2024-05-28 16:12
Информагентства
Արման ԹԱԹՈՅԱՆ․ ԱՅՍ ՈՍՏԻԿԱՆՆԵՐԸ ՊԵՏՔ Է ԵՆԹԱՐԿՎԵՆ ՔՐԵԱԿԱՆ ՊԱՏԺԻ, ՈՉ ԹԵ «ԹԵՄԱՆ ՓԱԿՎԻ» 1-ԻՆ ԱԶԱՏԵԼՈՎ
Այն ոստիկանները, որոնք ուժ են կիրառել ԱԺ «Հայաստան» խմբակցության պատգամավոր Աշոտ Սիմոնյանի նկատմամբ, պետք է ենթարկվեն քրեական պատժի, ոչ թե «թեման փակելու» համար ընդամենը 1 ոստիկան ազատվի աշխատանքից: Այս հայտարարությունը տարածել է ՀՀ մարդու իրավունքների նախկին պաշտպան Արման Թաթոյանը։
«Դեռ մի հատ էլ անուն չեն նշել, որ ավելորդ խնդիր չունենան, թե կոնկրետ ով հարվածեց, ինչ հայհոյեց, բա մյուսների հա՞րցը»,– գրել է նա։
Մայիսի 27–ին հայտնել էինք, որ մոտ երկու տասնյակ ոստիկաններ շրջափակել են ԱԺ «Հայաստան» խմբակցության պատգամավոր Աշոտ Սիմոնյանին (ՀՅԴ անդամ է), նրանցից 1–2–ը հարվածել ու քաշքշել են նրան բերման ենթարկելիս։ Եվ դա այն դեպքում, երբ Աշոտ Սիմոնյանը ոստիկաններին էր ներկայացրել ԱԺ պատգամավորի վկայականը։ Ավելի ուշ ՆԳՆ–ից հայտնեցին, որ դեպքի կապակցությամբ նշանակվել է ծառայողական քննություն, ինչի արդյունքում դադարեցվել են ոստիկանության 1 ծառայողի լիազորությունները։
Թաթոյանն իր հայտարարությանը կից ներկայացրել է տեսանյութ, որում երևում են հանցանք կատարող ոստիկանները։
«Նրանց բոլորի արարքներին պետք է տրվի քրեաիրավական գնահատական, հարուցվի քրեական հետապնդում ու ապահովվեն մեղադրական դատական ակտի հիմքեր»,– գրել է նա:
Թաթոյանի խոսքով` ակնհայտ է, որ 1 ոստիկանի լիազորությունների դադարեցումը քաղաքական որոշում է։ Ըստ նրա` 1 ոստիկանի «զոհ տալով» իշխանությունը խուսափել է մյուսներին քրեական պատասխանատվության ենթարկելուց:
«Դրա համար էլ կայծակնային արագությամբ որոշում է կայացվել. ուրիշ դեպքերում ամիսներ է տևում»,– գրել է նա։
Թաթոյանը շեշտել է` այսպիսի որոշումներն ավելի սանձարձակ են դարձնում կարմիրբերետավորներին ու Դամոկլյան սրի ուժով նրանց կախված պահում քաղաքական իշխանությունից։ Այս կերպ է նաև ոստիկանը սկսում ծառայել ոչ թե պետությանը, այլ քաղաքական իշխանությանը:
«Այս դեպքի հետ կապված մանրամասները մենք ուղարկելու ենք միջազգային գործընկերների` հարցը դնելով նրանց մշտադիտարկման ներքո»,– եզրափակել է նա:
ПОСЛЕДНИЕ ОТ АВТОРА
-
New2025-05-12 02:52Идея повысить возрастной порог для призыва в армянскую армию отражает серьезный дефицит личного состава. И дефицит этот усугубляется вредительской политикой власти. Об этом заявил Sputnik Армения военный эксперт, полковник запаса Айк Наапетян.
-
2025-05-10 15:18Уровень воды в озере Севан, по состоянию на 10 мая, составляет 1900 м 62 см, или на 21 см выше, чем 10 мая 2024 года. Об этом директор Центра гидрометеорологии и мониторинга Левон Азизян сообщил в соцсети со ссылкой на ежедневные данные гидрологического баланса страны.
-
2025-05-10 15:17Мэр Капана Геворк Парсян не присоединился к чиновникам, встречавшим премьер-министра Армении Никола Пашиняна. Это становится ясно, судя по кадрам, опубликованным правительством РА.
-
2025-05-10 14:07Лауреат Государственной премии Республики Армения за всемирный вклад в высокие технологии 2024 года др. Ёсиаки Дэймон Хагивара уже в Армении. Президент лаборатории LOCOMTEC AIPS др. Хагивара прибыл в Армению, чтобы получить свою награду в области высокотехнологичной промышленности.