2024-05-27 14:54
Информагентства
Սանոսյան․ Փլվել է 17 կամուրջ, որոշների վերականգնումը մեծ ջանք ու ժամանակ է պահանջելու (ՏԵՍԱՆՅՈՒԹ)
Դեբեդի վարարման հետևանքով փլվել է 17 կամուրջ։ Այս մասին այսօր՝ մայիսի 27-ին, լրագրողների հետ զրույցում ասաց ՏԿԵ նախարար Գնել Սանոսյանը։
«Դրանց մի մասը համայնքային նշանակության փոքր կամուրջներ են, բայց առնվազն 5-6 կամուրջներ բավականին խոշոր կամուրջներ են, մեզանից մեծ ջանք ու ժամանակ կպահանջվի դրանց վերականգնման համար։ Եթե փոքր համայնքայինների դեպքում լուծումներ գտվել են և կապի խնդիր չկա, այս դեպքում խնդիր ստեղծվել է»,- նշեց նա։
Նախարարն ասաց, որ այսօր արդեն ջրի նվազում ունենք․ «Մի շարք խնդիրներ, որոնք երեկ տեսանելի չէին ջրի բարձր մակարդակի հետևանքով, այսօր տեսանելի են դարձել, ինչը հնարավորություն է տալիս, որ մենք սկսենք նաև ակտիվ այլ ուղղությամբ աշխատանքները»։
Սանոսյանը փոխանցեց, որ գիշերը կարողացել են համապատասխան տեխնիկաները հասցնել Ախթալայի ուղղությամբ․ «Որտեղ մեր 5 բնակավայրեր կտրված են 2 կամուրջների փլուզման հետևանքով։ Այնտեղ կա դաշտային ճանապարհ, որտեղ կարողացել ենք մեքենայով հղի կնոջ անցկացնել։ Այդ 5,5 կմ ճանապարհին տեխնիկան աշխատում է, շեբենապատում ենք»։
Սանոսյանի խոսքով՝ Հաղպատի հատվածում ճանապարհն այնպես է քանդվել, որ հնարավոր է օգտագործել․ «Նշանակում է, որ Հաղպատ և Ծաղկաշատ բնակավայրերը, որոնք կապից կտրված էին, կարող ենք այդ կապն օգտագործել։ Հիմա իրականացվում են աշխատանքներ Շնողից դեպի Ախթալա հատվածում»։
Հիշեցնենք, որ մայիսի 26-ին Լոռիի և Տավուշի մարզերում նախորդ գիշեր տեղացած հորդառատ անձրևների հետևանքով Դեբեդ գետը վարարել էր։ Արդյունքում փլուզվել են ճանապարհներ, կամուրջները, տներն ու ավտոմեքենաները հայտնվել են ջրի տակ, արգելափակվել են մարդիկ, փլուզվել են կամուրջներ։ Վարարման հետևանքով Մ-6 միջպետական ճանապարհը երկկողմանի փակ է երթևեկության համար։ Դեբեդի հունը երեկ 6 մետրով բարձրացել էր, «Ալավերդի-Արճիս-Նոյեմբերյան» 530մմ-ոց ջրատարը հայտնվել է ջրի տակ, ինչի հետևանքով դադարեցվել էր 16 համայնքների ջրամատակակարումը, այսօր արդեն վերականգնվել է: Հեղեղի հետևանքով այս պահի դրությամբ կա 4 զոհ։ ՇՄՆ-ից հաղորդում են, որ այսօր ժամը 08։00-ի դրությամբ երեկ 08։00-ին դիտված ջրի մակարդակների համեմատ դիտվել է ջրի մակարդակների նվազում. Դեբեդ գետի Այրում դիտակետում 105 սմ-ով , Ձորագետ գետում` 70 սմ-ով, Փամբակ գետում 50 սմ-ով, Տաշիր գետում 57 սմ-ով։ ՏԿԵ նախարար Գնել Սանոսյանը NEWS.am-ի հետ զրույցում ասել է, որ վնասի չափը դեռևս չի գնահատվել, սակայն այն սարսափելի մեծ է։
ПОСЛЕДНИЕ ОТ АВТОРА
-
New2025-07-11 09:09Всероссийский центр изучения общественного мнения (ВЦИОМ) по заказу Министерства иностранных дел (МИД) России проведет социологическое исследование о продвижении русского языка за рубежом, в частности в Азербайджане. Об этом сообщает «Ведомости».
-
New2025-07-11 09:08Боевая граната была изъята Следственным комитетом Армении у участника войн 2016 и 2020 гг., а также боев у Джермука в 2022 г. Об этом говорится в заявлении Верховного органа АРФ "Дашнакцутюн".
-
New2025-07-11 09:06Подавляющее большинство оборонной и военной помощи, которую Соединенные Штаты предоставляют Украине, никогда не прекращалось и продолжается по тем же графикам, что и прежде. Об этом заявил госсекретарь США Марко Рубио.
-
New2025-07-11 09:05Союз журналистов России глубоко обеспокоен и выражает решительный протест в связи с продолжающимся произволом в отношении журналистов Sputnik Азербайджан – главы редакции Игоря Картавых и шеф-редактора Евгения Белоусова, задержанных 30 июня в Баку. Об этом говорится в открытом письме Союза, направленном в международные организации, журналистские и правозащитные ассоциации.