2024-09-20 08:41
Гаспар АДАМЯН
ԱՆՏԵՍՈՒՄ ԵՆ, ՉՆԱՅԱԾ «ԱՐՅԱՆ ԳԵՏԵՐԻՆ»
2019թ. հուլիսին Իջևանում, Փաշինյանի անմիջական հրահանգով, անցկացվեց ապօրինի անտառահատումների մեղավորներին ձերբակալելու հատուկ գործողություն, որից հետո համայնքում բողոքի ակցիաների ալիք բարձրացավ: Բանն այնտեղ հասավ, որ տեղի բնակիչներն արգելափակեցին Հայաստան-Վրաստան մայրուղին։ Հետագայում ԱԱԾ-ի այն ժամանակվա ղեկավար Արթուր Վանեցյանը խոստովանեց, որ այդ օրերին Փաշինյանն իրենից պահանջել է, որ «արյան գետեր հոսեն»՝ ի պատիժ ապօրինի անտառահատումների:
Ներկայումս Իջեվան համայնքի մեջ մտնող Սեվքար գյուղից կանոնավորապես տեղեկություններ են ստացվում, որ անտառն ապօրինի հատում են օրը ցերեկով, ամբողջ բրիգադներով: Տեղաբնակ անտառահատները որպես օրավճար ստանում են 15-20 հազար դրամ։ Ակնհայտ է, որ ցրտերն ընկնելուն զուգընթաց ծառահատումների մասշտաբներն աճելու են։ Վարչապետի աթոռին նստելուն պես՝ Փաշինյանը պատերազմ հայտարարեց որսագողությանը։ Հայտնի է, որ մի օր, անտառում ընտանյոք հանդերձ հանգստանալիս, նա գնացել է կացինների ձայնի ուղղությամբ և անձամբ բռնացրել որսագողերին: Ուրեմն ի՞նչ է պատահել հիմա։ Ո՞ւր է կորել նախկին էնտուզիազմը: Գուցե պատճառն այն է, որ ապօրինի անտառահատումներն ընթանում են տեղական իշխանությունների համաձայնությա՞մբ։ Հիշեցնեմ, ի դեպ, որ Տավուշի մարզպետը Փաշինյանի մտերիմ ընկերն է՝ ՔՊ անդամ Հայկ Ղալումյանը։ Առանց նրա համաձայնության մարզում ոչինչ չի կատարվում։
2023 թվականին ԶԼՄ-ները հաղորդեցին, որ Սևքար գյուղի անտառտնտեսության տնօրենի տեղակալ Անահիտ Հովսեփյանը ծեծի է ենթարկվել նույն գյուղի բնակչի կողմից՝ ապօրինի ծառահատմանը խոչընդոտելու համար։ Միջադեպը տեղի է ունեցել հենց այն շենքի դիմաց, որում տեղակայված է անտառտնտեսության վարչությունը։ Որսագողերը ոչնչից չեն վախենում, քանի որ գործում են տեղական իշխանության, այսինքն՝ ՔՊ ներկայացուցիչների «տանիքի» տակ։ Այս օրերին Սևքար գյուղի բնակիչներն ամեն օր տեսնում են տասնյակ հեռացող բեռնատարներ՝ հատված ծառերով։ Ինչո՞ւ է լռում Փաշինյանը։
2018 թվականին կառավարության առաջին նիստերից մեկում նա պահանջեց ոստիկանապետ Վալերի Օսիպյանից, որ Երևանում բացահայտվեն և պատժվեն գիշերային ժամերին ճայթռուկներ պայթեցնողները: Օսիպյանը պատասխանեց, որ դա անհնար է, ինչին ի պատասխան Փաշինյանն ասաց, որ իրեն պետք է այնպիսի ոստիկանապետ, որն ի վիճակի է լուծել այդ խնդիրը: Անցել է 6 տարի, գլխավոր ոստիկանի պաշտոնում եղել են մի քանի հոգի, և նրանք բոլորն էլ, ինչպեսև ներկայիս ՆԳ նախարարը՝ Փաշինյանի ընկեր Վահե Ղազարյանը, անկարող եղան լուծել այդ խնդիրը: Ամեն գիշեր Երևանը ցնցում են ճայթռուկների անթիվ պայթյուններ, որոնց վաճառքը Սուրմալու տոնավաճառում տեղի ունեցած պայթյուններից հետո (2022թ. օգոստոսի 14) մասամբ արգելված է:
Անդրադառնանք ավելի թեթև խնդիրներին. ոչ վաղ անցյալում կառավարության մակարդակով արգելվեցին աղամանները հասարակական սննդի հաստատությունների սեղաններին, իբր՝ թող այցելուներն իրենք աղ խնդրեն, իսկ կանխավ դա սեղանին դնելն արգելվում է։ Խորհուրդ եմ տալիս կողքով անցնելիս ուշադրություն դարձնել ռեստորանների և սրճարանների ցուցափեղկերից երևացող սեղաններին։ Աղամաններով սեղանների շուրջ անշուշտ կտեսնեք ծխող տղամարդկանց և կանանց, թեև հասարակական վայրերում ծխելն արգելված է, ինչպես որ արգելված է փողոցային առևտուրը, որը ծաղկում է մայրաքաղաքի ոչ միայն ծայրամասերում, այլև կենտրոնում…
Իշխող ռեժիմն ավելի քան 6 տարի շարունակ բացարձակ անկարողություն է ցուցաբերում ցանկացած գործ ավարտին հասցնելու հարցում։ Ինչ էլ ձեռնարկի Փաշինյանը, ամեն ինչ մնում է կես ճանապարհին. ապօրինի անտառահատումներն ու Սևանում որսագողությունը ծաղկում են՝ անկախ ձերբակալություններից ու տուգանքներից: Երևանյան սրճարաններում ծխում են, աղամանները մշտապես սեղաններին են, իսկ դեղատներում ընդհանրապես դեղատոմս չեն պահանջում այն դեղամիջոցների վաճառքի համար, որոնք ներառված են Առողջապահության նախարարության հատուկ ցուցակում…
