2024-07-10 17:21
Информагентства
Սամանթա Փաուեր․ Կոչ ենք անում ապահովել ԼՂ-ից ընտանիքների՝ իրենց տներ վերադառնալու իրավունքները
Կոչ ենք անում ապահովել այդ մարդկանց և ընտանիքների իրավունքները (Լեռնային Ղարաբաղից - խմբ.), որպեսզի նրանք կարողանան ապահով վերադառնալ իրենց տները։ Այս մասին հուլիսի 10-ին Երևանում կայացած ճեպազրույցում ասել է ԱՄՆ Միջազգային զարգացման գործակալության (USAID) ղեկավար Սամանթա Փաուերը՝ պատասխանելով NEWS.am-ի թղթակցի հարցին։
Նրա խոսքով, շատ ընտանիքներ ցանկանում են այցելել եկեղեցիներ, տաճարներ, հարազատների շիրիմներ, սակայն մինչ այժմ այդ վերադարձը չի եղել։ Նա վստահեցրեց, որ գործակալությունը կշարունակի կոչ անել և աշխատել այս ուղղությամբ։
Փաուերը բացատրեց, որ վերադարձի համար պետք է լինեն համապատասխան պայմաններ, որոնցից հիմնականը հանգամանքների փոփոխությունն է։ «Ես սահմանին էի 2023 թվականի սեպտեմբերին, և դեռ հիշում եմ Լեռնային Ղարաբաղից Հայաստան փախած ընտանիքների պատմությունները, նրանց ապրած վախը։ Նրանք մի քանի ամիս չէին կարողանում սնունդ և դեղորայք ստանալ, մինչև Ադրբեջանը գրավեց այս համայնքները։ Այն մարդիկ, որոնց ես հանդիպել եմ, կորցրել են կապն իրենց ընտանիքների հետ հապճեպ արտագաղթի ժամանակ (Լեռնային Ղարաբաղից - խմբ.)»,- նշել է գործակալության ղեկավարը։
Նա գոհունակություն հայտնեց, որ այս ընտանիքներից շատերը կարողացել են վերամիավորվել, բայց ոչ բոլոր դեպքերում է այդպես։
Փաուերը հիշեց, որ երեկ նա այցելել է մի վայր, որը ղեկավարում է մի քանի տարի առաջ Հայաստան փախած Լեռնային Ղարաբաղից մի ձեռնարկատեր:
«Նա աշխատանքի է ընդունում մարդկանց, ովքեր վերջերս են ժամանել Հայաստան։ Աշխատակիցներից մեկի ամուսինն անհետացել է, մյուսի ամուսինը զոհվել է մարտերի ժամանակ։ Սա արտացոլում է այն, ինչ ապրել են շատ ընտանիքներ»,- հավելեց նա:
Նրա գնահատմամբ՝ ՀՀ վարչապետ Նիկոլ Փաշինյանը ճշմարտացիորեն ընդգծել է Հայաստան ժամանած ավելի քան 100 հազար մարդկանց բարեկեցության ապահովման կարևորությունը՝ վստահություն հայտնելով, որ Հայաստանի կառավարությունը զգալի ջանքեր է գործադրում այդ մարդկանց աշխատանքի տեղավորելու համար։
«Հունիս ամսվա տվյալները ցույց են տալիս, որ զբաղվածության թվերն աճել են, սակայն մարդկանց այս խմբի տառապանքը շարունակում է չափազանց մեծ լինել, քանի որ նրանք այնտեղ այդքան շատ բան են թողել: Մենք աջակցում ենք բնակչության այս խմբին, աջակցություն ենք ցուցաբերում մանկապարտեզներին և դպրոցներին, որոնք ընդունել են ծանր վնասվածքներ ստացած երեխաներին»,- եզրափակեց գործակալության ղեկավարը։
ПОСЛЕДНИЕ ОТ АВТОРА
-
2025-06-18 22:20Существует прямая связь между интенсивностью атак на военные центры и инфраструктуру, а также гражданские районы на северо-западе Ирана со стороны израильского режима и планом англосаксонского фронта по созданию фальшивого Зангезурского коридора (Туранский коридор НАТО). Об этом написал иранский политолог Ахмад Каземи.
-
2025-06-18 20:20Первый зампред комитета Госдумы РФ по делам СНГ Константин Затулин прокомментировал Alpha News задержание российского бизнесмена Самвела Карапетяна, атаку властей Армении на Армянскую Церковь и прозападный курс.
-
2025-06-18 20:17США и Израиль делают главную ставку на свержение законного правительства Ирана и установление марионеточного режима. Но у Ирана есть опыт Венесуэлы, напоминает обозреватель Pravda.Ru Любовь Степушова.
-
2025-06-18 19:33Действия властей в отношении главы группы компаний "Ташир" Самвела Карапетяна - это удар по национальной идентичности и Армянской Апостольской церкви. Более того, это показатель нарастающей паники властей. Об этом говорится в заявлении Всеармянского совета дипломатов.