2024-09-09 19:33
Информагентства
ԱԺ-ում քննարկվել է ԱՊՀ երկրների հետ փոխգործակցության մասին համաձայնագրի վավերացման հարցը
Ազգային ժողովում քննարկվեց «Ծառայությունների ազատ առևտրի, հիմնադրման, գործունեության և ներդրումների իրականացման մասին» համաձայնագիրը վավերացնելու նախագիծը։ «Արմենպրես»-ի հաղորդմամբ՝ Ազգային ժողովի նիստում նախագիծը ներկայացրեց ՀՀ էկոնոմիկայի նախարարի տեղակալ Սևակ Միքայելյանը:
Նա հիշեցրեց, որ «Ծառայությունների ազատ առևտրի, հիմնադրման, գործունեության և ներդրումների իրականացման մասին» համաձայնագիրը 2023 թվականի հունիսի 8-ին Սոչիում ստորագրել են Հայաստանը, Բելառուսը, Ղազախստանը, Ղրղզստանը, Ռուսաստանը, Տաջիկստանը և Ուզբեկստանը:
«Նպատակը պետությունների միջև ծառայությունների, առևտրի, ներդրումների ոլորտում ավելի լայն տնտեսական համագործակցությունն է և փոխշահավետության համար բարենպաստ պայմաններ ստեղծելը: Համաձայնագիրը բխում է «Ազատ առևտրի գոտու մասին» պայմանագրից: Ընդլայնվում է առևտրի շրջանակը՝ տարածելով նաև ծառայությունների ոլորտի վրա:
Կարգավորվում է ծառայությունների անդրսահմանային առևտուրը, ընկերությունների ստեղծման և գործունեության ոլորտը, մասնակից պետությունների տարածքներով ֆիզիկական անձանց տեղաշարժի և ժամանակավոր գտնվելու հետ կապված հարցերի շրջանակը, ինչպես նաև ներդրումային գործունեությունը»,- ասաց Միքայելյանը։
Փոխնախարարի խոսքով՝ նախագծի դրույթները չեն հակասում նշված ոլորտում ԵԱՏՄ իրավական ակտերի պահանջներին:
ԱՊՀ գործադիր կոմիտեն կանխատեսել է, որ համաձայնագրի իրականացումն ԱՊՀ-ում ծառայությունների ծավալը կավելացնի շուրջ 25 տոկոսով:
ПОСЛЕДНИЕ ОТ АВТОРА
-
New2025-05-06 06:05Министерство внутренней безопасности США заявило, что будет выплачивать компенсацию нелегальным мигрантам, которые будут добровольно покидать Соединенные Штаты и возвращаться на родину, сообщает CNN.
-
New2025-05-06 06:00Глава Союза по правам человека беженцев Арцаха Андраник Григорян в эти дни принимает участие в конференции, организованной Бюро по демократическим институтам и правам человека ОБСЕ в Вене.
-
New2025-05-06 05:56Азербайджан вновь осквернил могилы в мемориальном комплексе в Степанакерте, сообщил MonumentWatch.
-
New2025-05-06 05:52На пропускном пункте Гогаван – Гугути армяно-грузинской границы временно приостановлен проезд грузового транспорта. Об этом сообщает Комитет госдоходов Армении.