել են Հայաստան–Վրաստան միջպետական ճանապարհը։
Sputnik Արմենիա
ПОСЛЕДНИЕ ОТ АВТОРА
-
New2025-07-16 13:13Рабочая группа в формате вице-премьеров правительств Армении, России и Азербайджана (по разблокированию коммуникаций – ред.) давно не действует. Об этом на пресс-конференции 16 июля заявил премьер-министр Армении Никол Пашинян.
-
New2025-07-16 13:12Премьер-министр Армении Никол Пашинян не исключил, что управление дорогой из Азербайджана в Нахиджеван через Сюник может быть передано частной компании.
-
New2025-07-16 13:12Очередной случай смерти зарегистрирован в уголовно-исполнительном учреждении «Армавир» в Армении. Как сообщила «ФактИнфо» начальник отдела по связям с общественностью уголовно-исполнительной службы министерства юстиции Армении Нона Навикян, 14 июля осужденный (1987 г.р.), отбывающий наказание в УИУ, был найден в камере повешенным.
-
New2025-07-16 12:12Идея пантюркизма никогда не получала и сейчас не получает однозначного одобрения всех сверхдержав с учетом вытекающих из этого необратимых последствий. Об этом на своей странице в «Facebook» написал бывший министр юстиции Армении Геворк Даниелян.