2024-05-30 11:35
Информагентства
Հրաչյա ՊԱՊԻՆՅԱՆ․ ՄԱՐԴԻԿ ՉԵՆ ՀԱՎԱՏՈՒՄ, ՈՐ ԱՂԵՏՆ ԱՆՁՐԵՎՆԵՐԻՑ Է ԵՂԵԼ, ՊԵՏՔ Է ՀԵՏԱՔՆՆՈՒԹՅՈՒՆ ՍԿՍԵԼ
Alpha News-ի ուղիղ եթերում «Անկյուն +3» հեռուստաընկերության տնօրեն Հրաչյա Պապինյանը անդրադարձել է Լոռու մարզպետի աշխատակազմի՝ ֆեյսբուքյան այն գրառմանը, որտեղ Լոռու մարզպետարանը դեռևս 2024 թվականի ապրիլին է զգուշացրել Ձորագետ և Դեբետ գետերի հնարավոր վարարումների մասին՝ դա պայմանավորելով «ՁորաՀԷԿ»-ի ջրամբարից ջրի բացթողումներով։ Գրառման մեջ, մասնավորապես, նշվում է․
«Տեղեկացնում ենք, որ «ՁորաՀԷԿ-ի» շահագործման ընթացքում էներգահամակարգի աշխատանքի խափանումներով պայմանավորված, առաջիկայում հնարավոր է կայանի կանգ, որն էլ իր հերթին մինչև օգոստոս ամիս կարող է հանգեցնել ջրի բացթողումների կայանի ջրամբարից:
Վերջինս կարող է Ձորագետ և Դեբետ գետերի վարարումների պատճառ դառնալ: Վտանգներից խուսափելու համար հորդորում ենք ափամերձ տարածքներում ցուցաբերել առավել զգոնություն»։
Հրաչյա Պապինյանը կարծում է, որ սենսացիա պետք չէ փնտրել գրառման մեջ, բայց, այնուամենայնիվ, պետք է հետաքննություն սկսել՝ հասկանալու համար աղետի առաջացման պատճառները։
«Այդ հայտարարության մեջ սենսացիոն ոչինչ չկա։ Վերջին 10-15 տարում գարնանային և աշնանային անձրևների վարարումների շրջանում ԱԻՆ-ը միշտ զգուշացումներ էր տալիս Դեբեդի ավազանում բնակվողներին՝ անվտանգության համար։ Մի ուրիշ բան է արտասովոր, որ պատճառաբանում են, թե Ձորագետում կարող են խափանումներ լինել։ Դա ասում են, հավանաբար նկատի ունենալով Ձորագետի ամբարտակը։ Ամեն տարի գարնանը նման հայտարարություն, նախազգուշացում պետք է լինի, որ բնակիչները տեղյալ լինեն՝ վարարումներ կարող են լինել»,- ասել է Պապինյանը։
Մեր զրուցակիցը մանրամասներ է ներկայացրել, թե ինչպես է գետը վարարել ընդամենը մի քանի րոպեի ընթացքում․
«Ակնհայտ է, որ աննախադեպ էր այդ վարարումը, ինչը կասկածների տեղիք է տալիս։ Մարդիկ չեն հավատում, որ դա անձրևներից է եղել, հավանաբար, պետք է հատուկ հետաքննություն իրականացնել լրագրողների կամ պատկան մարմինների կողմից։ Ականատեսները պատմում են, որ գետը 10-15 րոպեի ընթացքում է այդքան բարձրացել։
Այսօր էլ ես զրույց ունեցա մեր հեռուստաընկերության օպերատորի հետ, որ այդ օրը «Վերջին զանգի» միջոցառում է նկարելիս եղել Հաղպատ-Ալավերդի հատվածում, կանգնել են գետակի մոտ, բայց պարեկները թույլ չեն տվել առաջ գնալ։ Երկար կանգնած են մնացել այնտեղ, մեկ էլ հանկարծ ջուրը սկսել է շատ արագ բարձրանալ, որ արագ հեռացել են, որ ջրում չհայտնվեն։ Այդ հանկարծակիությունը կասկածներ է առաջացնում»,- եզրափակել է Հրաչյա Պապինյանը։
ПОСЛЕДНИЕ ОТ АВТОРА
-
2025-07-05 17:07Разрыв с Россией может изменить судьбу армяно-российских отношений На фоне резкого обострения отношений Москвы и Баку премьер Армении Никол Пашинян продолжает войну с оппозицией и церковью. После визита силовиков в Эчмиадзин и ареста двух архиепископов он вновь призвал переизбрать главу Армянской апостольской церкви. За поддержку ААЦ арестован российский бизнесмен Самвел Карапетян. В стране прошла новая серия арестов после того, как Следственный комитет Армении объявил о раскрытии заговора с целью захвата власти. О ситуации в Армении мы поговорили с первым заместителем председателя Комитета Госдумы по делам СНГ, евразийской интеграции и связям с соотечественниками Константином ЗАТУЛИНЫМ.
-
2025-07-05 15:05Президент Турции Реджеп Тайип Эрдоган в беседе с журналистами по возвращении из оккупированного Арцаха рассказал о «возможностях», которые откроются благодаря так называемому «Зангезурскому коридору» «не только для Азербайджана, но и для всего региона».
-
2025-07-05 15:03Молодежный союз АРФ «Дашнакцутюн» проводит акцию протеста у здания Конституционного суда Армении.
-
2025-07-05 15:02Отец мэра Еревана Тиграна Авиняна – Армен Авинян — проиграл в суде по резонансному делу, связанному с его высказываниями в адрес водителей машин марки Opel. Об этом сообщил член фракции "Мать Армения" Григор Искандарян в прямом эфире в соцсетях.