2024-06-05 11:13
Информагентства
ՌԴ ԱԳՆ․ ՀՀ-ի քայլերը կարող են անհնար դարձնել միասնական պաշտպանական համակարգի ստեղծումը
Հայաստանի գործողությունները կարող են անհնարին դարձնել Ռուսաստանի և ՀԱՊԿ այլ երկրների հետ միասնական պաշտպանական համակարգի ստեղծման ուղղությամբ համատեղ աշխատանքին վերադառնալը: ՏԱՍՍ-ին տված հարցազրույցում այս հայտարարությունն է արել ՌԴ փոխարտգործնախարար Միխայիլ Գալուզինը։
Նրա խոսքով՝ Երևանը կարծես ցանկանում է օգտվել այն պահից, երբ Արևմուտքը մեծ շահագրգռվածություն է ցուցաբերում փոխգործակցության ուժեղացման հարցում, այդ թվում՝ անվտանգության ոլորտում:
«Սակայն չմտածված որոշումները, որոնք տվյալների ազգային բազաների ու երկրի անվտանգության համար զգայուն տեղեկատվության լիակատար հասանելիություն կապահովեն Արևմուտքին, ոչ միայն սպառնում են պետության ինքնիշխանությանը, այլև կարող են օբյեկտիվորեն անհնար դարձնել Ռուսաստանի և ՀԱՊԿ-ի գծով մյուս դաշնակիցների հետ միասնական պաշտպանական համակարգի ստեղծման համատեղ աշխատանքին վերադառնալը»,- ընդգծել է ԱԳ փոխնախարարը:
Գալուզինը նաև վստահ է, որ առաջին հերթին հայ ժողովրդի շահերից է բխում, որ Հայաստանը լիարժեքորեն մասնակցի Հավաքական անվտանգության պայմանագրի կազմակերպության աշխատանքներին, և այդ մասնակցությունը նպաստում է Հարավային Կովկասի տարածաշրջանի խաղաղության և կայունության պահպանմանը: Եվ ինչ էլ խոստանան Երևանին ավելի ու ավելի սիրաշահող արևմտականները, ՀԱՊԿ-ի՝ որպես Հայաստանի անվտանգության ապահովման մեխանիզմի գործուն այլընտրանք այսօր չկա։
Ինչպես նշել է դիվանագետը, Ռուսաստանն իրապես շահագրգռված է, որ Հարավային Կովկասի հարևանները կայուն խաղաղություն հաստատեն, իսկ Արևմուտքի նպատակներն արմատապես հակառակ բնույթ են կրում: Հիմնական խնդիրներից մեկը Եվրասիայում ինտեգրման գործընթացների խափանումն է, ընդհանուր ինտեգրացիոն նախագծերը՝ ՀԱՊԿ-ը, ԱՊՀ-ն, ԵԱՏՄ-ն։ Այդ նպատակին հասնելու համար Վաշինգտոնը և նրա դաշնակիցները պատրաստ են ցանկացած քայլի` ներառյալ Ռուսաստանի հարևան պետություններում ներքաղաքական և սոցիալ-տնտեսական իրավիճակի ապակայունացման։
Sputnik Արմենիա
ПОСЛЕДНИЕ ОТ АВТОРА
-
2025-07-01 19:50Выпускники военных вузов Армении смогут приобрести дом в любой точке страны по средней цене 3-комнатной квартиры в Ереване. Об этом заявил в парламенте депутат парламента от фракции "Гражданский договор" Армен Хачатрян, представляя проект изменений в закон "О воинской службе и статусе военнослужащего".
-
2025-07-01 19:46ЗАО "Вива Армения" планирует приобрести 100% акций интернет-провайдера GNC Alfa. Ранее компания выступала под брендом "Ростелеком Армения", затем - OVIO.
-
2025-07-01 19:44Российская журналист и блогер Ксения Собчак записала видеообращение, в котором выразила поддержку арестованному бизнесмену Самвелу Карапетяну. Собчак назвала бизнесмена крупнейшим инвестором, бизнесменом, меценатом. А также настоящим, истинным патриотом Армении.
-
2025-07-01 19:42Фракция «Мать Армения» Совета старейшин Гюмри бойкотировала внеочередное заседание, выразив поддержку арестованному архиепископу Микаэлу Аджапаяну и другим.