2024-09-19 11:20
Информагентства
ՀՀ ՏԵՂԵԿԱՏՎԱԿԱՆ ԴԱՇՏՈՒՄ ՏԵՌՈՐ Է․ ՇԱՀՐԱՄԱՆՅԱՆԸ՝ ԱՐՑԱԽՑԻՆԵՐԻՆ ԹԻՐԱԽԱՎՈՐԵԼՈՒ ՄԱՍԻՆ
Այսօր ՀՀ տեղեկատվական դաշտում է տեռոր է տիրում։ «Եռաբլուր» պանթեոնում լրագրողների հետ զրույցում այս մասին ասաց Արցախի նախագահ Սամվել Շահրամանյանը՝ մեկնաբանելով քննչական կոմիտեի` երեկ տարածած հաղորդագրությանը։
Սեպտեմբերի 18-ին ՔԿ-ն հաղորդագրություն էր տարածել, թե բացահայտվել է իշխանությունը յուրացնելու նախապատրաստության դեպք, հանրային հետապնդում է հարուցվել 7 անձի նկատմամբ, որոնցից 2-ը ԼՂ նախկին բնակիչներ են։
«ՀՀ-ում պետք է կարգավորվի տեղեկատվական դաշտի գործունեությունը, լրագրողների աշխատանքը, սոցցանցերում տարածվող տեղեկությունների համար պատասխանատվության հարցը․․․Դիմում եմ ՀՀ Ազգային ժողովին` ձեռնամուխ լինել այնպիսի օրենսդրական փոփոխությունների, որոնք հնարավորություն կտան պաշտպանված լինել ՀՀ բոլոր քաղաքացիներին և Հայաստանում ապրող բոլոր մարդկանց»,- նշեց Շահրամանյանը։
Նա հավելեց, որ ՔԿ-ի հաղորդագրությունից բացի բազմաթիվ տեղեկություններ են շրջանառվում նաև ֆինանսական հանցագործությունների վերաբերյալ՝ ծանր և առանձնապես ծանր։ Կոչ արեց ուժային կառույցներին հետամուտ լինել, բացահայտել դրանց իսկությունը։
Հիշեցնենք՝ վերջին ամիսներին մի շարք քրեական վարույթներ են նախաձեռնվել Արցախի պաշտոնյաների դեմ։ Մեղադրանքներ էին առաջադրվել Ստեփանակերտի, Ասկերանի, Մարտակերտի քաղաքապետներին։ Ավելի ուշ նաև Արցախի նախագահ Սամվել Շահրամանյանի ծառայողական մեքենան առգրավվել էր` ինչպես ՔԿ-ից Sputnik Արմենիային էին հայտնել` թմրամիջոցների ապօրինի շրջանառության գործի շրջանակներում։
ПОСЛЕДНИЕ ОТ АВТОРА
-
2025-05-24 15:54Иран в субботу официально запустил первое в стране воздушное такси, открыв новую страницу в развитии национальной авиации, сообщает IRNA.
-
2025-05-24 15:52Крупное отключение электроэнергии произошло во французском департаменте Приморские Альпы, где в субботу завершается Каннский кинофестиваль, сообщает РИА Новости со ссылкой на зарубежные СМИ.
-
2025-05-24 15:49Административный суд в Ереване вновь признал недействительным кратное повышение платы за парковку в столице, но вердикт останется на бумаге.
-
2025-05-24 15:4520 мая 2025 года суд в Азербайджане приговорил Игбала Абилова к 18 годам лишения свободы по делу о госизмене. Ученого арестовали в 2024 году, когда он приехал в Азербайджан на свадьбу двоюродного брата.