2024-09-09 14:59
Информагентства
Եվրահանձնաժողովի փոխնախագահը Հայաստանում է
Հայաստան է ժամանել Եվրոպական հանձնաժողովի փոխնախագահ Մարգարիտիս Սխինասը։ Այս մասին X-ի իր միկրոբլոգում հայտնել է Հայաստանում ԵՄ պատվիրակության ղեկավար, դեսպան Վասիլիս Մարագոսը։ «Ուրախ եմ ողջունել Եվրոպական հանձնաժողովի փոխնախագահ Մարգարիտիս Սխինասին Հայաստանում` Հայաստանի նախագահ Վահագն Խաչատուրյանի, վարչապետ Նիկոլ Փաշինյանի և ԱԳ նախարար Արարատ Միրզոյանի հետ բանակցությունների համար՝ Հայաստան-Եվրամիություն գործընկերությունն ամրապնդելու և վիզային ռեժիմի ազատականացման շուրջ երկխոսություն սկսելու նպատակով»,- նշել է դեսպանը։
ԵՄ հաղորդագրության մեջ նշվում է, որ փոխվարչապետ Մհեր Գրիգորյանի հետ քաղաքական մակարդակով վիզաների ազատականացման շուրջ երկխոսության մեկնարկը ուժեղ ազդանշան է ԵՄ-ին և նրա անդամ երկրներին ԵՄ-ի և Հայաստանի միջև առանց այն էլ ամուր գործընկերությունը խորացնելու վճռականության մասին։ Այս երկխոսության նպատակն է ի վերջո վերացնել ԵՄ-ում կարճատև մնալու համար Հայաստանի քաղաքացիների համար վիզայի պահանջը, երբ Հայաստանի իշխանությունները զգալի բարեփոխումներ իրականացնեն այնպիսի հիմնական ոլորտներում, ինչպիսիք են ճամփորդական փաստաթղթերի անվտանգությունը, սահմանը, միգրացիան և ապաստանի կառավարումը, հասարակական կարգն ու անվտանգությունը, ինչպես նաև ազատ տեղաշարժի հետ կապված հիմնարար իրավունքները: Ինչպես ցույց է տվել երրորդ երկրների հետ փորձը, Հայաստանի հետ այս երկխոսությունը բազմամյա գործընթաց է լինելու, որը կիրականացվի ԵՄ անդամ երկրների հետ շատ սերտ համագործակցությամբ՝ վերահսկելու բարեփոխումների առաջընթացը և զարգացումները։
Իր այցի ընթացքում փոխնախագահը նաև Երևանի պետական համալսարանի ուսանողների հետ կքննարկի վերջին շրջանում ԵՄ-Հայաստան հարաբերություններում արձանագրված զգալի առաջընթացը և ընդհանուր արժեքների վրա հիմնված դրանց հետագա խորացման հեռանկարները։
News.am
ПОСЛЕДНИЕ ОТ АВТОРА
-
New2025-06-13 18:25Президент Турции Реджеп Тайип Эрдоган резко осудил атаку Израиля на Иран, отметив, что израильская администрация пытается втянуть весь регион и мир в катастрофу, передает ТАСС.
-
New2025-06-13 18:23Правительство Ирана провело экстренное заседание в связи с ударами Израиля. Об этом сообщает пресс-служба президента Ирана Масуда Пезешкиана.
-
New2025-06-13 18:21Военная операция Израиля против Ирана только начинается, страна готова к ответным действиям со стороны Тегерана, заявил пресс-секретарь Армии обороны Израиля (ЦАХАЛ) Эфи Дефрин.
-
New2025-06-13 18:21Премьер-министр Израиля Биньямин Нетаньяху планирует провести ряд телефонных разговоров с мировыми лидерами, включая президента России Владимира Путина, на фоне эскалации с Ираном, сообщила канцелярия премьера.