Իշխանությունն անկարող է կարգուկանոն հաստատել երկրում այն պարզ պատճառով, որ ինքն է թաղված ապօրինության մեջ։ Բոլոր իրավախախտումների փաստերի բացահայտումը կրում է ընտրողական բնույթ. յուրայիններին ամեն ինչ կարելի է, մյուսների համար գործում է օրենքը: Կոռուպցիայի դեմ պայքարը ձախողված է, երևույթը ծաղկում է ամենուր, չնայած ռեժիմի պարագլխի ամպագոռգոռ հայտարարություններին, թե իբր՝ ինքը վերջ է տվել համակարգային կոռուպցիային։
Իրականում ներկայիս կոռուպցիան իր բոլոր մակարդակներով՝ հովանավորչությունից մինչև ամենաճղճիմ կաշառք, արգասիքն է այն համակարգի, որ ստեղծեց 2018-ին այդ սոցիալական ախտի դեմ պայքարի կարգախոսով իշխանությունը զավթած Փաշինյանը։ 6 տարվա ընթացքում հասարակական կյանքի բոլոր թերություններն ավելի են խորացել այն պատճառով, որ դրանց դեմ պայքար է տարվել լոկ շոուների մակարդակով, իսկ իրական պայքար չի եղել, և այսօր էլ չկա։ Հենց այդ պատճառով էլ շարքային քաղաքացիներն անտեսում են իշխանությունների հանձնարարականներն ու երկրում կարգուկանոն հաստատելու փորձերը։ «Վերևից» տրվող բոլոր հանձնարարականնեը շռնդալից ձախողվում են, որսագողությունը դարձել է կյանքի նորմ, եթե այն «տանիքավորում» է Փաշինյանի ընկերը, մյուս ոլորտներում էլ գործում է նույն սկզբունքը. Նիկոլի մտերիմներին ու ՔՊ վերնաշերտի անդամներին թույլատրված է ամեն ինչ…
ПОСЛЕДНИЕ ОТ АВТОРА
-
2025-07-19 10:44"Никол Пашинян нарушил все границы, как по части официальных полномочий, так и в сфере нравственности. Для него не существует красных линий, стало быть, от него можно ожидать всего. Он может лично пойти в Святой Эчмиадзин, надеть на католикоса наручники и отвести в изолятор СНБ или в какое-то другое место.
-
2025-07-18 09:1823 апреля 2004 г. член НПА доверенное лицо Степана Демирчяна Гриша Вирабян в отделении полиции Арташата подвергся побоям. О нанесенном его здоровью вреде писали все газеты, сообщали все телеканалы, вся страна узнала, что в результате побоев мужчина лишился важного фрагмента мочеполовой системы, дело дошло до Европейского суда по правам человека, который 2 октября 2012 г. вынес решение в пользу потерпевшего. После избиения Вирабян отбыл на постоянное место жительства в Брюссель, где жертву политических репрессий приняли с распростертыми объятиями. После 2004 г. прошел 21 год.
-
2025-07-16 09:40Чрезвычайный и Полномочный Посол РА в РФ Гурген Арсенян был вызван в МИД РФ, где, согласно официальному сообщению, заместитель главы внешнеполитического ведомства РФ Михаил Галузин изложил ему позицию о необходимости обеспечения "конструктивного информационного фона вокруг России". В армянских СМИ сразу появились сообщения о том, что беседа с участием Арсеняна не была гладкой, посла предупредили, что, если Армения пойдет по пути реализации планов Запада и исключит из мультиплекса государственные телеканалы РФ, то возможны нежелательные последствия в виде санкций. Напомню, что РФ ужесточила позицию в отношении РА после ареста своего гражданина Самвела Карапетяна. В ответ на ужесточение в МИД РА был приглашен Чрезвычайный и Полномочный Посол РФ в РА Сергей Копыркин для вручения ноты протеста в связи с агитацией против властей РА в средствах массовой информации РФ. Очевидно, что запрет на российские телеканалы исходит от западных хозяев Пашиняна.
-
2025-07-15 09:40Скандально знаменитый вице-мэр Вагаршапата Арсен Петросян (тот самый бывший грузчик, пекарь, дилер казино, шофер и активист "революции" 2018 г.) на днях неожиданно подал в отставку. Произошло это не вследствие отставки Дианы Гаспарян с поста мэра, не на фоне скандала с убийством на газозаправочной станции, которая принадлежит ее семье, не в связи с причастностью к этому убийству ее мужа и даже не после решения об укрупнении общины. Произошло это после скандального заявления Пашиняна о готовности лично возглавить повторный поход силовых структур на Вагаршапат с целью изгнания Католикоса Всех Армян Гарегина Второго из Святого Эчмиадзина.