2024-05-21 17:23
Информагентства
ՌԴ Պետդուման առաջարկել է սփյուռքները հավասարեցնել «օտարերկրյա գործակալներին»
Ռուսաստանի Դաշնության Կոմունիստական կուսակցության Պետդումայի պատգամավոր Միխայիլ Մատվեևն առաջարկել է սփյուռքները հավասարեցնել «օտարերկրյա գործակալներին» և արգելել ազգային-էթնիկ միավորումների օտարերկրյա ֆինանսավորումը։ Նման նորմեր ներառված են նրա մշակած ազգային մշակութային ինքնավարությունների մասին օրենքի նոր տարբերակում։
RTVI-ի հետ զրույցում խորհրդարանականն ասել է, որ առաջարկում է Ռուսաստանից դուրս սեփական պետություններ ունեցող էթնիկ համայնքների սփյուռքները նույնացնել «օտարերկրյա գործակալների» հետ։
Միխայիլ Մատվեևը կարծում է, որ Ռուսաստանում աճում է այն ազգությունների թիվը, որոնք ունեն իրենց պետությունները, և նրանք սկսել են օգտագործել ազգային մշակութային ինքնավարությունները որպես «միգրանտների կառույցների գրանցման իրավական ձև»։ Այս գործընթացը, ինչպես նա ասաց, «երկարաժամկետ առումով կործանարար է Ռուսաստանի համար»։ Մատվեևի նախաձեռնությունն արդեն քննադատության է ենթարկվել նրա գործընկերների կողմից։
Մոսկվայում տեղի ունեցած ահաբեկչությունից հետո Ռուսաստանը մեծացրել է ճնշումը Կենտրոնական Ասիայից եկած միգրանտների, առաջին հերթին տաջիկների նկատմամբ: Աշխատանքային միգրանտների վրա զանգվածային արշավանքներ են իրականացվել, և անվտանգության ուժերը մարդկանց տարել են հանրակացարաններից, աշխատավայրերից և նույնիսկ մզկիթներից։ Օտարերկրացիներին, որոնք չունեն անհրաժեշտ փաստաթղթեր, զանգվածաբար արտաքսվում են Ռուսաստանից, իսկ ժամանածներին թույլ չեն տալիս մուտք գործել երկիր։ Տասնյակ շրջաններում իշխանությունները սահմանափակել են միգրանտների՝ ուղևորափոխադրումների, տաքսիների և այլ ոլորտներում աշխատելու իրավունքը։ Պաշտոնական վարկածի համաձայն՝ նման միջոցներ են ձեռնարկվել «տեղի բնակչության կյանքի և առողջության անվտանգությունն ապահովելու համար»։
News.am
ПОСЛЕДНИЕ ОТ АВТОРА
-
New2025-05-14 10:15Ученые утверждают, что продукты с антоцианами способны защитить от того вреда, который микропластик наносит организму, пишет MedikForum.
-
New2025-05-14 09:31За заявлениями о том, что победа фашистской Германии была бы выгодна армянскому народу, видна "рука" нынешних властей Армении, продолжающих распространять антироссийские нарративы. Об этом в беседе со Sputnik Армения заявил историк, бывший вице-спикер парламента и член Исполнительного органа Республиканской партии Эдуард Шармазанов.
-
New2025-05-14 06:25Президент Франции Эммануэль Макрон в интервью BFMTV заявил, что Крым, скорее всего, останется российским.
-
New2025-05-14 06:21Сельхозпроизводители стран Евразийского экономического союза (ЕАЭС) в марте этого года по сравнению с аналогичным месяцем прошлого года повысили цены на свою продукцию на 10,5%. Об этом сообщает Евразийская экономическая комиссия (ЕЭК).