2024-09-14 12:59
Информагентства
ՆԳՆ․ Սեպտեմբերի 13-ի հորդառատ անձրևի հետևանքների վերաբերյալ 65 ահազանգ է ստացվել
Երևանում արձանագրվել է ջրալցումների 26 դեպք, մեծ մասը՝ 18 դեպք, Կենտրոն վարչական շրջանում։ ՀՀ ՆԳՆ մամուլի ծառայությունը սեպտեմբերի 13-ի հորդառատ անձրևի հետևանքով առաջացած դեպքերի վերաբերյալ հաղորդագրություն է տարածել։
Նշվում է, որ Նոր Նորքում արձանագրվել է ջրալցման 4 դեպք, Ավան, Մալաթիա-Սեբաստիա, Քանաքեռ-Զեյթուն, Նորք Մարաշ վարչական շրջաններում՝ 1-ական դեպք։ 6 դեպքում ջրահեռացման աշխատանքներ են իրականացվել, մի շարք հասցեներից փրկարարները մոտ 228 տոննա ջուր են հեռացրել։
«ՀՀ ՆԳՆ ճգնաժամային կառավարման ազգային կենտրոնում սեպտեմբերի 13-ին ժամը 21։30-ից մինչև սեպտեմբերի 14-ը ժամը 00։59-ը հորդառատ անձրևից առաջացած դեպքերի, պատահարների վերաբերյալ ստացվել է 65 ահազանգ (էլեկտրական լարերի կարճ միացման, սելավատարերի և դիտահորերի խցանման, ջրալցումների վերաբերյալ)»,- հայտնում են գերատեսչությունից։
Արգելափակումից դուրս է բերվել 8 ավտոմեքենա։
Իրականացված աշխատանքներին մասնակցել է 26 մարտական հաշվարկ, 7 օպերատիվ խումբ, 5 մոտոպոմպ, 99 փրկարարական ծառայող։
Զոհեր և տուժածներ չկան։
Նշենք, որ Երևանում յուրաքանչյուր հորդառատ անձրևից հետո հեղեղումներ են առաջանում, մայրաքաղաքի փողոցներով, բառի բուն իմաստով` վարար գետեր են հոսում։
Sputnik Արմենիա
ПОСЛЕДНИЕ ОТ АВТОРА
-
New2025-06-09 09:38Сегодня в Котайкской области произошла драка со стрельбой.
-
New2025-06-09 09:35МВД Армении опубликовало видео ДТП, которое произошло в Араратской области.
-
New2025-06-09 09:33Военнослужащие Национальной гвардии Калифорнии прибыли в Лос-Анджелес 8 июня рано утром по местному времени в ответ на протест против рейдов федеральной иммиграционной службы, сообщает NBC News.
-
New2025-06-09 09:30По информации Hraparak.am, кортеж премьер-министра Армении Никола Пашиняна, возвращавшийся из Сюникской области, попал в ДТП в селе Армаш, получили травмы также некоторые из телохранителей.