2024-09-10 09:40
Информагентства
Սադեղի․ Զանգեզուրի միջանցքի բացումը Իրանի համար սպառնալիք է
Իրանի աշխարհաքաղաքական սահմանների փոփոխությունները բնավ ընդունելի չեն: Զանգեզուրի միջանցքի բացումը, որին Ռուսաստանի համաձայնությամբ ձգտում են Թուրքիան և Ադրբեջանը, Իրանի ազգային անվտանգության և տարածքային ամբողջականության համար լուրջ սպառնալիք է։ Դրա մասին հայտարարել է Իրանի նահանգների Գերագույն խորհրդի պատգամավոր Մոհամմադ Սադեղին, գրում է իրանական IRIB news կայքը։
«Իրանի և Հայաստանի սահմանը հինավուրց միջազգային սահմաններից է։ Զանգեզուրի անցակետի կառուցումը լիովին կհակասի Իսլամական Հանրապետության շահերին և լարվածության աճ կառաջացնի տարածաշրջանում։
Այս հարցում երկրի բոլոր պաշտոնյաների շրջանում լիակատար կոնսենսուս ու համաձայնություն կա, և որևէ փոփոխություն կամ ընկրկում չկա։ Իրանը, անկախ տարածաշրջանային և արտատարածաշրջանային տերությունների միջև քաղաքական մրցակցության բնույթից և անկախ Երևանի ներքաղաքական դիրքերից, հետամուտ է լինելու աշխարհաքաղաքական փոփոխությունները կանխելու մոտեցմանն ու թույլ չի տա, որ գոյություն ունեցող կարգը փոխվի։
Ռուսաստանին խորհուրդ է տրվում, Զանգեզուրի միջանցքի և տարածաշրջանում Բաքու-Անկարա նախագծի ձևավորմանը հապճեպ համաձայնություն տալու փոխարեն 3+3 ձևաչափով կանոնավոր հանդիպումներ պահանջի և թույլ չտա, որ խաղաղության և բարեկամության սահմանները դառնան լարվածություն վայր»,- նշել է իրանցի պաշտոնյան։
News.am
ПОСЛЕДНИЕ ОТ АВТОРА
-
New2025-05-08 19:30"Армянские авиалинии" на полгода лишены возможности выполнять рейсы. Об этом сообщили Sputnik Армения в Комитете гражданской авиации.
-
New2025-05-08 19:28Президент США Дональд Трамп в четверг заявил, что ресурсная сделка с Украиной была полностью ратифицирована и одобрена ее законодательными органами.
-
New2025-05-08 19:27В Ереване 8 мая проходит мероприятие, посвященное Дню освобождения Шуши под названием «Шуши: возвращение будет».
-
New2025-05-08 17:31Подразделения ВС Азербайджана обстреляли населенный пункт Хнацах Сюникской области Армении. Об этом сообщает пресс-служба Минобороны Армении.