2024-06-03 13:49
Информагентства
Ռուբեն ԿԱՐԱՊԵՏՅԱՆ․ ԱՅՍ ՇԱՐԺՈՒՄՆ ԱՌԱՋՆՈՐԴՈՒՄ Է ՀԱՅ ԵԿԵՂԵՑԻՆ, ԲԱՅՑ ՍԱ ԵԿԵՂԵՑԱԿԱՆ ՇԱՐԺՈՒՄ ՉԷ
Սա ոչ ռուսամետ, ոչ արևմտամետ շարժում չէ, այլ հայամետ ազգային շարժում է, որն առաջնորդվում է Հայ առաքելական եկեղեցու կողմից: Այս մասին, այսօր՝ հունիսի 3-ին, Բագրատ Սրբազանի առաջնորդած երթի ժամանակ լրագրողների հետ զրույցում նշեց ՀՀ արտակարգ և լիազոր դեսպան Ռուբեն Կարապետյանը:
«Բայց մենք պետք է հասկանանք, որ սա նաև եկեղեցական շարժում չէ, որովհետև սա պետականության համար պայքարի շարժում է: Երբ պետությունը թուլանում է եկեղեցին է իր վրա վերցնում այդ պատասխանատվությունը և մղում առաջ»,-ասաց նա:
Անդրադառնալով սահմանազատման գործընթացին, դիվանագետն ասաց. «Բացի սահմանազատումից և սահմանագծումից, կան միջազգային նորմեր, օրինակ սահմանագծման և սահմանազատման ԵԱՀԿ-ի հստակ չափորոշիչներ կան, որոնք պետք է իրականություն դառնան: Դու չես կարող գնալ սահմանազատման, եթե տվյալ երկրի հետ չունես դիվանագիտական հարաբերություններ: Երկրորդը, սա միջազգային համաձայնագրի հիման վրա պետք է լինի, որը պետք է հաստատվի տվյալ երկրների խորհրդարանների կողմից: Միջազգային կոնֆենցիաներով, նորմերով գործընթաց չի իրականացել Հայաստանում:
Այս շարժումը սկսվեց նրանից, որ տեղի է ունենում հակասահմանադրական, հակաօրինական, միակողմանի գործընթաց: Մենք սրա մասին քիչ ենք խոսել, որ սա հակասում է նաև միջազգային նորմերին: Այն ուժերը, որոնք քննադատում են, պետք է նրանց հստակ այս ուղերձը հասցնել: Երկրորդ կարևոր բանը խաղաղությունն է, որը շահարկվում է իշխանությունների կողմից: Խաղաղությունը բանակցություններ են, երբ խոսում են դիվանագետները, թնդանողները լռում են, մենք ունե՞նք դիվանագիտություն, թե՞ չունենք: Կա՞ այդպիսի գործընթաց, թե՞ սա միակողմանի Հայաստանի հաշվին որոշակի աշխարհաքաղաքական խնդիրներ լուծելու պրոցես է: Եթե այդպես է, Հայաստանը պետք է սեղանին նստեր իր նախապայմաններով, իր պայմաններն առաջ քաշելով: Այդ ամենը չենք տեսնում: Հետևաբար, այս գործելակերպով պատերազմը շատ ավելի մոտ է դառնում թվացյալ խաղաղությունից»,-ասաց նա:
ПОСЛЕДНИЕ ОТ АВТОРА
-
New2025-05-12 02:52Идея повысить возрастной порог для призыва в армянскую армию отражает серьезный дефицит личного состава. И дефицит этот усугубляется вредительской политикой власти. Об этом заявил Sputnik Армения военный эксперт, полковник запаса Айк Наапетян.
-
2025-05-10 15:18Уровень воды в озере Севан, по состоянию на 10 мая, составляет 1900 м 62 см, или на 21 см выше, чем 10 мая 2024 года. Об этом директор Центра гидрометеорологии и мониторинга Левон Азизян сообщил в соцсети со ссылкой на ежедневные данные гидрологического баланса страны.
-
2025-05-10 15:17Мэр Капана Геворк Парсян не присоединился к чиновникам, встречавшим премьер-министра Армении Никола Пашиняна. Это становится ясно, судя по кадрам, опубликованным правительством РА.
-
2025-05-10 14:07Лауреат Государственной премии Республики Армения за всемирный вклад в высокие технологии 2024 года др. Ёсиаки Дэймон Хагивара уже в Армении. Президент лаборатории LOCOMTEC AIPS др. Хагивара прибыл в Армению, чтобы получить свою награду в области высокотехнологичной промышленности.