2024-08-30 12:20
Информагентства
ԿԽՄԿ․ 90-ականներից մինչև 2023 թվականը հայկական կողմից կա 1000 անհետ կորած
ԿԽՄԿ պատվիրակության տվյալներով՝ առաջին հակամարտությունից` 1990–ականներից և 2020–2023 թթ. ռազմական գործողություններից հետո հայկական կողմից անհետ կորած է համարվում շուրջ 1000 մարդ։ Այս մասին լրագրողների հետ զրույցում ասաց Հայաստանում ԿԽՄԿ պատվիրակության հաղորդակցման ծրագրերի ղեկավար Զառա Ամատունին:
Նա նշեց, որ 90–ականներից ի վեր ԿԽՄԿ հայաստանյան և Լեռնային Ղարաբաղի գրասենյակներում գրանցվել է շուրջ 700 անհետ կորած, իսկ 2020–2023 թթ. ռազմական գործողություններից հետո՝ շուրջ 300: Նրանք այն ընտանիքներն են, որոնք դիմել են ԿԽՄԿ՝ իրենց հարազատներին գտնելու համար։
Ամատունին նշեց, որ հարազատներին գտնելու հայտերն ընդունվել են նաև 2020–2023 թթ. սրացումից հետո մի քանի տասնյակ ընտանիքներից, որոնք համաձայն չեն ԴՆԹ արդյունքների հետ. կազմակերպության համար կարևոր է հասկանալ, թե ինչու ընտանիքները չեն ընդունում այդ արդյունքները և աշխատանքներ տանել պատասխանատու կառույցների հետ, որպեսզի հնարավորինս կրճատեն նման ընտանիքների թիվը:
Հարցին` որոնողական աշխատանքների հետ կապված ԿԽՄԿ–ն բանակցո՞ւմ է արդյոք ադրբեջանական կողմի հետ, Ամատունին նշեց, որ կազմակերպությունը` որպես մարդասիրական ու չեզոք միջնորդ, այդ բանակցություններում դերակատարում չունի, սակայն երկխոսության միջոցով մշտապես փորձում է հարցը պահել իշխանությունների և պատկան մարմինների ուշադրության կենտրոնում: Նրա խոսքով՝ երկու կողմերի քաղաքական կամքը շատ կարևոր է, որպեսզի այս հարցում կարողանան արձանագրել որոշակի առաջընթաց։
Ինչ վերաբերում է այն դեպքերին, երբ հարազատները պնդում են, որ իրենց որդիները կամ ամուսինները գերության մեջ են, և նրանք ունեն վիդեո–ապացույցներ, սակայն ադրբեջանական կողմը դա չի հաստատում, Ամատունին ընդգծեց, որ ԿԽՄԿ–ն տեսակցում է միայն այն անձանց, որոնք գտնվում են անազատության մեջ, և որոնց անունները հստակ փոխանցվել են իրենց ու հաստատվել Ադբեջանի իշխանությունների կողմից: Ամատունին ընդգծեց, որ ԿԽՄԿ աշխատակիցների հերթական այցերի մասին առաջինը տեղեկանում են անազատության մեջ գտնվող անձանց ընտանիքները։
Նշենք, որ Բաքուն պաշտոնապես հաստատում է 23 հայերի գերեվարման փաստը, որոնցից 17–ը հայտնվել են այնտեղ 2023թ–ին Լեռնային Ղարաբաղի դեմ Ադրբեջանի սեպտեմբերյան ագրեսիայից հետո: Նրանց թվում են ԼՂ ռազմաքաղաքական ղեկավարության ներկայացուցիչները։
Sputnik Արմենիա
ПОСЛЕДНИЕ ОТ АВТОРА
-
New2025-07-30 09:51К 120-летию рождения академика Андроника Иосифьяна Окончание. Начало: Статья 1, Статья 2 Часть 2. Он многое сделал для своей Родины Книга Епископа Макара Бархударянца «Арцах», написанная в конце XIX века без присущих советской историографии искажений истории региона, описывает практически каждое село Арцаха-Нагорного Карабаха. Она была издана в 1895 году в Баку. В этой книге автор подробно описывает природные и исторические памятники Арцаха, а также этнографию области.
-
New2025-07-30 09:38Армянский спортсмен Джанес Назарян завоевал золотую медаль на чемпионате мира по греко-римской борьбе среди юношей до 17 лет, сообщает Федерация борьбы Армении.
-
New2025-07-30 09:35Российский бизнесмен и миллиардер азербайджанского происхождения, бывший свекор дочери президента Азербайджана Арас Агаларов поехал в Баку, передают азербайджанские СМИ.
-
New2025-07-30 09:33Представитель комиссии по национальной безопасности парламента Ирана заявил, что Армения является соседом и стратегическим партнёром Ирана, и у Ирана всегда были лучшие отношения с Арменией, она служит связующим звеном страны с Европой, пишет Telegram-канал Sepah Pasdaran.