2024-06-06 12:11
Информагентства
Ադրբեջանը ցեղասպան պետություն է․ Լեմկինի ինստիտուտը կոչով դիմել է ՄԱԿ-ին
Ցեղասպանությունների կանխարգելման Լեմկինի անվան ինստիտուտը ՄԱԿ-ին կոչ է անում դադարեցնել Ադրբեջանին աջակցությունը ՄԱԿ–ի կլիմայի փոփոխության 29-րդ համաժողովի (COP 29) անցկացման հարցում։
«Ադրբեջանը ցեղասպան պետություն է, որը ղեկավարվում է այն նախագահի կողմից, որը պարբերաբար արտահայտում է հայերի նկատմամբ ցեղասպանության գաղափարախոսությունը։ Այդ թվում` նրանց անվանում է շներ, շնագայլեր և ահաբեկիչներ։ Ներկայում Ադրբեջանն անօրինական կերպով պահում է շուրջ 300 հայի և հրաժարվում է ազատ արձակել նրանց, այդ թվում՝ Արցախի Հանրապետության (Լեռնային Ղարաբաղի) ընտրված իշխանության 8 անդամին»,- ասված է հաղորդագրությունում:
Հաղորդագրությունում նշվում է նաև, որ որոշ ձերբակալվածներ ենթարկվել են խոշտանգումների, ու միջազգային հանրությունը պետք է մերժի ցեղասպանության և դրա գաղափարախոսության կարգավորումը և դադարեցնի աջակցությունը Ադրբեջանին՝ որպես COP29 համաժողովն ընդունող երկրի:
Հիշեցնենք` այս տարվա նոյեմբերին Բաքվում նախատեսված է ՄԱԿ–ի կլիմայի փոփոխության (COP) 29-րդ համաժողովը։ Նախնական պայմանավորվածության համաձայն` համաժողովը պետք է հյուրընկալեր Հայաստանը։ Բայց 2023թ–ի տարեվերջին Հայաստանի և Ադրբեջանի ղեկավարների աշխատակազմերը հայտարարություն հրապարակեցին, որտեղ ասվում էր, որ համաժողովն անցկացնելու հայտը Երևանը զիջում է Բաքվին։ Նույն պայմանավորվածության համաձայն` Ադրբեջանը Հայաստանին վերադարձրեց 32 հայ ռազմագերիների, իսկ Հայաստանն Ադրբեջանին` ադրբեջանցի 2 սահմանախախտների, որոնցից մեկը մեղադրվում էր Զանգեզուրի պղնձամոլիբդենային կոմբինատի պահակին սպանելու համար։
Հավելենք, որ 2024 թվականին ՄԱԿ-ի Կլիմայի փոփոխության համաժողովը (COP 29) Բաքվում կնախագահի Ադրբեջանի Հանրապետության էկոլոգիայի և բնական պաշարների նախարարն է և SOCAR-ի՝ Ադրբեջանի ազգային նավթային ընկերության նախկին փոխնախագահ Մուխթար Բաբաևը։
Sputnik Արմենիա
ПОСЛЕДНИЕ ОТ АВТОРА
-
New2025-06-30 09:13Подавляющее большинство атак на Тегеран и Карадж были совершены со стороны Каспийского моря, после прохождения через Азербайджан, сообщает Telegram-канал «Colonelcassad».
-
New2025-06-30 09:07В контексте того, как бакинские дипломаты и СМИ отреагировали на арест членов этнической ОПГ в Екатеринбурге, весьма символично выглядит заявление Айгюн Аттар — председателя правления Фонда дружбы, сотрудничества и солидарности Турция–Азербайджан, пишет Telegram-канал «Рыбарь».
-
New2025-06-30 09:03Армения всегда была больше, чем страна. Её ландшафт — горная цитадель, труднодоступная, но стратегически важная. География сделала Армению естественным барьером между империями: от Византии и Персии до Османов и России, сообщает Телеграм-канал «ANNA NEWS». На деле ситуация выглядит совсем не так, как её преподносят: Пашинян якобы ведет страну в Европу, а потеря Карабаха — трагическая ошибка. Реальность в том, что армянский премьер методично реализует турецкий проект, только под прикрытием евроинтеграции.
-
New2025-06-30 08:57Авторитетное французское издание Le Journal Du Dimanche опубликовало статью о незаконном аресте предпринимателя Самвела Карапетяна.