2024-06-04 12:16
Информагентства
Կարինե ԳԵՎՈՐԳՅԱՆ․ ԲԱԳՐԱՏ ՍՐԲԱԶԱՆԻ ԳԼԽԱՎՈՐՈՒԹՅԱՄԲ ՇԱՐԺՈՒՄԸ ՀՈՂ Է ՆԱԽԱՊԱՏՐԱՍՏԵԼՈՒ ԻՇԽԱՆԱՓՈԽՈՒԹՅԱՆ ՀԱՄԱՐ (ՏԵՍԱՆՅՈՒԹ)
Իրանագետ և քաղաքագետ Կարինե Գևորգյանը Alpha News-ի հետ զրույցում մեկնաբանել է Իրանի վերաբերմունքը Հայաստանում տեղի ունեցող իրադարձություններին և Բագրատ արքեպիսկոպոս Գալստանյանի գլխավորությամբ «Տավուշը հանուն հայրենիքի» շարժմանը։
«Իրանում դեռևս հետևում են Բագրատ արքեպիսկոպոս Գալստանյանի գլխավորած շարժմանը, բայց երբեք չեն շտապում եզրակացություններ անել։ Մի կողմից, հետևելով երկրի ներսում տեղի ունեցող գործընթացներին, այդ թվում՝ ավանդական կրոնի և նրա ինստիտուտների վարկաբեկմանը, իրանական կողմը տպավորված է, որ մի կրոնական գործիչ նման կերպ ապստամբել է։
Ակնհայտ է, որ նրա թիկունքում կանգնած է ողջ եկեղեցին, քանի որ կաթողիկոսը որևէ կերպ չի դատապարտել նրա հասարակական-քաղաքական գործունեությունը, ինչը շատ կարևոր է։ Այնուհետև Կաթողիկոսին կից արքեպիսկոպոսների խորհուրդը որոշում է կայացրել կասեցնել Բագրատ արքեպիսկոպոս Գալստանյանի՝ որպես Հայաստանի մարզերից մեկում ծառայող հովվապետի գործունեությունը: Բայց նրա՝ արքեպիսկոպոսի կոչումը չեն հանել, ինչը նույնպես շատ կարևոր է։
Սա նշանակում է, որ նման մեխանիզմը լիովին ընդունելի է, այսինքն՝ իրավական ու բարոյական աջակցությունը Էջմիածնից լիովին ակնհայտ է։ Իրանցիները, սկզբունքորեն, նույնիսկ տպավորված են այս շարժումից, քանի որ Հայաստանը թեքվում է դեպի Արևմուտք՝ թե՛ բարոյական, թե՛ էթիկական, և թե՛ տարբեր աղանդների՝ օրինակ «Կյանքի խոսքի» տարածման առումով։
Ինչպես գիտենք, Աշտարակում կա Եհովայի վկաների կենտրոն, որն աշխատում է ողջ հետխորհրդային տարածքում։ Բնականաբար, իրանցիները չէին կարող դա չտեսնել, և ավանդական ինստիտուտների դեգրադացիան նրանց մոտ մտահոգություններ էր առաջացնում։ Այս առումով իրանական կողմը միանշանակ ունի որոշակի համակրանք»,- նշել է Կարինե Գևորգյանը։
Մեկնաբանելով «Տավուշը հանուն հայրենիքի» շարժման վերջնական արդյունքները՝ քաղաքագետը կոչ է արել ժամանակ տալ հանրային գիտակցությունը մաքրելու համար։
«Բագրատ Սրբազանի գլխավորությամբ շարժումը հող է նախապատրաստելու իշխանափոխության համար։ Մովսեսը հրեաներին առաջնորդեց անապատով 40 տարի։ Գոնե 40 օր ժամանակ տվեք Բագրատ Սրբազանին, որ մարդկանց ուղեղները, հոգիները մաքրի»,- եզրափակել է Կարինե Գևորգյանը։
ПОСЛЕДНИЕ ОТ АВТОРА
-
New2025-05-12 02:52Идея повысить возрастной порог для призыва в армянскую армию отражает серьезный дефицит личного состава. И дефицит этот усугубляется вредительской политикой власти. Об этом заявил Sputnik Армения военный эксперт, полковник запаса Айк Наапетян.
-
2025-05-10 15:18Уровень воды в озере Севан, по состоянию на 10 мая, составляет 1900 м 62 см, или на 21 см выше, чем 10 мая 2024 года. Об этом директор Центра гидрометеорологии и мониторинга Левон Азизян сообщил в соцсети со ссылкой на ежедневные данные гидрологического баланса страны.
-
2025-05-10 15:17Мэр Капана Геворк Парсян не присоединился к чиновникам, встречавшим премьер-министра Армении Никола Пашиняна. Это становится ясно, судя по кадрам, опубликованным правительством РА.
-
2025-05-10 14:07Лауреат Государственной премии Республики Армения за всемирный вклад в высокие технологии 2024 года др. Ёсиаки Дэймон Хагивара уже в Армении. Президент лаборатории LOCOMTEC AIPS др. Хагивара прибыл в Армению, чтобы получить свою награду в области высокотехнологичной промышленности.