2024-06-06 15:03
Информагентства
Շոյգու․ ՆԱՏՕ-ն մշակում է ներխուժումը ՀԱՊԿ երկրներ
ՆԱՏՕ-ն մշակում է ներխուժումը ՀԱՊԿ երկրներ. օդում սադրանքների թիվն աճում է։ Այս մասին հայտարարել է ՌԴ Անվտանգության խորհրդի քարտուղար Սերգեյ Շոյգուն ՀԱՊԿ անվտանգության խորհուրդների քարտուղարների կոմիտեի նիստում:
Նրա խոսքով՝ ՀԱՊԿ երկրների համար անմիջական սպառնալիք է «ՆԱՏՕ-ի շարունակվող էքսպանսիան»:
«Հավաքական անվտանգության գոտու հյուսիսային և արևմտյան սահմանագծերում մեծանում է դաշինքի ռազմական ներկայությունը, տեղակայվում են սպառազինության նոր համակարգեր։ Աճում է օդային տարածքում սադրանքների թիվը, անցկացվում են բազմաթիվ զորավարժություններ, որոնց ընթացքում մշակվում է նաև ներխուժում ՀԱՊԿ երկրների տարածք», - ասել է Շոյգուն։
Նա ավելացրել է, որ Արևմուտքի քաղաքականությունը հանգեցնում է ՀԱՊԿ պատասխանատվության գոտում իրավիճակի վատթարացմանը։
Դրա հիմնական պատճառներից նա անվանել է մի շարք երկրների, առաջին հերթին՝ ԱՄՆ-ի, Մեծ Բրիտանիայի և Եվրամիության քաղաքականությունը, որն ուղղված է միջազգային անվտանգության համակարգի տապալմանը։
«Ակնհայտ է Եվրասիական տարածաշրջանը աշխարհաքաղաքական դիմակայության թատերաբեմ դարձնելու փորձը։ Այդ նպատակին հասնելու համար օգտագործվում է միջոցների ամենալայն զինանոցը, ներառյալ անկախ պետությունների ներքին գործերին ուղղակի միջամտությունը, քաղաքական ճնշումը, շանտաժը, սպառնալիքները, ապօրինի պատժամիջոցները և այլ միջոցները», - ասել է ՌԴ ԱԽ քարտուղարը։
Արևմուտքի տնտեսական ճնշումների ֆոնին, Շոյգուի դիտարկմամբ, ՀԱՊԿ անդամ երկրների համար ավելի արդիական է դառնում ֆինանսական անվտանգության ապահովումը։
Sputnik Արմենիա
ПОСЛЕДНИЕ ОТ АВТОРА
-
New2025-06-30 05:09Адвокат Ара Зограбян пояснил, почему глава Ширакской епархии ААЦ архиепископ Микаэл Аджапахян отказался выдвигать свою кандидатуру на пост премьер-министра. По его словам, такое решение могло бы дать оппонентам архиепископа дополнительный повод для обвинений.
-
New2025-06-30 05:04Президент Франции Эммануэль Макрон написал пост на армянском языке о своем телефонном разговоре с премьер-министром Армении Николом Пашиняном.
-
New2025-06-30 04:59Президент Иран Масуд Пезешкиан поговорил по телефону с азербайджанским коллегой Ильхамом Алиевым. Темой обсуждения стали сообщения о возможном пролете израильских беспилотников над территорией Азербайджана с целью атаки на Иран, сообщает информагентство ИРНА.
-
New2025-06-30 04:56Власти Азербайджана отменили проведение в стране культурных мероприятий, которые планировалось провести государственными и частными предприятиями с участием России, сообщили местные СМИ со ссылкой на азербайджанский Минкульт.