2024-06-27 09:56
Информагентства
ԵԽԽՎ-ն Հայաստանի մասին բանաձև է ընդունել՝ ողջունելով ՀՀ իշխանությունների քայլերը
ԵԽԽՎ-ն քվեարկությամբ ընդունել է «Հայաստանի կողմից ստանձնած պարտավորությունների և հանձնառությունների կատարման մասին» բանաձևը՝ իր աջակցությունը հայտնելով ՀՀ իշխանություններին։ Բանաձևի ընդունման մասին հայտնել է վեհաժողովում ԱԺ պատվիրակության ղեկավար, ԱԺ փոխխոսնակ Ռուբեն Ռուբինյանը ու առանձնացրել գլխավոր կետերը։
Վեհաժողովը ողջունում է Հայաստանի Միջազգային քրեական դատարանի Հռոմի ստատուտի վավերացումը, 2023թ. սեպտեմբերին Երևան քաղաքի ավագանու ընտրությունների անցկացումը, որը համապատասխանել է ԵԽ տեղական և տարածքային իշխանությունների կոնգրեսի խորհրդատվությամբ ամրագրված ժողովրդավարական չափանիշներին։
Վեհաժողովն ափսոսանք է հայտնել, որ ընտրական ոլորտի բարելավումը չի հանգեցրել իշխող մեծամասնության և ընդդիմության միջև առավել լավ համագործակցության և փոխադարձ հարգանքի։
Վեհաժողովը դրական է գնահատում նաև համակարգային կոռուպցիայի դեմ պայքարելու՝ իշխանությունների ցուցաբերած իրական վճռականությունը։
Վեհաժողովը նշում է, որ Լեռնային Ղարաբաղի ժողովրդի բռնի տեղահանումից հետո Հայաստանում վարչապետ Փաշինյանի հրաժարականը պահանջող ընդդիմադիր կուսակցությունների կազմակերպած որոշ հանրահավաքներ բռնի բնույթ են ստացել, երբ ցուցարարները փորձել են բռնի կերպով ներխուժել կառավարական շենքեր։
«Վեհաժողովը գոհունակությամբ արձանագրել է, որ այս իրադարձությունների ժամանակ ոստիկանական ուժերի հետ բախումը չի հանգեցրել զոհերի՝ ի մեծ տարբերություն 2008 թվականի մարտի 1-ի դեպքերի, երբ 10 զոհ եղավ»,–նշված է բանաձևի տեքստում։
Վեհաժողովն ընդգծել է, որ Հայաստանի իշխանությունները շարունակում են ներգրավված լինել Ադրբեջանի հետ խաղաղության պայմանագրի բանակցություններում՝ միջազգային վեճերը խաղաղ ճանապարհով լուծելու իրենց հանձնառությանը համապատասխան։
Անդրադառնալով Հայաստանի և Ադրբեջանի միջև հարաբերությունների կարգավորմանը՝ Վեհաժողովը լիակատար աջակցություն է հայտնել տարածքային ամբողջականության փոխադարձ ճանաչման, ինքնիշխանության հարգման, սահմանների անձեռնմխելիության և ուժի չկիրառման սկզբունքների վրա հիմնված խաղաղ գործընթացին։
Վեհաժողովը ողջունում է նաև սահմանների սահմանազատման մեկնարկը՝ հիմնված Ալմա Աթայի 1991թ. հռչակագրի վրա՝ ակնկալելով, որ գործընթացը կշարունակվի ամբողջ սահմանի երկայնքով:
Վեհաժողովը ողջունում է Հայաստանի կառավարության «Խաղաղության խաչմերուկ» նախաձեռնությունը, որը կարող է նպաստել տարածաշրջանում խաղաղությանն ու կայունությանը։
Sputnik Արմենիա
ПОСЛЕДНИЕ ОТ АВТОРА
-
New2025-07-14 05:30Турция использует «голубое топливо» как главный инструмент переформатирования Ближнего Востока под собственное геостратегическое видение, пишет Telegram-канал «Кавказарь» - тематический проект «Рыбаря».
-
New2025-07-14 05:27Пять человек из семи, ранее задержанных по делу о «подготовке теракта», освободили из изолятора временного содержания, сообщил телеграм-канал движения «Священная борьба».
-
New2025-07-14 05:23Не успел Никол Пашинян добраться до Мартуни, как там уже остановилась жизнь по соображениям безопасности, написала председатель общественной организации «Право на здоровье» Ануш Погосян.
-
New2025-07-14 05:20Франция в субботу объявила об «историческом» соглашении с Новой Каледонией, согласно которому эта заморская территория, пострадавшая в прошлом году от сепаратистского насилия, останется французской, но будет провозглашена новым государством, сообщает France 24.