2024-09-13 15:50
Информагентства
Այրվածքների դեպքերը 30%-ով աճել են․ Այրվածքաբանության ազգային կենտրոնը տվյալներ է հայտնում
Բարձր ջերմաստիճանի ջրի մոտ երեխաների խաղալու, հոսանքահարումների, տանը և մեքենայում գազի արտահոսքի հետևանքով այրվածքներ ստացած անձանց թիվն ամեն տարի աճում է։ Այս մասին մամուլի ասուլիսի ժամանակ ասաց ՀՀ ԱՆ այրվածքաբանության ազգային կենտրոնի տնօրեն Հովհաննես Հովհաննիսյանը՝ անդրադառնալով կենցաղային պայմաններում այրվածքների ռիսկերին։
«Մենք նկատել ենք, որ դեպքերի քանակը գնալով ավելանում է, կարելի է ասել` ամեն ամիս է ավելանում։ Համեմատելով նախորդ տարվա հետ` գրեթե 30% աճ է նկատվում։ Տարեկան կտրվածքով` ընդհանուր դեպքերի քանակը հասնում է մոտ 600-700-ի, ու մեծ մասամբ կենցաղային բնույթի այրվածքներ են լինում։ Այդ դեպքերի մոտ 35-40 տոկոսը երեխաներն են լինում»,- ասաց Այրվածքաբանության ազգային կենտրոնի տնօրենը։
Նա ընդգծեց՝ գրեթե բոլոր դեպքերը պատահում են պարզագույն կանոնները խախտելու հետևանքով։ Օրինակ՝ մեքենայում պայթյունները հիմնականում լինում են այն դեպքերում, երբ գազի արտահոսք է լինում, վարորդը կամ ուղևորը հոտը զգում են, ուշադրություն չեն դարձնում, ավելին` որոշում են ծխախոտ օգտագործել։
Օգոստոսին, 2 շաբաթվա ընթացքում մեքենայում գազի պայթյունի 6 դեպք է գրանցվել, բոլորն էլ նույն «սցենարով»։ Հիմնականում նման դեպքերում մեքենաներում վարորդից բացի այլ անձինք էլ են լինում ու տուժածների թիվը մեծանում է։
Խոսելով տան պայմաններում արձանագրված դեպքերի մասին` Հովհաննիսյանը շեշտեց՝ այստեղ էլ եռման ջրի հետևանքով ստացված այրվածքներն են շատ լինում․ կաթսայով ջուր է եռացվում, իսկ կողքին երեխաներ են վազվզում։
Մասնագետը նշեց` նույնիսկ օրեր են լինում, երբ այրվածքներով այնքան պացիենտ է դիմում, որ չեն հասցնում իրենց կենտրոնում բուժօգնություն ցույց տալ ու դիմում են գործընկերներին։
Հովհաննիսյանի խոսքով՝ նմանատիպ բոլոր դեպքերը հետագայում էլ կանխելու համար մշտապես խոսում են և՛ իրենց բուժառուների, և՛ նրանց հարազատների հետ, որպեսզի վերջիններս հստակ իմանան՝ ինչպես պահպանել կանոնները։
Sputnik Արմենիա
ПОСЛЕДНИЕ ОТ АВТОРА
-
New2025-05-16 14:03Группа американских сенаторов во главе с Крисом Ван Холленом призвала американскую администрацию Трампа-Вэнса провести расследование нарушений «Закона Лихи» и ограничений гуманитарной помощи, касающихся Арцаха и других конфликтов.
-
New2025-05-16 14:00Премьер-министр Армении Никол Пашинян и президент Азербайджана Ильхам Алиев встретились в Тиране.
-
New2025-05-16 13:55В Стамбуле завершилась трехсторонняя встреча между Украиной, Турцией и США, сообщают корреспонденты BBC с места событий. Об этом же сообщает и турецкий МИД.
-
New2025-05-16 13:54Как сообщает Спасательная служба, 16 мая в 12:08 по местному времени (в 08:08 по Гринвичу) Территориальная служба сейсмической защиты МВД Армении в 8 км к северо-востоку от города Бавра в Армении близ границы с Грузией зарегистрировала землетрясение магнитудой 2.3.