Երկրի գլխավոր հեռուստաալիքը անհարմար վիճակի մեջ է ընկել և ներողություն խնդրել շարժումը վարկաբեկելու համար

Հայաստանի Հանրային հեռուստաընկերությունը, որը ֆինանսավորվում է հարկատուների հաշվին, ներողություն է խնդրել հունիսի 5-ին իր եթերում տարածած կեղծ տեղեկությունների համար։

Առաջին ալիքը բարձրացված աղմուկից հետո ստիպված էր ներողություն խնդրել խայտառակ ռեպորտաժի համար, որտեղ արցախյան բարբառով կոշիկի մասին խոսակցությունը ներկայացրել էր որպես «Հանուն հայրենիքի» ընդդիմադիր շարժման հավաքներին մասնակցելու համար գումար ստանալու խոսակցություն, որն առաջնորդում է արքեպիսկոպոս Բագրատ Գալստանյանը։

Հիշեցնենք, որ իրավապաշտպան Ռուբեն Մելիքյանը Հանրային հեռուստաընկերությանը մեղադրել էր «գեբելսյան սուտ» տարածելու համար։ «Հ1-ն անցել է Գեբելսյան քարոզչության!! Սուտ! Սուտ! Սուտ! Արցախի բարբառով «վընա՛ման» նշանակում է միայն ու միմիայն «ոտնաման», «կոշիկ», ու ՈՉ ՄԻ ԿԵՐՊ չի նշանակում «վերցնել»,- նշել էր Մելիքյանը։

Նշենք, որ համաձայն փորձագետների և ընդդիմադիրների բազմաթիվ գնահատականների՝ պետբյուջեից ֆինանսավորվող հեռուստաալիքը չափազանց միտումնավոր և միակողմանի է լուսաբանում բողոքի շարժումը՝ զբաղվելով դրա նպատակաուղղված վարկաբեկմամբ։ Այս միջադեպը դարձել է նման գնահատականների օբյեկտիվության ակնհայտ վկայությունը։

News.am